மணிரத்னம் படம் முதல்... தளபதிக்கு ஜோடியாகும் வாய்ப்பு வரை 5 படங்களை மிஸ் செய்த சாய் பல்லவி!

மலையாள இயக்குனர் அல்போன்ஸ் புத்திரன் இயக்கத்தில், 2015 ஆம் ஆண்டு வெளியாகி மலையாள ரசிகர்களை மட்டுமின்றி தமிழ், தெலுங்கு, உள்ளிட்ட தென்னிந்திய ரசிகர்களையும் அதிகம் கவர்ந்த திரைப்படம் 'பிரேமம்'. இந்த படத்தில் நிவின் பாலி ஹீரோவாக நடித்திருந்த நிலையில், சாய் பல்லவி அனுபமா பரமேஸ்வரன், மடோனா செபஸ்டியன் என மூன்று கதாநாயகிகள் நடித்திருந்தனர்.

கிட்டதட்ட தமிழில், இயக்குனர் சேரன் இயக்கத்தில் வெளியான ஆட்டோகிராப் திரைப்படத்தின் கான்செப்ட்டை அடிப்படையாகக் கொண்டு எடுக்கப்பட்ட இப்படம், ரூ.4 கோடி பட்ஜெட்டில் எடுக்கப்பட்டு, ரூ.73 கோடி வரை பாக்ஸ் ஆபிஸில் வசூல் செய்தது. இந்த படத்தில் சாய் பல்லவி உட்பட  மூன்று கதாநாயகிகள் நடித்திருந்தாலும், சாய் பல்லவியின் மலர் டீச்சர் ரோல் தான் அதிகம் கவனிக்கப்பட்டது.

இந்த படத்தின் மூலம் அறிமுகமான 3 நடிகைகளுமே தற்போது தென்னிந்திய திரை உலகில் முன்னணி நடிகையாக இருந்து வருகிறார்கள். குறிப்பாக சாய் பல்லவி தான் பல முன்னணி நடிகர்கள் ஜோடி போட விரும்பும் நடிகையாக உள்ளார். இப்படி பல வாய்ப்புகள் தன்னை தேடி வருவதன் காரணமாகவே சாய் பல்லவி, ஒரு சில காரணங்களால் ஐந்து முக்கிய படங்களின் நடிக்கும் வாய்ப்பை தவறவிட்டுள்ளார் என்பது உங்களுக்கு தெரியுமா? இது குறித்து இந்த பதிவில் பார்ப்போம்.
 

வாரிசு:

தெலுங்கு திரைப்பட இயக்குனர் வம்சி இயக்கத்தில், விஜய் நடிப்பில் கடந்த 2023-ஆம் ஆண்டு வெளியான திரைப்படம் 'வாரிசு'. வசூல் ரீதியாக இப்படம் தளபதிக்கு வெற்றி படமாக அமைந்தாலும், விமர்சன ரீதியாக சில எதிர்மறையான விமர்சனங்களை சந்தித்தது.

தெலுங்கு ரசிகர்கள் மத்தியில் இப்படத்திற்கு நல்ல வரவேற்பு கிடைத்த போதிலும், தமிழ் ஆடியன்ஸை கவர தவறியது வாரிசு. இந்த படத்தில் தளபதி விஜய்க்கு ஜோடியாக ராஷ்மிகா மந்தனா நடித்திருப்பார். ஆனால் ராஷ்மிகாவுக்கு  முன்பு இயக்குனர் வம்சி... கதாநாயகி ரோலுக்கு நடிகை சாய் பல்லவியை தான் அணுகி உள்ளார். ஆனால் ஒரு சில படங்களில் பிஸியாக நடித்து வந்ததால், இப்படத்தில் நடிக்கும் வாய்ப்பை சாய் பல்லவி தவற விட்டார்.

ஒரே நாளில் முடிவான யுவனின் 3-ஆவது திருமணம்! என்னால் வரமுயாது.. இளையராஜா கூறிய காரணம் என்ன தெரியுமா?

காற்று வெளியிடை:

இயக்குனர் மணிரத்ன இயக்கத்தில், கார்த்தி - அதிதி ராவ் நடிப்பில் 2017 ஆம் ஆண்டு வெளியான திரைப்படம் 'காற்று வெளியிடை' கலவையான விமர்சனங்களை சந்தித்த இப்படம், ரொமான்டிக் வார் ஜார்னரில் எடுக்கப்பட்டிருந்தது. ஏ ஆர் ரகுமான் இசையில் இப்படத்தில் இடம்பெற்ற அனைத்து பாடல்களுமே சூப்பர் ஹிட் வெற்றி பெற்றன.

இந்த படத்தில் அதிதி ராவ் கார்த்தி ஜோடியாக நடித்த நிலையில், அவருக்கு முன்பு சாய் பல்லவியை தான் இயக்குனர் மணிரத்தினம் அணுகி உள்ளார். ஆனால் சாய் பல்லவி கால் ஷீட் பிரச்சனை காரணமாக இந்த படத்தில் நடிக்க மறுத்துவிட்டார்.  அதன் பின்னரே... அதிதி ராவ் இந்த படத்தில் கமிட் ஆனார்.

