Leo Update : லியோ டீமில் இணைந்த மற்றொரு வில்லன்! - ஏற்கனவே 4 பேர் இருக்க.. இவர் 5வது வில்லன்! - யார் தெரியுமா?

லோகேஷ் கனகராஜ் இயக்கத்தில் விஜய் நடித்துவரும் படம் லியோ. இதில் ஏற்கனவே 4 வில்லன்கள் இருக்கும் நிலையில் தற்போது 5வது வில்லனும் இருப்பதாக படக்குழு தெரிவித்துள்ளது. மொத்தம் எத்தனை பேர் தான் என ரசிகர்கள் அதிர்ச்சி கேள்வி எழுப்பி வருகின்றனர். 

எந்த பக்கம் திரும்பினாலும் திரை ரசிகர்கள் எதிர்பார்ப்பது லியோ அப்டேட் அல்லது ஏகே62 அப்டேட் தான். விரைவில் ஏகே62 அப்டேட் வரவுள்ள நிலையில், லியோ அப்டேட் முந்திக்கொண்டுள்ளது. வெற்றிப்படங்களை தொடர்ந்து கொடுத்து வரும் லோகேஷ் கனகராஜ் இயக்கத்தில் விஜய் நடித்து வரும் லியோ திரைப்படத்தின் சூட்டிங் காஷ்மீரில் விருவிருப்பாக நடைபெற்று வருகிறது. அவ்வப்போது எடுக்கப்படும் புகைப்படங்களும், வீடியோக்களும் சமூக வலைத்தளங்களில் வெளியாகி படத்தின் மீதான எதிர்பார்ப்பை நாளுக்கு நாள் எகிர வைக்கிறது என்றால் மிகையாகாது.

போதாகுறைக்கு படத்தில் இருக்கும் சினிமா நட்சத்திர பட்டாளங்களும் பஞ்சமில்லை. பல்வேறு முக்கிய கதாப்பாத்திரங்கள் அவரவர்க்கு படத்தின் மீதான ஆவலை ஏற்படுத்தி வருகின்றனர். தற்போது லியோ திரைப்படத்தில் புது வில்லன் ஒருவர் இணைந்துள்ளார். லியோ படத்தில் ஏற்கனவே இதில் பாலிவுட் நடிகர் சஞ்சய் தத், மன்சூர் அலிகான், அர்ஜுன், மிஷ்கின், கௌதம் வாசுதேவ் மேனன் உள்ளிட்ட பலர் வில்லனாக நடித்து வருகின்றனர். அதில் சஞ்சய் தத் மெயின் வில்லன் என கூறப்படுகிறது.

அண்மையில், சஞ்சைதத் காஷ்மீரில் விஜய்யுடன் படப்பிடிப்பில் கலந்து கொண்டுள்ள போட்டோக்கள் சமூக வலைத்தளங்களில் வைரலானது. லோகேஷ் கனகராஜின் முதல் படமான மாநகரம் திரைப்படத்தில் நடித்திருந்த நடிகர் ''மதுசூதன் ராவ்'' தற்போது லியோ திரைப்படத்திலும் இணைந்திருக்கிறார். தமிழ், தெலுங்கு, கன்னடம் உள்ளிட்ட தென்னிந்திய மொழிகளில் நடித்திருக்கும் இவர் கோலிசோடா திரைப்படத்தின் மூலம் அதிகம் பிரபலமானது குறிப்பிடத்தக்கது.

லியோ திரைப்படம் குறித்த பல்வேறு விஷயங்கள் ரசிகர்களை அதிரவைத்து வரும் நிலையில், படம் எப்போது ரிலீஸ் என ரசிகர்கள் ஆவலோடு காத்திருக்கின்றனர். அந்த அளவுக்கு ஒரு பரபரப்பை ஏற்படுத்தியிருக்கும் இயக்குனர் லோகேஷ் கனகராஜ், இப்படி அடுத்தடுத்த அப்டேட்டுகளை கொடுத்தே படத்தின் மீதான எதிர்பார்பை அதிகரிக்க வைக்கிறார்.