ஆஸ்கரிலும் அரசியலா? அணிவகுத்து நிற்கும் ட்ரம்பின் கொள்கைகளுக்கு எதிரான படங்கள் ஒரு பார்வை!

ஆஸ்கர் விருது வழங்கும் விழாவில் அரசியல் ஒரு நிரந்தர விருந்தாளி. இந்த முறை அது கூடுமா அல்லது குறையுமா என்பது புரியாத புதிராக உள்ளது.

97வது ஆஸ்கர் விருதுகள் வழங்கும் விழா நாளை பிரம்மாண்டமாக நடைபெற உள்ளது. சிறந்த படம், இயக்கம், நடிகர், நடிகை என அனைத்து முக்கிய பிரிவுகளிலும் இந்த முறை கடும் போட்டி நிலவுகிறது. 

Oscars 2025

லைவ் ஆக்‌ஷன் ஷார்ட் பிலிம் பிரிவில் அனுஜா என்ற படத்தின் மீது இந்தியா எதிர்பார்ப்பில் உள்ளது. இரண்டாம் உலகப் போரின்போது யூத இனப்படுகொலையைத் தாண்டி அமெரிக்காவில் குடியேறிய சிற்பியின் கதையான தி ப்ரூடலிஸ்ட், பாலியல் தொழிலாளியின் வாழ்க்கையை வெளிச்சம் போட்டுக் காட்டும் அனோரா, வாடிகன் திரில்லர் கான் கிளேவ் என சிறந்த படத்துக்கான ஆஸ்கருக்கு பல படங்கள் வரிசையில் உள்ளன. பெண் இயக்குனர்கள் அதிகம் நாமினேஷனில் உள்ளதால் சிறந்த இயக்குனர் விருதை யார் வெல்வார்கள் என்பது கணிக்க முடியாத ஒன்றாக இருக்கிறது. 

தி ப்ரூடலிஸ்ட் மூலம் கோல்டன் குளோப் மற்றும் பாஃப்டா வென்ற நடிகர் அட்ரியன் பிரோடிக்கு சவாலாக கான் கிளேவில் கர்தினாலாக நடித்த ரால்ப் ஃபைன்ஸும், தி அப்ரண்டிஸில் இளம் ட்ரம்பாக நடித்த செபாஸ்டியன் ஸ்டானும் உள்ளனர். அனோராவில் நடித்த மைக்கி மேடிசனின் நடிப்பு சிறந்த நடிகைக்கான ஆஸ்கர் வாய்ப்பை அதிகரிக்கிறது. ஆனால் தி சப்ஸ்டன்ஸில் மின்னிய ஹாலிவுட் ஐகான் டெமி மூரையும், ஐ ஆம் ஸ்டில் ஹியரில் நடித்த ஃபெர்னாண்டா டோரஸையும் சேர்த்து கணித்துள்ளார்கள்.

Oscars Prediction

இந்திய-அமெரிக்க முயற்சியான நெட்ஃபிலிக்ஸ் படம் அனுஜா, லைவ் ஆக்ஷன் ஷார்ட் பிலிம் பிரிவில் நமது எதிர்பார்ப்பாக உள்ளது. டெல்லியின் பின்னணியில் 9 வயது சிறுமியின் வாழ்க்கையைச் சொல்லும் இந்த படத்தை நடிகை பிரியங்கா சோப்ராவும், குனீத் மோங்காவும் இணைந்து தயாரித்துள்ளனர். 

23 பிரிவுகளாக ஆஸ்கர் விருதுகள் வழங்கப்படுகின்றன. கோனன் ஓ'பிரையன் தொகுப்பாளர். இந்திய நேரப்படி காலை 7 மணியளவில் ஹாலிவுட்டில் உள்ள டால்பி தியேட்டரில் நிகழ்ச்சிகள் தொடங்கும். ட்ரம்ப் இரண்டாவது முறையாக ஆட்சியில் அமர்ந்தபின் நடக்கும் முதல் ஆஸ்கர் இது. கடந்த முறை ஓபன்ஹெய்மரின் ஆதிக்கத்திற்கும் காசா ஒற்றுமைக்கும் சாட்சியாக இருந்த இந்த நட்சத்திர இரவில் இந்த முறை என்னவெல்லாம் நடக்கும் என்பது சஸ்பென்ஸாக உள்ளது. 

