ரூ.1000 கோடியைத் தாண்டி எகிறிய கல்கியின் வசூல் வேட்டை! தெறிக்கவிடும் பிரபாஸ் - புஜ்ஜி காம்போ!

'கல்கி 2898 ஏ.டி' படம் உலகளவில் ரூ.1000 கோடிக்கு மேல் வசூல் செய்துள்ளது என படக்குழு அதிகாரப்பூர்வமாகத் அறிவித்துள்ளது. உலகம் முழுவதும் உள்ள பார்வையாளர்களுக்கும் நன்றி கூறியுள்ளது.

Kalki 2898 AD

பிரபாஸ், உலக நாயகன் கமல்ஹாசன் உள்பட பல முன்னணி நட்சத்திரங்களில் நடிப்பில் பிரமாண்டமாகத் தயாரிக்கப்பட்ட கல்கி 2898 ஏ.டி. படத்தின் உலகளாவிய வசூல் ரூ.1000 கோடியைத் தாண்டி சாதனை படைத்துள்ளது.

Kalki 2898 AD collection update

பிரபாஸ் நடிப்பில் பாகுபலி, பாகுபலி 2, சலார், ஆதி புருஷ் ஆகிய படங்கள் பான் இந்தியா படங்களாக வெளியாகி, பெரும் வரவேற்பு பெற்றன. அதைத் தொடர்ந்து பொன்விழா ஆண்டு கொண்டாடும் வைஜெயந்தி மூவீஸ் நிறுவனம் இந்தியாவில் இதுவரை இல்லாத அளவு மிகப்பெரிய பட்ஜெட்டில் 'கல்கி 2898 ஏ.டி' படத்தை எடுத்துள்ளது.

Kalki 2898 AD 1000 crore collection

நாக் அஸ்வின் இயக்கியுள்ள 'கல்கி 2898 ஏடி' படத்தில் பிரபாஸ் ஹீரோவாக நடித்துள்ளார். கமல்ஹாசன், அமிதாப் பச்சன், தீபிகா படுகோன், திஷா பதானி, அன்னா பென் என ஏராளமான நட்சத்திரப் பட்டாளமே படத்தில் நடித்துள்ளனர்.

Kalki 2898 AD Box office collection

சந்தோஷ் நாராயணன் இந்தப் படத்திற்கு இசையமைத்துள்ளார். ஜூன் 27ஆம் தேதி உலகமெங்கும் உள்ள திரையரங்குகளில் இந்தப் படம் ரிலீஸ் ஆனது. வெளியானதில் இருந்தே வேகமான வசூல் வேட்டை நடத்திவருகிறது.

Kalki Box office collection

புராணக் கதையுடன் எதிர்காலத்தை கற்பனை செய்து அதிநவீன தொழில்நுட்பத்தை பயன்படுத்தி எடுக்கப்பட்டுள்ள இந்தப் படத்துக்கு நல்ல பாராட்டுகள் கிடைத்து வருகின்றன. வில்லனாக சில நிமிடங்கள் மட்டுமே தோன்றும் கமல்ஹாசனுக்கும் பாராட்டு குவிகிறது.

Kalki Amitabh

இந்நிலையில், 'கல்கி 2898 ஏ.டி' படம் உலகளவில் ரூ.1000 கோடிக்கு மேல் வசூல் செய்துள்ளது என படக்குழு அதிகாரப்பூர்வமாகத் தெரிவித்துள்ளது. இதுகுறித்து வைஜெயந்தி மூவிஸ் நிறுவனம் வெளியிட்டுள்ள ட்விட்டர் பதிவில், உலகம் முழுவதும் உள்ள பார்வையாளர்களுக்கு நன்றி என்று கூறியுள்ளது.