தொட்டதெல்லாம் ஹிட் கொடுக்கும் வெற்றிமாறன் இத்தனை கோடி சொத்துக்கு அதிபதியா? அவரின் Net Worth இதோ

இயக்குனர் வெற்றிமாறன் இன்று தனது 50வது பிறந்தநாளை கொண்டாடி வரும் நிலையில், அவரின் வியக்க வைக்கும் சொத்து மதிப்பு பற்றி பார்க்கலாம்.

Image Credit : instagram

Vetrimaaran Birthday

தமிழ் திரையுலகில் முன்னணி இயக்குனராக வலம் வருபவர் வெற்றிமாறன். பாலுமகேந்திராவிடம் உதவி இயக்குனராக பணியாற்றிய இவர், தனுஷின் பொல்லாதவன் படம் மூலம் இயக்குனராக அறிமுகமானார். முதல் படத்திலேயே வெற்றி வாகை சூடிய இவருக்கு, அடுத்ததாக ஆடுகளம் படத்தை இயக்கும் வாய்ப்பு கிடைத்தது. சேவல் சண்டையை மையமாக வைத்து அவர் இயக்கிய ஆடுகளம் திரைப்படம் மிகப்பெரிய வெற்றியை ருசித்ததோடு, ஆறு தேசிய விருதுகளையும் அள்ளி சாதனை படைத்தது. இப்படத்தின் மூலம் வெற்றிமாறனுக்கு கோலிவுட்டில் மிகப்பெரிய திருப்புமுனை கிடைத்தது.

Image Credit : X

ஜீரோ பிளாப் இயக்குனர்

இதன்பின்னர் இவர் இயக்கிய விசாரணை, வட சென்னை, அசுரன், விடுதலை என அனைத்து படங்களும் ஹிட் ஆகின. இதன்மூலம் கோலிவுட்டில் தோல்வியே சந்திக்காத இயக்குனர் என்கிற பெருமையை பெற்றார் வெற்றிமாறன். தொடர்ந்து தனுஷை வைத்து படம் இயக்கி வந்த வெற்றிமாறன், விடுதலை படம் மூலம் முதன்முறையாக சூரியை ஹீரோவாக நடிக்க வைத்து அதிலும் வெற்றிகண்டார். அப்படத்தின் வெற்றியை தொடர்ந்து அதன் இரண்டாம் பாகத்தை கடந்த ஆண்டு ரிலீஸ் செய்தார். இவரின் கால்ஷீட்டுக்காக முன்னணி நடிகர்கள் காத்திருக்கும் சூழல் தான் தற்போது கோலிவுட்டில் உள்ளது.

Image Credit : X

வெற்றிமாறன் பிறந்தநாள்

இயக்குனர் வெற்றிமாறன் அடுத்ததாக சிம்புவை வைத்து படம் இயக்க உள்ளார். அப்படத்திற்கான ஆரம்பக்கட்ட பணிகள் நடைபெற்று வருகின்றன. அப்படம் வட சென்னை யூனிவர்ஸில் உருவாக உள்ளது. கலைப்புலி எஸ் தாணு அப்படத்தை தயாரிக்கிறார். இதுதவிர வட சென்னை 2, சூர்யா உடன் வாடிவாசல் போன்ற படங்கள் வெற்றிமாறனின் லைன் அப்பில் உள்ளன. இப்படி பிசியான இயக்குனராக வலம் வரும் வெற்றிமாறன் இன்று தனது 50வது பிறந்தநாளை கொண்டாடி வருகிறார். அவருக்கு சமூக வலைதளங்களான ட்விட்டர், பேஸ்புக், இன்ஸ்டாகிராமிலும் வாழ்த்துக்கள் குவிந்த வண்ணம் உள்ளன.

Image Credit : Instagram

வெற்றிமாறன் சொத்து மதிப்பு

இந்த நிலையில் இயக்குனர் வெற்றிமாறனின் சொத்து மதிப்பு குறித்த தகவல் வெளியாகி உள்ளது. அதன்படி இவரின் சொத்து மதிப்பு ரூ.80 கோடி இருக்கும் என கூறப்படுகிறது. இவர் ஒரு படத்துக்கு ரூ.15 கோடி சம்பளமாக வாங்கி வருகிறார். இவருக்கு இதுவரை ஐந்து தேசிய விருதுகள் கிடைத்திருக்கிறது. அதில் இரண்டு விருதுகள் ஆடுகளம் படத்திற்காகவும், விசாரணை, காக்கா முட்டை மற்றும் அசுரன் ஆகிய படங்களுக்காக தலா ஒரு தேசிய விருதையும் வென்றிருக்கிறார் வெற்றி. இதுதவிர மூன்று பிலிம்பேர் விருதுகள் மற்றும் ஒரு தமிழக அரசின் மாநில விருதையும் வென்றுள்ளார்.