Politics in Oscars 2025

ஆஸ்கர் விருது வழங்கும் விழாவில் அரசியல் ஒரு நிரந்தர விருந்தாளி. தொகுப்பாளர்கள் முதல் விருது வென்றவர்கள் வரை அரசியல் சூழ்நிலையை பிரதிபலிப்பார்கள். இந்த முறை அது கூடுமா அல்லது குறையுமா என்று மட்டுமே பார்க்க வேண்டும். ஏனென்றால் டிரம்ப் இப்போது அதிபராகி உள்ளதால் இம்முறையும் ஆஸ்கரில் அரசியலை தவிர்க்க முடியாது, ஆனால் அது மையப்புள்ளியாக இல்லாமல் பார்த்துக்கொள்வோம் என்று தொகுப்பாளர் கோனன் ஓ'பிரையன் தெரிவித்துள்ளார். 

2024 நிகழ்ச்சியின்போது தன்னை விமர்சித்த டொனால்ட் ட்ரம்பின் பதிவை உரக்க வாசித்த தொகுப்பாளர் ஜிம்மி கிம்மல் ஜெயில் தண்டனைக்கு நேரமாகவில்லையா என்று கேட்டு ஜனாதிபதியை கேலி செய்தார். நடிகை மெரில் ஸ்ட்ரீப் கடுமையான வார்த்தைகளில் ட்ரம்பை விமர்சித்துள்ளார், ஆஸ்கர் மேடையில் இல்லையென்றாலும். ஸ்ட்ரீப்பின் நடிப்பை ட்ரம்ப் குறைத்து மதிப்பிட்டார். அரசியல் கலந்த திரைப்படங்களும் அதில் நடித்தவர்களும் இந்த முறையும் போட்டியில் உள்ளனர். 

இதையும் படியுங்கள்... 97வது ஆஸ்கார் விருது விழாவை இந்தியாவில் எந்த ஓடிடி தளத்தில் பார்க்கலாம்?

Oscar Awards

ஆனால் டிரம்ப் அதிபரான பிறகு கையெழுத்திட்ட சில நிர்வாக உத்தரவுகள் இந்த திரைப்படங்களுக்கும் அதில் உள்ள அரசியலுக்கும் எதிரானவை. தனது வாழ்க்கையை அடிப்படையாகக் கொண்ட "தி அப்ரண்டிஸ்" படத்தை ஜனாதிபதி டிரம்ப் நிராகரித்தார். ஆனால் தி அப்ரண்டிஸுக்கு சிறந்த நடிகர் உட்பட இரண்டு பரிந்துரைகள் உள்ளன.  எமிலியா பெரஸ் என்ற பிரெஞ்சு படத்தில் திருநங்கை நடித்துள்ளார். ஆஸ்கர் நாமினேஷன் பெறும் முதல் திருநங்கை இவர். 

US President Donald Trump

அமெரிக்காவில் இனி ஆணும் பெண்ணும் மட்டுமே இருக்க முடியும் என்பது டிரம்ப் கையெழுத்திட்ட உத்தரவுகளில் ஒன்று. சர்வாதிகாரிகளுக்கு எதிரான எதிர்ப்பு கருப்பொருளாகக் கொண்ட ஐ ஆம் ஸ்டில் ஹியர், விக்கட், குடியேறியவர்களின் நிலையைச் சொல்லும் தி ப்ரூடலிஸ்ட், அனோரா, அமெரிக்காவில் உள்ள இனவெறியின் கதையைச் சொல்லும் நிக்கல் பாய்ஸ், கறுப்பின மக்கள் பெரும்பான்மையாக உள்ள அமெரிக்க சிறைச்சாலைகள் மற்றும் அங்குள்ள கைதிகள் பற்றிய சிங் சிங், இப்படி ட்ரம்பின் அடிப்படை கொள்கைகளுக்கு எதிரான படங்கள் பல உள்ளன. 

ஆனால் இவை எதுவும் விழாவில் வெளிப்பட வேண்டும் என்பதில்லை. வெளிப்படாது என்றும் சொல்ல முடியாது. அரசியலில் முக்கியமான செல்வாக்குள்ள நட்சத்திரங்கள் ஹாலிவுட்டில் உள்ளனர். அதிபர் தேர்தலில் இருந்து ஜோ பைடன் பின்வாங்கியதற்கு காரணமே நடிகர் ஜார்ஜ் க்ளூனி விலகியதுதான் என்று அப்போது தகவல் வெளியானது. டொனால்ட் ட்ரம்பின் அறிவிப்புகள் பலவும் அமெரிக்காவின் இதுவரை இருந்த கொள்கைகளை எல்லாம் புரட்டிப் போடும் விதமாக உள்ளன. அதனால் ஆஸ்கர் மேடையில் அரசியலை எதிர்பார்க்கலாம்.

இதையும் படியுங்கள்... ஆஸ்கர் விருதுக்கு பரிந்துரைக்கப்பட்ட இந்திய குறும்படம் 'அனுஜா' OTT ரிலீஸ் தேதி அறிவிப்பு!