நடிகர் அருண் விஜய்க்கு இவ்வளவு பெரிய மகளா? ரசிகர்களை ஆச்சர்யடுத்திய பிறந்தநாள் புகைப்படம்..!
தமிழ் சினிமாவில் தனது அப்பா என்ன தான் பிரபல நடிகர்களாக இருந்தாலும் தன்னுடைய கடின உழைப்பால் தனிப்பட்ட இடத்தை பிடித்திருப்பவர் நடிகர் அருண் விஜய். இவர் தன்னுடைய மகள் பூர்வியின் பிறந்தநாளுக்கு வாழ்த்து கூறி வெளியிட்டுள்ள புகைப்படம் இவருக்கு இவ்வளவு பெரிய மகளா? என ரசிகர்கள் பலரையும் ஆச்சர்யப்பட வைத்துள்ளது.
தமிழ் சினிமாவில் மிகப்பெரிய பெயருக்கும் புகழுக்கும் சொந்தக்காரர்கள் விஜயகுமார் - மஞ்சுளா ஜோடி. இவர்களுடைய மொத்த குடும்பமும் கலைக்குடும்பம் தான்.
விஜயக்குமார் 1969ம் ஆண்டு முத்துக்கண்ணு என்பவரை திருமணம் செய்து கொண்டார். அதன் பின்னர் 1976ம் ஆண்டு நடிகை மஞ்சுளாவை கரம் பிடித்தார்.
விஜயகுமாருக்கும் முதல் மனைவிக்கும் பிறந்தவர் அருண் விஜய், தற்போது தமிழ் சினிமாவில் முன்னணி நடிகராக வலம் வருகிறார். அவருக்கு அனிதா, கவிதா என்ற இரண்டு சகோதரிகளும் உள்ளனர்.
மஞ்சுளாவிற்கு வனிதா, ப்ரீத்தா, ஸ்ரீதேவி ஆகிய மகள்கள் உள்ளனர். இவர்களும் தமிழ் சினிமாவில் நடிகைகளாக வலம் வந்துள்ளனர். தற்போது குடும்ப பிரச்சனை காரணமாக வனிதாவிடம் யாரும் தொடர்பில்லை.
சோசியல் மீடியால் மிகவும் ஆக்ட்டிவாக இருக்கும் அருண் விஜய் எந்த ஒரு விசேஷம் என்றாலும் அது குறித்த புகைப்படத்தை சமூக வலைத்தளத்தில் பகிர்வது வழக்கம்.
அந்த வகையில் தற்போது, தன்னுடைய மகள் பூர்விக்கு பிறந்தநாள் வாழ்த்து கூறும் விதமாக அவருடன் எடுத்து கொண்ட ஸ்பெஷல் புகைப்படம் ஒன்றை பகிர்ந்துள்ளார்.
இதில்... என் இளவரசிக்கு எனது பிறந்த நாள் வாழ்த்துக்கள். பூர்வி, ஒவ்வொரு நாளும் நீ எங்கள் வாழ்க்கையில் அற்புதமான ஒன்றாக இருக்கிறாய். நீ இல்லாத ஒரு வாழ்க்கையை என்னால் கற்பனை செய்து பார்க்க முடியாது. மீண்டும் ஒரு அருமையான வருடம் உங்களுக்கு அமையும். எப்போதும் போல் ஆசீர்வதிக்கப்பட்டவராகவும் எளிமையானவராகவும் சிரித்து கொண்டே இரு’ என்று பதிவு செய்துள்ளார்.
மேலும் இந்த புகைப்படம் அனைத்து ரசிகர்களையும் ஆச்சர்யப்படுத்தியுள்ளது. காரணம், இந்த புகைப்படத்தை பார்த்த பலர் அருண் விஜய்க்கு இவ்வளவு பெரிய மகளா என கேள்வி கேட்டு வருகிறார்கள்.