'ஜெயிலர்' படத்தில் ஐட்டம் டான்சராக மாறி... கவர்ச்சியில் வெறியேற்றும் தமன்னா! காவாலா லேட்டஸ்ட் அப்டேட்!

இயக்குனர் நெல்சன் திலிப் குமார் இயக்கத்தில், சூப்பர் ஸ்டார் ரஜினிகாந்த் நடித்திருக்கும் 'ஜெயிலர்' படத்தின் ஃபர்ஸ்ட் சிங்கள் பாடலான 'காவாலா' ரிலீஸ் டைம் மற்றும் போஸ்டர் வெளியாகி வைரலாகி வருகிறது.  

இயக்குனர் நெல்சன் திலீப் குமார் இயக்கத்தில், கடைசியாக தளபதி விஜய் நடிப்பில் வெளியான 'பீஸ்ட்' திரைப்படம் வசூல் ரீதியாக நல்ல வரவேற்பை பெற்ற போதிலும், விமர்சனம் ரீதியாக படு தோல்வியை சந்தித்தது. இந்த படத்திற்கு பின்னர் சூப்பர் ஸ்டார் ரஜினிகாந்தை வைத்து 'ஜெயிலர்' படத்தை தற்போது  இயக்கி முடித்துள்ளார் .

'ஜெயிலர்' படத்தின் மூலம் எப்படியும் தன்னுடைய வெற்றி படத்தை கொடுக்க வேண்டும் என்கிற கட்டாயத்தில் நெல்சன் திலீப் குமார் மற்றும் சூப்பர் ஸ்டார் ரஜினிகாந்த் ஆகிய இருவருமே உள்ள நிலையில், வரும் ஆகஸ்ட் மாதம் 10 ஆம் தேதி இப்படம் வெளியாக உள்ளது. சூப்பர் ஸ்டார் ரஜினிகாந்துடன், 'ஜெயிலர்' படத்தில் மிகப்பெரிய நட்சத்திர பட்டாளமே இணைந்து நடித்துள்ளது. மலையாள சூப்பர் ஸ்டார் மோகன்லால், கன்னட சூப்பர் ஸ்டார் சிவராஜ் குமார், பாலிவுட் நடிகர் ஜாக்கி ஷெரிப், ரம்யா கிருஷ்ணன், யோகி பாபு, வசந்த் ரவி, ரோபோ சங்கர், தமன்னா என பலர் நடித்துள்ளனர்.

இந்த படத்திற்கு அனிருத் இசையமைத்துள்ளார். தொடர்ந்து  இப்படத்தின் அப்டேட் குறித்து ரசிகர்கள் கேள்வி எழுப்பி வந்த நிலையில், சமீபத்தில் 'காவாலா' பாடல் விரைவில் வெளியாகும் என படக்குழு தெரிவித்தது. இது குறித்த புரோமோ ஒன்றையும் வெளியிட்ட நிலையில், தற்போது 'காவாலா' பாடலின் ரிலீஸ் தேதி மற்றும் புதிய போஸ்டர் ஒன்றையும் வெளியிட்டுள்ளனர்.

தமன்னாவின் ஐட்டம் பாடலாக உருவாகியுள்ள இந்த பாடல், நாளை மாலை 6 மணிக்கு வெளியாக உள்ளது. அதே போல், 'புஷ்பா' படத்தில் ஐட்டம் பாடலுக்கு கெட்ட ஆட்டம் போட்ட சமந்தாவையே தூக்கி சாப்பிடும் அளவுக்கு கவர்ச்சியில் வெறியேற்றும் தமன்னாவின் போஸ்டரை படக்குழு வெளியிட இந்த பாடல் மீதான எதிர்பார்ப்பு ரசிகர்களுக்கு பன்மடங்கு எகிறியுள்ளது.