'அமரன்'-னுக்கு இசையால் வலு சேர்த்த ஜிவி! சிவகார்த்திகேயன் கொடுத்த காஸ்டலி வாட்ச்; எவ்வளவு தெரியுமா?

'அமரன்' படத்திற்கு தன்னுடைய இனிமையான இசையால் வலு சேர்த்த, இசையமைப்பாளர் ஜிவி பிரகாஷுக்கு நடிகர் சிவகார்த்திகேயன் காஸ்ட்லி கிப்ட் ஒன்றை வழங்கி உள்ளார். இந்த தகவல் தற்போது வைரலாகி வருகிறது.  

Sivakarthikeyans Amaran surpasses 200 crore rupees

இந்த ஆண்டு தீபாவளியை முன்னிட்டு வெளியான திரைப்படங்களில் ஒன்று, நடிகர் சிவகார்த்திகேயன் நடிப்பில் வெளியான 'அமரன்'. தமிழகத்தைச் சேர்ந்த மேஜர் முகுந்த் வரதராஜனின் வாழ்க்கையை தழுவி எடுக்கப்பட்ட இந்த படத்தை, இயக்குனர் ராஜ்குமார் பெரியசாமி இயக்கி இருந்த நிலையில் உலக நாயகன் கமலஹாசன் ராஜ்கமல் பிலிம்ஸ் இன்டர்நேஷனல் சார்பில் தயாரித்திருந்தார்.

Amaran Movie

நடிகர் சிவகார்த்திகேயன் இந்த படத்தில் நடிப்பதற்காக, தன்னுடைய உடல் எடையை ஏற்றி.. இறக்கி.. நடித்தது மட்டும் இன்றி, ராணுவ வீரர்கள் பயிற்சி எடுக்கும் மையத்தில் பயிற்சி எடுத்து நடித்து, மேஜர் முகுந்த் வரதராஜனின் கதாபாத்திரத்திற்கு நியாயம் சேர்த்திருந்தார். அதேபோல் சிவகார்த்திகேயனுக்கு ஜோடியாக இந்து ரெபேக்கா வர்கீஸ் கதாபாத்திரத்தை ஏற்று நடித்த சாய் பல்லவியின் நடிப்பும் ரசிகர்கள் மத்தியில் தொடர்ந்து பாராட்டுகளை குவித்து வருகிறது.

Sivakarthikeyan Gift

இப்படம் வெளியானதில் இருந்து தற்போது வரை, சுமார் 200 கோடிக்கு வசூல் செய்துள்ள நிலையில் படக்குழுவினர் அனைவரும் இப்படத்தின் வெற்றியால் உச்சகட்ட மகிழ்ச்சியில் உள்ளனர். இந்த படத்தின் கதை மட்டும் இன்றி, கதையோடு பயணிக்கும் இசை, BGM, பாடல்களும் அதிக அளவில் ரசிகர்களை கவர்ந்துள்ளது. இந்நிலையில், 'அமரன்' பட இசையமைப்பாளர் ஜிவி பிரகாஷ் குமாருக்கு நடிகர் சிவகார்த்திகேயன் TAG Heuer என்கிற நிறுவனத்தின் வாட்ச் ஒன்றை பரிசாக வழங்கி உள்ளார். இந்த வாட்ச், சுமார் 1 லட்சத்திற்கு மேல் இருக்கும் என கூறப்படுகிறது.

Rajkumar Periasamy

அமரன் பட வெற்றியை தொடர்ந்து, இயக்குனர் ராஜ்குமார் பெரியசாமி, அடுத்ததாக இயக்க உள்ள திரைப்படத்தின் படப்பிடிப்பு பூஜையோடு துவங்கியது. சிவகார்த்திகேயனை தொடர்ந்து, நடிகர் தனுஷை வைத்து இவர் படம் இயக்க உள்ளது குறிப்பிடத்தக்கது.