அஜித் உடல் எடையை குறைக்க உதவிய பிரபல நடிகர்...வயதுக்கு இங்கு இடமில்லை!
முன்பு உடல் எடை கூடி காணப்பட்ட அஜித் தன் எடையை குறைப்பதற்காக பிரபல இளம் நடிகர் ஒருவரிடம் அட்வைஸ் கேட்ட தகவல் தீயாய் பரவி வருகிறது.
VALIMAI
தமிழ் திரையுலகில் அசைக்க முடியாத ஆணிவேராக மாறியவர் அஜித்குமார். இவரது சமீபத்திய படமான வலிமை ரசிகர்கள் மத்தியில் மாபெரும் வரவேற்பை பெற்ற போதிலும் நெட்டிசன்களிடம் கலவையான விமர்சனங்களை மட்டுமே பெற்றது.
AK61
நேர்கொண்ட பார்வை படத்தை அடுத்து எச்.வினோத் மற்றும் போனி கபூருடன் மீண்டும் கைகோர்த்த அஜித் வலிமை படத்தில் நடித்திருந்தார். இந்த படத்தில் காலா பட நடிகை ஹீமா குரோஹி இணைந்திருந்தார். இதைத் தொடர்ந்து மீண்டும் அதே கூட்டணியில் அஜித் 61வது படம் தற்போது ஐதராபாத்தில் விறுவிறுப்பாக நடைபெற்று வருகிறது.
AJITH 62
இதையடுத்து பிரபல நடிகை நயன்தாராவின் காதலனும் பிரபல இயக்குனருமான விக்னேஷ் சிவன் இயக்கத்தில் 62வது படத்தில் அஜீத் நடிக்கவுள்ளார். இந்த படத்தை லைகா நிறுவனம் தயாரிக்கவுள்ளது. அனிருத் இசையமைக்கவுள்ளார். இந் நிலைகளில் அஜித் குறித்த சுவாரசியமான தகவல் ஒன்று சமூக வலைத்தளத்தில் வைரலாகி வருகிறது.
Jeyam ravi
அதாவது ஜெயம் படம் மூலம் தமிழ் சினிமாவிற்கு அறிமுகமான ரவி நடிப்பில் வெளியான பேராண்மை படம் ரசிகர்களை வெகுவாக கவர்ந்திருந்தது. இந்த படத்தில் என்சிசி மாஸ்டராக ரவி நடித்து இருப்பார். அதில் கட்டுக்கோப்பான மேனியுடன் தமிழக ரசிகர்களின் மனதில் ஆழமாக பதிந்து விட்டார் ஜெயம் ரவி.
AJITH
அந்தப் படம் வெளிவந்த சமயத்தில் உடலில் ஆபரேஷன் செய்துகொண்டு அதிக மருந்துகளை உட்கொண்டதால் உடல் எடையுடன் அஜித் காணப்பட்டுள்ளார். பின்னர் படத்தை பார்த்து விட்டு ஜெயம் ரவியை அழைத்த அஜித் குமார் எவ்வாறு உடல் எடையை கட்டுக்கோப்பாக வைத்துள்ளீர்கள் என கேட்டுள்ளார். பின்னர் அஜித்துக்கு உணவுக் கட்டுப்பாடு, உடற்பயிற்சி உள்ளிட்ட அட்வைஸ்களை இளம் நடிகரான ஜெயம் ரவி கூற அதை ஏற்றுக்கொண்ட அஜித் தனது உடல்நிலையை பழையபடி மாற்றியுள்ளதாக ஒரு தகவல் பரவி வருகிறது.