4-வது திருமணம் முடிந்த கையோடு... 44 வயது நடிகையுடன் ஹனிமூன் சென்ற 60 வயது நடிகர்...! வைரலாகும் போட்டோஸ்
நடிகை பவித்ரா லோகேஷை அண்மையில் திருமணம் செய்துகொண்ட நரேஷ் பாபு, தற்போது அவருடன் ஹனிமூன் கொண்டாட வெளிநாடு சென்றுள்ளதாக கூறப்படுகிறது.
தெலுங்கு திரையுலகில் முன்னணி நடிகராக வலம் வருபவர் மகேஷ் பாபு. இவரின் சகோதரரான நரேஷ் பாபுவும் சினிமாவில் நடித்து இருக்கிறார். இவர் 2 முறை திருமணம் செய்துகொண்டு விவாகரத்து பெற்றதை அடுத்து ரம்யா ரகுபதி என்பவரை மூன்றாவது திருமணம் செய்துகொண்டார். அவருடனும் கருத்து வேறுபாடு ஏற்பட்டு பிரிந்து வாழ்ந்து வந்த நரேஷ் பாபு, அவரை விவாகரத்து செய்யாமலேயே, கன்னட நடிகை பவித்ரா லோகேஷ் என்பவரை காதலித்து வந்தார்.
பவித்ரா லோகேஷும் ஏற்கனவே திருமணமாகி விவாகரத்து பெற்றவர் ஆவார். 44 வயதாகும் பவித்ரா லோகேஷ், 60 வயதான நடிகர் நரேஷ் பாபுவை காதலித்து வந்தது பெரும் பேசுபொருள் ஆனது. இதனிடையே கடந்தாண்டு இருவருக்கும் இடையே நெருக்கம் ஏற்பட்டு, ஒரே வீட்டில் லிவ்விங் டுகெதர் முறையில் வாழத் தொடங்கினர். இதை அறிந்த நரேஷ் பாபுவின் மூன்றாவது மனைவி ரம்யா, அவர்கள் இருவரும் தங்கி இருந்த குடியிருப்புக்கே சென்று அவர்களை செருப்பால் தாக்க முயன்றது பரபரப்பை ஏற்படுத்தியது.
இதையும் படியுங்கள்... பல்லுபோன வயசுல பக்கோடா வா...! 60 வயதில் 4-வது திருமணம் செய்துகொண்ட நடிகர் - பிரபல நடிகையை மணந்தார்
இதனிடையே கடந்த ஜனவரி மாதம் புத்தாண்டையொட்டி நடிகை பவித்ரா லோகேஷுக்கு லிப்லாக் முத்தம் கொடுத்து, தாங்கள் இருவரும் விரைவில் திருமணம் செய்துகொள்ள உள்ளதாகவும் அறிவித்தார் நரேஷ் பாபு. அவர் சொன்னபடியே கடந்த சில தினங்களுக்கு முன்னர் பவித்ரா லோகேஷுக்கு தாலி கட்டி திருமணம் செய்யும் வீடியோவை வெளியிட்டு இருந்தார். இது பரபரப்பை ஏற்படுத்தியது, ஏனெனில் அவர் மூன்றாவது மனைவியை விவாகரத்து செய்யாமலேயே எப்படி திருமணம் செய்தார் என்கிற சர்ச்சையும் எழுந்தது.
இது ஒருபுறம் இருக்க, அவர் பகிர்ந்த திருமண வீடியோ படத்திற்காக எடுக்கப்பட்ட காட்சி என்றும் ஒரு தகவல் பரவி வருகிறது. ஆனால் இதற்கெல்லாம் நரேஷ் பாபுவும், பவித்ரா லோகேஷும் விளக்கம் அளிக்கவில்லை. இந்நிலையில், தற்போது எரிகிற நெருப்பில் எண்ணெய்யை ஊற்றும் விதமாக பவித்ராவும், நரேஷும் துபாயில் ஜோடியாக சுற்றும் புகைப்படங்கள் வெளியாகி உள்ளன. அவர்கள் இருவரும் ஹனிமூன் கொண்டாட்டத்திற்காக துபாய் சென்றுள்ளதாகவும், அப்போது எடுத்த புகைப்படங்கள் தான் இது என சோசியல் மீடியாவில் பரவலாக பகிரப்பட்டு வருகிறது.
இதையும் படியுங்கள்... பாலிவுட் நடிகை மாதுரி தீட்சித்தின் தாயார் மரணம் - ஆறுதல் கூறும் ரசிகர்கள்