டியர் காம்ரேட்:

இயக்குனர் பரத் கம்மா இயக்கத்தில் விஜய் தேவரகொண்டா நடிப்பில் பான் இந்தியா திரைப்படமாக வெளியானது டியர் காம்ரேட். கம்யூனிசம் பற்றி அதிகம் பேசப்பட்டிருந்த இந்த படத்தில், விஜய் தேவரகொண்டாவுக்கு ஜோடியாக ராஷ்மிகா மந்தனா நடித்திருந்தார். 

இந்த படத்தில் ராஷ்மிகா நடித்த லில்லி கதாபாத்திரத்திற்கு முதலில் நடிக்க இருந்தவர் நடிகை சாய்பல்லவி தான். ஆனால் சில லிப் லாக் காட்சிகள் இருந்ததால், இந்த படத்தின் வாய்ப்பை சாய் பல்லவி மறுத்துவிட்ட நிலையில்... விஜய் தேவரகொண்டாவுக்கு ஜோடியாக கீதா கோவிந்தம் படத்தில் நடித்த ராஷ்மிகா மந்தனா கமிட் செய்யப்பட்டார்.

பாக்யராஜ் மகள் சரண்யாவுக்கு குழந்தை இருக்கா; கணவர் யார்? கொண்டாட்டத்தில் இருக்கும் குடும்பத்தினர்!

போலா ஷங்கர்:

அஜித் நடிப்பில் 2015 ஆம் ஆண்டு வெளியான 'வேதாளம்' திரைப்படத்தின் ரீமேக்காக கடந்த, ஆண்டு சிரஞ்சீவி நடிப்பில் வெளியான திரைப்படம் போலா ஷங்கர். தமிழில் இப்படம் மிகப்பெரிய வெற்றி பெற்ற நிலையில், அதே எதிர்பார்ப்போடு சிரஞ்சீவியை வைத்து இந்த படம் ரீமேக் செய்யப்பட்டது.

இந்த படத்தில் சிரஞ்சீவிக்கு தங்கையாக கீர்த்தி சுரேஷ் நடித்த நிலையில், தமன்னா ஹீரோயினாக நடித்திருந்தார். இந்த படத்தில் கீர்த்தி சுரேஷ் கதாபாத்திரத்திற்கு, முதல் முதலில் அணுகப்பட்டவர் சாய் பல்லவி தான். ஆனால் ஹீரோயினாக நடித்துக் கொண்டிருக்கும் போது, தங்கை கதாபாத்திரத்தில் நடித்தால் அது தன்னுடைய சினிமா கேரியருக்கு பாதிப்பை ஏற்படுத்துமோ? என்கிற பயத்தில் இந்த படத்தின் வாய்ப்பை சாய் பல்லவி மறுத்து விட்டதாக கூறப்படுகிறது. அதே போல் இப்படம் மிகப்பெரிய தோல்வி படமாகவும் மாறியது.

லியோ:

இயக்குனர் லோகேஷ் கனகராஜ் இயக்கத்தில் தளபதி விஜய் நடிப்பில் கடந்தாண்டு வெளியான திரைப்படம் 'லியோ'. இந்த படத்தில் நடிகை திரிஷா தளபதி விஜய்க்கு ஜோடியாக நடித்திருந்தார். மேலும் சஞ்சய் தத், அர்ஜுன், மன்சூர் அலிகான், கௌதம் மேனன், உள்ளிட்ட பலர் முக்கிய வேடத்தில் நடித்திருந்தனர்.

இந்த படத்திற்காக இயக்குனர் லோகேஷ் கனகராஜ் திரிஷாவுக்கு முன்பு சாய் பல்லவியை அங்கியுள்ளார். அப்போதைக்கு சில பெரிய படங்களில் பேச்சுவார்த்தை நடந்து கொண்டிருந்ததால், லியோ படத்தின் வாய்ப்பை சாய் பல்லவி ஏற்க மறுத்துள்ளார். இதன் பின்னரே தளபதிக்கு ஜோடியாக நடிக்கும் வாய்ப்பு த்ரிஷாவுக்கு சென்றுள்ளது.

மேலும் விரைவில் இவர் நடித்து முடித்துள்ள அமரன் திரைப்படம் ரிலீஸ் ஆக உள்ள நிலையில், இதைத்தொடர்ந்து நாக சைதன்யாவுக்கு ஜோடியாக நடித்துள்ள தண்டால், ரன்பீர் கபூருக்கு ஜோடியாக நடிக்கும் இராமாயணம் மற்றும் இன்னும் சில படங்களில் நடித்து பிசியாகி உள்ளார் சாய் பல்லவி என்பது குறிப்பிடத்தக்கது.

இந்த பாடல்களை எல்லாம் எழுதியவர் கங்கை அமரனா! இவ்வளவு தான் தெரியாம போச்சே?