கங்குவா சாதனையை தவிடுபொடியாக்கும் புஷ்பா 2 - வெளியான தகவல் உண்மையா?

Kanguva Vs Pushpa 2 : பிரபல நடிகர் அல்லு அர்ஜுன் நடிப்பில் உருவாகியுள்ள புஷ்பா 2 திரைப்படம் வருகின்ற டிசம்பர் 5ம் தேதி வெளியாகவுள்ளது.

Pushpa 2

பிரபல நடிகர் சூர்யா நடிப்பில் கடந்த நவம்பர் 14ஆம் தேதி வெளியான கங்குவா திரைப்படம், உலக அளவில் 200 கோடி ரூபாயை தாண்டி வசூல் செய்த நிலையில், தற்போது பிரபல அமேசான் பிரைம் OTT தலத்தில் விரைவில் வெளியாக உள்ளது. இதற்கான அதிகாரப்பூர்வ அறிவிப்புகளும் அண்மையில் வெளியானது குறிப்பிடத்தக்கது. கங்குவா திரைப்படத்தை பொறுத்தவரை நடிகர் சூர்யாவின் திரை வரலாற்றிலேயே மிகப்பெரிய பட்ஜெட்டில் உருவான திரைப்படமாக மாறியது. கிட்டத்தட்ட இரண்டரை ஆண்டுகளுக்கும் மேலாக அந்த ஒரே ஒரு திரைப்படத்திற்காக நடிகர் சூர்யா உழைத்துக்கொண்டிருந்ததும் அனைவரும் அறிந்ததே. இந்த ஆண்டின் மிகவும் எதிர்பார்க்கப்பட்ட திரைப்படமாக இருந்த கங்குவா கடந்த நவம்பர் மாதம் 14ஆம் தேதி உலக அளவில் வெளியானது.

Kanguva

இந்த சூழலில் கங்குவா திரைப்படத்தின் வெளியிட்டுக்கு முன்னதாக அப்பாடக்குழு கங்குவா திரைப்படம் குறித்த பல விஷயங்களை பேசி இருந்தார்கள். குறிப்பாக அப்படத்தின் தயாரிப்பாளர் ஞானவேல் ராஜா, "உலக அளவில் கங்குவா திரைப்படம் 2000 கோடி வரை வசூல் செய்யும்" என்று குறிப்பிட்டிருந்தார். அதேபோல நடிகர் சூர்யாவும், இந்த திரைப்படம் வெளியான பிறகு ஒவ்வொரு இயக்குனரும், ஒவ்வொரு திரைப்பட கலைஞர்களும் வாயைப் பிளந்து இந்த திரைப்படத்தை பார்க்க உள்ளார்கள் என்றும் கூறியிருந்தார். ஆனால் படத்தில் சூர்யாவின் நடிப்பு அசத்தலாக இருந்தாலும் கூட, திரைக்கதையின் தோய்வு திரைப்படத்தின் வெற்றியை மந்தமாக்கியது என்பது தான் ரசிகர்களின் பரவலான கருத்தாக இருந்து வருகிறது.

Rashmika Mandanna

இந்த சூழலில் கிட்டத்தட்ட மூன்று ஆண்டு காத்திருப்புக்குப் பிறகு பிரபல தெலுங்கு திரையுலக நடிகர் அல்லு அர்ஜுன் தன்னுடைய புஷ்பா படத்தின் இரண்டாம் பாகத்தை வருகின்ற டிசம்பர் மாதம் ஐந்தாம் தேதி உலக அளவில் வெளியீடு இருக்கிறார். ஏற்கனவே இந்த படத்திற்கான பிரமோஷன் பணிகள் பெரிய அளவில் நடந்து வருகிறது. 2021 ஆம் ஆண்டு புஷ்பா திரைப்படம் வெளியானதற்கு பிறகு அல்லு அர்ஜுன் எந்த திரைப்படத்திலும் நடிக்காமல் இருந்து வந்தார். மேலும் புஷ்பா படத்தின் இரண்டாம் பாகத்திற்காக தான் தன்னுடைய முழு கால்ஷீட்டையும் அவர் கொடுத்திருந்தது குறிப்பிடத்தக்கது. 

Allu Arjun

பிரபல மலையாள திரை உலக நடிகர் பகத் பாசில், தெலுங்கு திரை உலக நடிகை ராஷ்மிகா மந்தானா உள்ளிட்ட பலர் நடிப்பில் உருவாகியுள்ள புஷ்பா 2 வருகின்ற டிசம்பர் மாதம் ஐந்தாம் தேதி வெளியாகிறது. இந்நிலையில் கங்குவா திரைப்படம் உலக அளவில் சுமார் 11,500 திரையரங்குகளில் வெளியான நிலையில் அந்த சாதனையை தோற்கடிக்கும் அளவில் தற்போது உலக அளவில் புஷ்பா 2 திரைப்படம் 12,000 திரையரங்குகளில் வெளியாக உள்ளதாக தகவல்கள் வெளியாகி உள்ளது.