விக்ரம் இசை வெளியீடு எங்க தெரியுமா? சுடசுட வெளியான மாஸ் அப்டேட்...

கமல் தற்போது நடித்து முடித்துள்ள விக்ரம் படத்தின் இசை வெளியீட்டு இடம் குறித்த செய்தி வெளியாகியுள்ளது.

vikram movie

மாநகரம், கைதி, மாஸ்டர் என அடுத்தடுத்து பிளாக்பஸ்டர் ஹிட் படங்களை கொடுத்த இயக்குனர் லோகேஷ் கனகராஜ் தற்போது கமலை வைத்து இயக்கி வருகிறார்.

கமல் நாயகனாகவும் தயாரிப்பாளராகவும் உள்ள இப்படத்தில் விஜய் சேதுபதி, பகத் பாசில், நரேன், காளிதாஸ் ஜெயராம் என மிகப்பெரிய  நட்சத்திர பட்டாளமே நடித்துள்ளது.

vikram

ஜூன் 3-ந் தேதி திரையரங்குகளில் ரிலீசாக உள்ள  இந்த படத்திற்கு அனிருத் இசையமைக்க கிரீஷ் கங்காதரன் ஒளிப்பதிவு செய்துள்ளார். 

vikram movie

ராஜ்கமல் பிலிம்ஸ் நிறுவனம் தயாரித்துள்ள இப்படம் படபிபிடிப்பு முடிந்து ப்ரோமோஷன் வேலைகள் படு வேகமாக நடைபெற்று வருகிறது. 

இப்படத்தில் கமலுக்கு ஜோடியாக கன்னடத்தில் இளம் நடிகையாக வலம் வரும் ஷான்வி ஸ்ரீவஸ்தவா மற்றும்  நடிகர் விஜய் சேதுபதிக்கு ஜோடியாக பிக்பாஸ் சிவானி, தொகுப்பாளினி மகேஸ்வரி மற்றும் மைனா நந்தினி ஆகியோர் நடித்துள்ளனர். 

 ரிலீஸ் உரிமையை கைப்பற்றியுள்ள ரெட் ஜெயண்ட் மூவிஸ் படத்தை வெளியிட மாஸ் வேலைகளை மும்மரப்படுத்தி வருகிறது. அதன்படி அண்மையில் கோவையில் இருந்து பெங்களூரு செல்லும் டபுள் டக்கர் ரெயில் முழுவதும் விக்ரம் பட போஸ்டர்கள் வரையப்பட்டு விளம்பரம் செய்யப்பட்டது.

சமீபத்தில் இந்த படத்திலிருந்து முதல் சிங்குளுக்கான ப்ரோமோ வெளியாகியுள்ளது. அதோடு பாடல் வரும் மே 11 -ம் தேதி வெளியிடப்படும் என அறிவிக்கப்பட்டுள்ளது.

ஏற்கனவே படத்தின் பாடல்கள் மற்றும் டிரைலர் ஆகியவை ஒரே நாளில் மே 15 ஆம் தேதி ரிலீஸாக உள்ளதாக அறிவிக்கப்பட்ட நிலையில், தற்போது நிகழ்வு சென்னை நேரு உள் விளையாட்டு அரங்கில் நடக்கும் என அறிவிக்கப்பட்டுள்ளது.