பாக்ஸ் ஆபிஸில் 'தாய் கிழவி' தாண்டவம்.!இரண்டு நாளில் 10 கோடி வசூல் செய்து சாதனை!

சிவகார்த்திகேயன் தயாரிப்பில் ராதிகா நடிப்பில் வெளியான 'தாய் கிழவி', எதார்த்தமான நகைச்சுவை மற்றும் குடும்ப உணர்வுகளால் ரசிகர்களைக் கவர்ந்து, இரண்டு நாட்களில் ₹10 கோடி வசூலித்துச் சாதனை படைத்துள்ளது.

Image Credit : X

சாதனைமேல் சதனை படைக்கும் தாய்கிழவி.!

தமிழ் திரையுலகில் குடும்பப்பாங்கான கதைகளுக்கும், எதார்த்தமான கிராமத்து வாழ்வியலுக்கும் எப்போதும் தனி வரவேற்பு உண்டு. அந்த வரிசையில், பிப்ரவரி 27, 2026 அன்று வெளியான 'தாய் கிழவி' திரைப்படம் தற்போது ஒட்டுமொத்த கோலிவுட்டையும் அதிர வைத்துள்ளது. நடிகை ராதிகா சரத்குமார் முதன்மை கதாபாத்திரத்தில் நடிக்க, நடிகர் சிவகார்த்திகேயன் தயாரிப்பில், அறிமுக இயக்குநர் சிவகுமார் முருகேசன் இயக்கத்தில் வெளியான இப்படம், கடந்த இரண்டு நாட்களில் யாரும் எதிர்பாராத விதமாக வசூல் சாதனைகளைப் படைத்து வருகிறது.

Image Credit : X

அசுர வேகத்தில் வசூல் உயர்வு

வெள்ளிக்கிழமை வெளியான இப்படம் முதல் நாளில் இந்தியாவில் மட்டும் ₹2.65 கோடி வசூலித்து நல்ல தொடக்கத்தைப் பெற்றது. ஆனால், படத்திற்கு கிடைத்த பாசிட்டிவ் விமர்சனங்களும், சமூக வலைதளங்களில் பரவிய பாராட்டுகளும் இரண்டாம் நாளில் வசூலை அசுர வேகத்தில் உயர்த்தியுள்ளது. சனிக்கிழமை மட்டும் சுமார் 75% வளர்ச்சி கண்டு, ₹4.65 கோடி வசூலித்துள்ளது. இதன் மூலம் இந்திய அளவில் இரண்டு நாட்களில் ₹7.30 கோடி (Net) வசூலை இப்படம் கடந்துள்ளது. உலகளாவிய ரீதியில் கணக்கிடும்போது, வெளிநாட்டு வசூல் மற்றும் பிற மாநில வசூலையும் சேர்த்து இப்படம் வெற்றிகரமாக ரூ. 10 கோடி என்ற மைல்கல்லை இரண்டே நாட்களில் எட்டியுள்ளது.

Image Credit : X

வெற்றிக்கு மகுடம் சூட்டிய அம்சங்கள்

இந்த இமாலய வெற்றிக்குக் காரணம், படத்தில் இடம் பெற்றுள்ள எதார்த்தமான நகைச்சுவை மற்றும் குடும்பப் பாசம் கலந்த கதையமைப்புதான். பவுனுதாயி' என்ற முரட்டுத்தனமான அதேசமயம் பாசமுள்ள பாட்டியாக ராதிகா திரையில் மிரட்டியுள்ளார்.சிங்கம்புலி, முனிஷ்காந்த் மற்றும் பால சரவணன் ஆகியோரின் காமெடி காட்சிகள் ரசிகர்களைக் குலுங்கிச் சிரிக்க வைத்துள்ளன.தரமான கதைகளைத் தேர்ந்தெடுத்துத் தயாரிக்கும் சிவகார்த்திகேயனின் நம்பிக்கை மீண்டும் ஒருமுறை ஜெயித்திருக்கிறது.

Image Credit : X

சாரை சாரையாக தியேட்டரில் குவியும் ரசிகர்கள்.!

தமிழகத்தின் முக்கிய நகரங்களில் சனிக்கிழமை இரவு நேரக் காட்சிகளில் 66% இடங்கள் நிரம்பியிருந்தது இப்படத்தின் வரவேற்புக்குச் சான்றாக உள்ளது. இன்று ஞாயிற்றுக்கிழமை விடுமுறை தினம் என்பதால், வசூல் இன்னும் பல மடங்கு உயரும் என்று எதிர்பார்க்கப்படுகிறது. 'தாய் கிழவி' திரைப்படம் 2026-ம் ஆண்டின் மிகச்சிறந்த லாபம் ஈட்டிய திரைப்படங்களில் ஒன்றாக உருவெடுத்துள்ளது என்பதில் சந்தேகமே இல்லை.