Simbu Love : சிம்பு வீட்டிலேயே செட்டில் ஆன நடிகை? ஷூட்டிங்கில் மலர்ந்த காதல்... ஆரம்பமானது புது லவ் ஸ்டோரி!

சிம்பு மீது நிதி அகர்வாலுக்கு காதல் மலர்ந்துள்ளதாம். சிம்புவுடன் ஈஸ்வரன் படத்தில் நடித்த போது நிதி அகர்வாலுக்கு காதல் மலர்ந்ததாக கூறப்படுகிறது.

திரையுலகில் நிலையான இடத்தை பிடிக்க பல நடிகைகள் போராடி வரும் நிலையில், தன்னுடைய ஒரு சில படங்களிலேயே ரசிகர்கள் மனதில் இடம்பிடித்து கோயில் கட்டும் வரை பிரபலமானவர் நிதி அகர்வால். இவர் நடிகர் சிம்புவுக்கு ஜோடியாக நடித்த 'ஈஸ்வரன்' மற்றும் ஜெயம் ரவிக்கு ஜோடியாக நடித்த 'பூமி' ஆகிய இரண்டு படங்களுமே ஒரே நாளில் வெளியாகியது கூடுதல் சிறப்பு. 

இதை தொடர்ந்து, தற்போது இயக்குனர் மகிழ் திருமேனி இயக்கத்தில், உதயநிதி ஸ்டாலின் நடிக்க உள்ள படத்தில் ஹீரோயினாக நடிக்க உள்ளார். தமிழ் சினிமாவிற்கு புது வரவாக இருந்தாலும், வளர்ந்த ஹீரோக்களுடன் தான் ஜோடி போட வேண்டும் என்பதில் தீர்க்கமாக உள்ளார் என்பது இவர் தேர்வு செய்யும் படங்களில் இருந்தே தெரிகிறது.

மேலும் ரசிகர்களை கவரும் விதமாக கவர்ச்சிக்கு பஞ்சம் இல்லாமல் புகைப்படம் வெளியிட்டு வாய்ப்பு தேடி வரும் நிதி அகர்வால் அவ்வப்போது காதல் வலையிலும் சிக்கி வருகிறார். அதன்படி தற்போதைய இந்திய கிரிக்கெட் அணியின் துவக்க ஆட்டக்காரரான கே.எல்.ராகுலை கடந்த சில ஆண்டுகளுக்கு முன் காதலித்தார். ஜோடியாக டேட்டிங்கெல்லாம் போன இவர்கள் திடீரென பிரேக் அப் செய்தனர்.

இந்நிலையில், தற்போது சிம்பு மீது நிதி அகர்வாலுக்கு காதல் மலர்ந்துள்ளதாம். சிம்புவுடன் ஈஸ்வரன் படத்தில் நடித்த போது நிதி அகர்வாலுக்கு காதல் மலர்ந்ததாக கூறப்படுகிறது. தற்போது இருவரும் நெருக்கமாக பழகத் தொடங்கி விட்டார்களாம். எந்த அளவுக்கு என்றால் சிம்பு வீட்டிலேயே தங்கத் தொடங்கிவிட்டாராம் நிதி. 

நடிகர் சிம்பு ஏற்கனவே இரண்டு முறை காதல் தோல்வியை சந்தித்தவர் ஆவார். கடந்த 2006-ம் ஆண்டு வல்லவன் படத்தை இயக்கிய போது நயன்தாரா மீது காதல் வயப்பட்டார் சிம்பு. இது ஓரிரு ஆண்டுகளில் பிரேக் அப் ஆக, பின்னர் வாலு படத்தில் நடித்தபோது ஹன்சிகா மீது காதலில் விழுந்தார். இந்த காதலும் தோல்வியில் முடிந்தது. தற்போது நிதி அகர்வால்... இது எங்க போய் முடியப்போகுதோ என நெட்டிசன்கள் புலம்பி வருகின்றனர்.