கோலிவுட்டில் கால் பதிக்கப்போகும் பிக்பாஸ் முகென் ராவ்.. குஷியில் ஆர்மி ஃபேன்ஸ்...!

கவின், தர்ஷனைத் தொடர்ந்து பிக்பாஸ் சீசன் 3 நிகழ்ச்சியில் டைட்டில் வின்னரான முகென் ராவ் தமிழ் சினிமாவில் ஹீரோவாக அறிமுகமாக உள்ளதாக தகவல்கள் வெளியாகியுள்ளன.

Kanimozhi Pannerselvam

Chennai, First Published Aug 28, 2020, 12:51 PM IST | Last Updated Aug 28, 2020, 12:51 PM IST

பிக்பாஸ் சீசன் 3 நிகழ்ச்சியில் வெற்றி வாகை சூடியவர் மலேசியாவைச் சேர்ந்த தமிழர் முகென் ராவ். எந்த பிரச்சனைக்கும் போகாமல் ஏகப்பட்ட ரசிகர்களை சேர்த்து வைத்தார்.

கவின் தான் எப்படியும் டைட்டில் வின்னராக வருவார் என அனைவரும் காத்திருந்த நேரத்தில் லாஸ்லியா விவகாரத்தால் அவர் வெளியேற, முகென் ராவ்விற்கு அடித்தது ஜாக்பாட்.

அந்த நிகழ்ச்சியில் இருந்து வெளியேறிய பிறகு கவின், லாஸ்லியா, தர்ஷன், சாக்‌ஷி அகர்வால் ஆகியோருக்கு பட வாய்ப்புகள் குவிய ஆரம்பித்தது. அதேபோல் முகெனையும் வெள்ளித்திரையில் காண வேண்டுமென அவரது ரசிகர்கள் எதிர்பார்த்தனர்.

ஆனால் இசை மீது ஆர்வம் கொண்ட முகென் ராவ் அதில் கவனம் செலுத்தாமல் மியூசிக்கில் ஆர்வம் காட்டி வருகிறார். அவருடைய பாடல்களை கேட்க என தனி ரசிகர்கள் மற்றும் ரசிகைகள் பட்டாளம் காத்துக்கிடக்கிறது.

பிக்பாஸ் நிகழ்ச்சியில் வெற்றி பெற்ற பிறகு மலேசியா சென்றுவிட்ட முகென், அங்கு தனது மியூசிக் வேலைகளில் பிசியாக இருக்கிறார். இந்நிலையில் அவர் கோலிவுட்டில் ஹீரோவாக அறிமுகமாக உள்ளதாக தகவல்கள் வெளியாகியுள்ளன.

வெப்பம் பட புகழ் இயக்குநர் அஞ்சனா அலிகான் இயக்க உள்ள அடுத்த தமிழ் படத்தில் ஹீரோவாக நடிக்க முகென் ஒப்பந்தம் செய்யப்பட்டிருப்பதாக தகவல்கள் வெளியாகியுள்ளன.