பிக்பாஸ் நிகழ்ச்சிக்குப் பிறகு கேப்ரில்லாவிற்கு விஜய் டி.வி. கொடுத்த மிகப்பெரிய வாய்ப்பு... வைரலாகும் போட்டோ!
தற்போது முரட்டு சிங்கிள்ஸ் நிகழ்ச்சியின் நடுவராக கேப்ரில்லாவை அமர்த்தியிருக்கிறது விஜய் டி.வி.
தனுஷ், ஸ்ருதி ஹாசன் நடிப்பில் வெளியான 3 படத்தில் ஸ்ருதியின் தங்கையாக வித்தியாசமான கதாபாத்திரத்தில் நடித்து ரசிகர்களின் மனதில் இடம் பெற்றவர் கேப்ரில்லா. அதன் பின்னர் சில படங்களில் நடித்த கேப்ரில்லா, பிக்பாஸ் சீசன் 4 நிகழ்ச்சியில் போட்டியாளராக பங்கேற்றார்.
அர்ச்சனாவின் அன்பு கேங்கில் செல்லக்குட்டியாக வலம் வந்த கேபி, கடைசியில் பிக்பாஸ் நிகழ்ச்சியில் இருந்து ரூ.5 லட்சம் பணப்பெட்டிடன் கண்ணீர் மல்க வெளியேறியது ரசிகர்கள் மனதை உடைத்தது.
தற்போது ஒட்டுமொத்த பிக்பாஸ் சீசன் 4 டீமும் பிக்பாஸ் கொண்டாட்டத்திற்காக தயாராகி வரும் நிலையில், கேபிக்கு மீண்டும் ஒரு சிறப்பான வாய்ப்பு கொடுத்துள்ளது விஜய் தொலைக்காட்சி.
குக் வித் கோமாளி நிகழ்ச்சியை அடுத்து தற்போது விஜய் தொலைக்காட்சியில் ஒளிபரப்பாகி வரும் முரட்டு சிங்கிள்ஸ் நிகழ்ச்சி மீது பார்வையாளர்களின் கவனம் பதிய ஆரம்பித்துள்ளது.
தற்போது முரட்டு சிங்கிள்ஸ் நிகழ்ச்சியின் நடுவராக கேப்ரில்லாவை அமர்த்தியிருக்கிறது விஜய் டி.வி. இதற்கு முன்னதாக பிக்பாஸ் பிரபலங்களான யாஷிகா ஆனந்த், சாண்டி, மகத் நடுவர்களாக பங்கேற்றது குறிப்பிடத்தக்கது.
இந்த எபிசோட்டில் நடுவராக பங்கேற்றுள்ள கேப்ரில்லா அழகிய பிங்க் நிற லெஹங்காவில் ரசிகர்களின் மனதை கொள்ளையடித்துள்ளார்.