இயக்கிய எல்லா படமும் பிளாப்; வேறுவழியின்றி அதிரடி முடிவெடுத்த ஐஸ்வர்யா ரஜினிகாந்த்!
ரஜினிகாந்தின் மகளும், இயக்குனருமான ஐஸ்வர்யா ரஜினிகாந்த், தான் இயக்கும் அடுத்த படத்திற்காக அதிரடி முடிவு ஒன்றை எடுத்துள்ளாராம்.
ஐஸ்வர்யா ரஜினிகாந்த்
நடிகர் ரஜினிகாந்தின் மூத்த மகளான ஐஸ்வர்யா ரஜினிகாந்த், இயக்குனர் செல்வராகவனிடம் உதவி இயக்குனராக பணியாற்றினார். இதையடுத்து தனுஷின் 3 படம் மூலம் இயக்குனராக அறிமுகமானார். இப்படத்தின் மூலம் தான் அனிருத் இசையமைப்பாளராக அறிமுகமானார். இப்படத்தின் பாடல்கள் அனைத்தும் பட்டிதொட்டியெங்கும் பேமஸ் ஆனாலும், படம் அட்டர் பிளாப் ஆனது. 3 படத்தின் தோல்விக்கு பின்னர் வை ராஜா வை என்கிற படத்தை இயக்கினார் ஐஸ்வர்யா ரஜினிகாந்த். கெளதம் கார்த்திக் நடித்த இப்படத்தில் நடிகர் தனுஷ் கேமியோ ரோலில் நடித்தார். இப்படமும் தோல்வியை சந்தித்தது.
ரஜினி மகள் ஐஸ்வர்யா
அடுத்தடுத்து 2 படங்களின் தோல்விக்கு பின்னர் சினிமாவை விட்டு சில ஆண்டுகள் ஒதுங்கி இருந்த ஐஸ்வர்யா ரஜினிகாந்த், கடந்த ஆண்டு லால் சலாம் என்கிற படம் மூலம் மீண்டும் இயக்குனராக ரீ-எண்ட்ரி கொடுத்தார். இப்படத்தில் அவரது தந்தை ரஜினிகாந்த் கேமியோ ரோலில் நடித்திருந்தார். இருப்பினும் இப்படம் படுதோல்வியை சந்தித்தது. இப்படத்தின் தோல்விக்கு பின்னர், படத்தின் காட்சிகள் அடங்கிய ஹார்டு டிஸ்க் தொலைந்து போனதே அதன் தோல்விக்கு காரணம் என கூறி இருந்தார் ஐஸ்வர்யா.
இதையும் படியுங்கள்... விவரிக்க முடியாத உறவு அது; அரசியல் வாரிசுடன் நெருக்கமானது பற்றி ஐஸ்வர்யா ரஜினிகாந்த் ஓபன் டாக்
ஐஸ்வர்யா இயக்கிய படங்கள் தோல்வி
இதையடுத்து சித்தார்த்தை ஹீரோவாக வைத்து ஐஸ்வர்யா ரஜினிகாந்த் படம் இயக்க உள்ளதாக கூறப்பட்டது. ஆனால் அப்படம் அடுத்தகட்டத்துக்கு செல்லவில்லை. இந்நிலையில், ஐஸ்வர்யா ரஜினிகாந்தின் அடுத்த படம் குறித்த தகவல் வெளியாகி உள்ளது. அதன்படி புதுமுகங்கள் நடிக்கும் ஒரு சிறு பட்ஜெட் படத்தை ஐஸ்வர்யா ரஜினிகாந்த் இயக்க உள்ளாராம். அப்படத்தை இயக்குவது மட்டுமின்றி அதை புதிதாக தயாரிப்பு நிறுவனம் தொடங்கி அதன்மூலம் தயாரிக்கவும் உள்ளாராம் ஐஸ்வர்யா ரஜினிகாந்த்.
தயாரிப்பாளராகும் ஐஸ்வர்யா ரஜினிகாந்த்
ஐஸ்வர்யா தயாரிப்பாளராக களமிறங்கி உள்ளது ஏன் என்கிற கேள்வியும் எழத் தொடங்கி உள்ளது. ஒருவேளை தொடர்ந்து பிளாப் படங்களை கொடுத்ததால் ஐஸ்வர்யாவின் படத்தை தயாரிக்க எந்த தயாரிப்பாளரும் முன்னுக்கு வரவில்லையோ என கேள்வி எழுப்பி வரும் நெட்டிசன்கள், அதனால் தான் தானே தயாரிப்பாளராக மாறி இருப்பதாக கூறி வருகின்றனர். அவரது தந்தை மற்றும் சகோதரி செளந்தர்யா, தயாரிப்பாளராக தோல்வி அடைந்துள்ள நிலையில், ஐஸ்வர்யா ஒரு தயாரிப்பாளராக வெற்றி வாகை சூடுவாரா என்பதை பொறுத்திருந்து பார்க்கலாம்.
இதையும் படியுங்கள்...ஹார்டு டிஸ்க் கிடச்சிருச்சு! OTT ரிலீசுக்காக லால் சலாமை பட்டி டிங்கரிங் பார்க்கும் ரஜினி மகள்- எப்போ ரிலீஸ்?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.