அருணை கதறவிட்டு சர்பிரைஸ் கொடுத்த பிக்பாஸ்! பட் ஏமாற்றம் என்னவோ ரசிகர்களுக்கு தான்!

விஜய் டிவியில் கடந்த அக்டோபர் மாதம் 6-ஆம் தேதி துவங்கிய பிக்பாஸ் நிகழ்ச்சி, 80 நாட்களை எட்டியுள்ளது. மேலும் இறுதி கட்டத்தை நோக்கி நிகழ்ச்சி நகர்ந்து கொண்டிருப்பதால், இந்த வாரம் பிக்பாஸ் ரசிகர்கள் மற்றும் போட்டியாளர்கள் எதிர்பார்த்த ஃப்ளீஸ் டாஸ்க் நடந்து வருகிறது.

கடந்த இரண்டு மாதத்திற்கு மேலாக குடும்பத்தினரிடம் இருந்து விலகி இருக்கும் போட்டியாளர்கள், தங்களுடைய குடும்பத்தினரை பார்த்ததும் கட்டிப்பிடித்து தண்ணீர் விட்டு தங்களின் அன்பை வெளிப்படுத்தும் தருணம், பார்க்கும் ரசிகர்கள் மனதையே நெகிழ வைக்கும் விதத்தில் உள்ளது.

மகனின் மறைவுக்கு பிறகு இரட்டை குழந்தைகளை பெற்றுக் கொண்ட மறைந்த நடிகர் விவேக்! மனைவி பகிர்ந்த சீக்ரெட்!

பிக்பாஸ் வீட்டிற்குள் முதலாவதாக தீபக்கின் குடும்பம் வந்த நிலையில், இவர்களைத் தொடர்ந்து மஞ்சரி, ராயன், விஷால், பவித்ரா, ராணவ், சௌந்தர்யா, அன்ஷிதா, ஆகியோரின் குடும்பங்கள் வந்து சென்றனர். இன்றைய தினம் ஜெஃப்ரி, ஜாக்குலினின் பெற்றோர் வருகை தந்த போது வெளியான ப்ரோமோக்கள் வைரலானது.

தற்போது வெளியாகி உள்ள புதிய ப்ரோமோவில் அருணை கன்பெஷன் ரூமுக்கு அழைக்கும் பிக் பாஸ், அருண் உங்களுடைய பெற்றோரால் இன்று வரமுடியவில்லை என செய்தி வந்துள்ளது எனக் கூறுகிறார். இதைக் கேட்டு மிகவும் மனம் நொந்து போன அருண், நண்பர்களை கட்டிப்பிடித்து அழும் நிலையில்... திடீரென அருணின் பெற்றோர் பிக்பாஸ் வீட்டிற்குள் என்ட்ரி கொடுக்கின்றனர். பின்னர் அவருடைய பெற்றோரை கட்டி அணைத்து அன்பை வெளிப்படுத்துகிறார்.

அழுதும் மனம் இறங்கவில்லையா திருச்செல்வம்? எதிர்நீச்சல் 2-வில் இருந்து நீக்கப்பட்ட பிரபலம் குற்றச்சாட்டு!

இதில் என்ன ஒரு ட்விஸ்ட் என்றால், பிக்பாஸ் நிகழ்ச்சியில் கலந்து கொண்டு விளையாடி வரும் அருண்... கடந்த பிக்பாஸ் சீசன் 7 டைட்டில் வின்னர் அர்ச்சனா ரவிச்சந்திரனின் காதலர் என்பதால்.. அர்ச்சனா பிக்பாஸ் வீட்டின் உள்ளே வர வாய்ப்புள்ளதாக கூறப்பட்டது. ஆனால் அர்ச்சனா வராமல் போனது தான், ரசிகர்களுக்கு ஏமாற்றத்தை கொடுத்துள்ளது என்பது குறிப்பிடத்தக்கது.