ரஜினியின் தலைவர் 173 பட இயக்குநர் மீண்டும் மாற்றம்... பார்க்கிங் பட டைரக்டருக்கு பதில் இவரா?

ரஜினிகாந்தின் 173-வது படத்தை பார்க்கிங் பட இயக்குநர் ராம்குமார் இயக்க இருப்பதாக பேச்சு அடிபட்ட நிலையில், தற்போது மேலும் ஒரு டிரெண்டிங் டிரைக்டர் வசம் அப்படம் சென்றிருக்கிறது.

Image Credit : X

Thalaivar 173 Movie Director Update

சூப்பர்ஸ்டார் ரஜினிகாந்த் தற்போது ஜெயிலர் 2 படத்தில் நடித்து வருகிறார். நெல்சன் திலீப்குமார் இயக்கும் இப்படம் 2026-ம் ஆண்டு ஜூன் மாதம் திரைக்கு வர உள்ளது. இப்படத்தை தொடர்ந்து கமல்ஹாசனின் ராஜ்கமல் பிலிம்ஸ் தயாரிக்கும் படத்தில் நடிக்க கமிட்டாகி உள்ளார் ரஜினி. அப்படத்தை முதலில் சுந்தர் சி இயக்க கமிட் ஆனார். ஆனால் திடீரென அப்படத்தில் இருந்து விலகினார் சுந்தர் சி. ரஜினிக்கு கதை திருப்தி அளிக்காததால் அப்படத்தில் இருந்து விலகிவிட்டாராம் சுந்தர் சி.

Image Credit : X

விலகிய பார்க்கிங் டைரக்டர்

இதைத் தொடர்ந்து தலைவர் 173 படத்திற்கான இயக்குநர் தேடுதல் வேட்டை மீண்டும் தொடங்கியது. அதன்படி பார்க்கிங் பட இயக்குநர் ராம்குமார் சொன்ன கதை ரஜினிகாந்துக்கு திருப்தி அளித்ததால், அவரை லாக் செய்து இருந்தனர். ஆனால் தற்போது அவரும் தலைவர் 173 படத்தில் இருந்து விலகி உள்ளதாக கூறப்படுகிறது. அவருக்கு பதிலாக மற்றுமொரு இளம் இயக்குநரை கமிட் செய்துள்ளதாக தகவல் வெளியாகி உள்ளது. அவர் யார் என்பதை பார்க்கலாம்.

Image Credit : X

டிராகன் பட இயக்குநருக்கு சென்ற வாய்ப்பு

அதன்படி பிரதீப் ரங்கநாதனை வைத்து டிராகன் என்கிற பிளாக்பஸ்டர் ஹிட் படத்தை கொடுத்துள்ள இயக்குநர் அஸ்வத் மாரிமுத்து இயக்கத்தில் தான் ரஜினி நடிக்க உள்ளாராம். பார்க்கிங் பட இயக்குநருக்கு பதிலாக தலைவர் 173 படத்தை இயக்கும் வாய்ப்பை அஸ்வத் மாரிமுத்து தட்டிதூக்கி உள்ளதாக கூறப்படுகிறது. இவர் கைவசம் ஏற்கனவே சிம்பு படம் ஒன்றும் உள்ளது. அதற்கு முன்னதாகவே ரஜினி படத்தை அவர் இயக்குவார் என எதிர்பார்க்கப்படுகிறது.

Image Credit : X

ராம்குமார் விலகியது ஏன்?

ரஜினி படத்தில் இருந்து பார்க்கிங் பட இயக்குநர் விலகியதற்கான காரணமும் லீக் ஆகி உள்ளது. அதன்படி அவர் ஏற்கனவே டான் பிக்சர்ஸ் நிறுவனத்திற்காக சிம்பு படத்தை இயக்க கமிட்டாகி உள்ளதால், அவருக்கு தடையில்லா சான்று வழங்க மறுத்துவிட்டார்களாம். இதன்காரணமாக தான் ரஜினி படத்தை இயக்கும் வாய்ப்பை ராம்குமார் நழுவவிட்டு உள்ளதாக கூறப்படுகிறது. இவர் விரைவில் சிம்பு படத்தை தொடங்குவார் என எதிர்பார்க்கப்படுகிறது.