சின்ன வயதில்..சிம்புவுடன் ஆட்டம் போட்ட பிக்பாஸ் அல்டிமேட் பிரபலம்..

பிக் பாஸ் அல்டிமேட்டில் தொகுப்பாளராக களமிறங்கியுள்ள சிம்புவுடன் தங்களது தருணங்களை போட்டியாளர்கள் கலந்து கொண்டனர்..

BIGGBOSS ULTIMATE

உலகளவில் பிரபலமான ரியாலிட்டி ஷோவான பிக்பாஸ் (BiggBoss) கடந்த 2017-ம் ஆண்டு தமிழில் அறிமுகமானது. விறுவிறுப்புக்கும், பரபரப்புக்கும் பஞ்சமில்லாத இந்நிகழ்ச்சி அந்த ஆண்டே ரசிகர்களின் பேவரைட் நிகழ்ச்சியாக மாறியது.

இந்நிகழ்ச்சியின் கூடுதல் சிறப்பு என்றால் அது கமல்ஹாசன் தான். அவர் தொகுத்து வழங்கும் விதம் ரசிகர்களை வெகுவாக கவர்ந்ததால், கடைசியாக முடிந்த 5-வது சீசன் வரை அவரே தொகுத்து வழங்கினார். 

இந்தியில், பிக்பாஸ் நிகழ்ச்சி பிரத்யேகமாக ஓடிடிக்கு என தயாரிக்கப்பட்டு, வெற்றிகரமாக நடத்தி முடிக்கப்பட்டது. தற்போது தமிழிலும் அதே பார்முலாவை பின்பற்றி, ஓடிடிக்கென பிரத்யேகமாக பிக்பாஸ் நிகழ்ச்சியை நடத்தி வருகின்றனர். பிக்பாஸ் அல்டிமேட் (BiggBoss Ultimate) என பெயரிடப்பட்டுள்ள இந்நிகழ்ச்சி 4 வாரங்களை கடந்து வெற்றிகரமாக ஹாட்ஸ்டார் ஓடிடி தளத்தில் ஒளிபரப்பாகி வருகிறது.

பிக்பாஸ் அல்டிமேட் நிகழ்ச்சியை கடந்த 3 வாரங்களாக கமல் தொகுத்து வழங்கிய நிலையில், அவர் அரசியல் பணிகள் மற்றும் சினிமா ஷூட்டிங் இருப்பதால் தற்காலிகமாக இந்நிகழ்ச்சியில் இருந்து விலகுவதாக அறிவித்தார்

தற்போது அவருக்கு பதில் நடிகர் சிம்பு (Simbu) தொகுத்து வழங்கி வருகிறார். இதற்கென தாரை தப்பட்டையுடன் நேற்று சிம்பு களமிறங்கியிருந்தார்..

தொகுப்பாளராக களமிறங்கியுள்ள சிம்பு.. பிக்பாஸ் அல்டிமேட் நிகழ்ச்சியில் உள்ள போட்டியாளர்களுடன் கலந்துரையாடினார்...

அப்போது பலரும் சிம்புவுக்கு ஏதோ ஒரு வகையில் தெரிந்தவர்களாக இருக்கிறார்கள். அதில் ஒவ்வொருவரும் சிம்புவுடன் தொடர்புடைய அனுபவத்தை பகிர்ந்து இருந்தார்கள்.

அந்த வகையில் பாலாஜி முருகதாஸும் சிம்பு உடன் தொடர்புடைய அனுபவத்தை பகிர்ந்து உள்ளார். 2006 ஆம் ஆண்டு வல்லவன் படத்தில் இடம்பெற்ற முதல் பாடலில் சிம்புவின் கையை பிடித்து குழந்தைகள் நடனம் ஆடி இருப்பார்கள். அந்த சிறுவயது பிள்ளைகளில் ஒருவராக பாலாஜியும் இருந்திருக்கிறார்..