samantha : இணையத்தை கலக்கும் சமந்தாவின் மோனோகுரோம் போட்டோஷூட் - வைரலாகும் புகைப்படங்கள்
நடிகை சமந்தா நடத்தியுள்ள பிளாக் அண்ட் ஒயிட் போட்டோஷூட் புகைப்படங்கள் சமூக வலைதளங்களில் வெளியாகி வைரலாகி வருகின்றன.
மயோசிடிஸ் நோய் பாதிப்பில் இருந்து மீண்டுள்ள நடிகை சமந்தா, தற்போது மீண்டும் படங்களில் நடிப்பதில் கவனம் செலுத்தி வருகிறார். அந்த வகையில் அவர் நடிப்பில் தற்போது குஷி என்கிற திரைப்படம் தயாராகி வருகிறது. இப்படத்தில் நடிகர் விஜய் தேவரகொண்டாவுக்கு ஜோடியாக நடித்து வருகிறார் சமந்தா. இப்படத்தின் படப்பிடிப்பு தற்போது மும்பையில் நடைபெற்று வருகிறது.
இதுதவிர நடிகை சமந்தா நடித்துள்ள சாகுந்தலம் என்கிற சரித்திர கதையம்சம் கொண்ட படமும் தற்போது ரிலீசுக்கு தயாராகி உள்ளது. இப்படத்தில் நடிகை சமந்தாவுக்கு ஜோடியாக மலையாள நடிகர் தேவ் மோகன் நடித்துள்ளார். குணசேகரன் இயக்கியுள்ள இப்படம் வருகிற ஏப்ரல் 14-ந் தேதி ரிலீஸ் ஆக உள்ளது. இது பான் இந்தியா படமாக ரிலீஸ் ஆக உள்ளதால் இதன் புரமோஷன் பணிகளை தற்போதிலிருந்தே தொடங்கிவிட்டனர்.
இதையும் படியுங்கள்... சமந்தாவுடன் சென்று 'சாகுந்தலம்' படக்குழுவினர் ஸ்ரீ பெடம்மா தல்லி கோயிலில் நேர்த்திக்கடன் செலுத்தினர்!
அந்த வகையில் கடந்த வாரம் ஐதராபாத்தில் உள்ள ஸ்ரீ பெடம்மா தல்லி கோயிலில் பூஜை செய்து சாகுந்தலம் படத்தின் புரமோஷன் வேலைகளை தொடங்கினர். இந்நிலையில், தற்போது நடிகை சமந்தா, இப்படத்திற்காக பல்வேறு ஊடகங்களுக்கு பேட்டி கொடுக்க தொடங்கி இருக்கிறார். இதற்காக மாடர்ன் உடையில் போட்டோஷூட் ஒன்றை நடத்தி அதன் புகைப்படங்களை வெளியிட்டு உள்ளார் சமந்தா.
மோனோகுரோம் போட்டோஷூட் நடத்தி அந்த போட்டோக்களை பதிவிட்டு சாகுந்தலம் படத்தின் புரமோஷன் வேலைகளை ஆரம்பித்துவிட்டதாக அறிவித்துள்ளார் சமந்தா. அவரின் இந்த லேட்டஸ்ட் போட்டோஷூட் சமூக வலைதளங்களில் வைரலாகி வருகிறது. இதைப்பார்த்த ரசிகர்களும் சாகுந்தலம் படம் வெற்றிபெற சமந்தாவுக்கு சோசியல் மீடியாவில் தங்களது வாழ்த்துக்களை தெரிவித்து வருகின்றனர்.
இதையும் படியுங்கள்... 44 வயதில்... அருவி சீரியல் நடிகை லாவண்யாவுக்கு நடந்த திருமணம்! குவியும் ரசிகர்கள் வாழ்த்து..!
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.