கமலஹாசன் முதல் நயன்தாரா வரை... லிவிங் டூ கெதர் மற்றும் டேட்டிங்கை செல்வதை விரும்பிய 5 தமிழ் பிரபலங்கள்..!!

பொதுவாகவே பிரபலங்கள் குறித்த எந்த தகவல் வெளியானாலும் அது பெரிய அளவில் கவனம் பெரும், குறிப்பாக அதுவே அவர்களுடைய சொந்த வாழ்க்கை, காதல், போன்ற விஷயங்கள் என்றால் சொல்லவே வேண்டாம், அப்படி லிவிங் டூ கெதர் வாழ்க்கையை விரும்பிய 5 தென்னிந்திய நட்சத்திரங்கள் பற்றிய தகல்வல்கள் இதோ...  

பல பிரபலங்கள் தங்களுடைய காதலருடன் டேட்டிங் செய்து பிரிவது என்பது வழக்கமாக இருந்தாலும், ஒரு சிலர் காதலிக்க துவங்கி, டேட்டிங், லிவிங் டூ கெதர் வாழ்க்கை என இருந்த பின்னர் திருமண பந்தத்திலும் இணைகிறார்கள்.

நடிகர் கமல்ஹாசன் (Kamalhassan)  - சரிகா (Sariha) ஜோடியின் காதலும் இப்படி துவங்கியது தான், நீண்ட காலம் இருவரும் டேட்டிங் செய்து வந்த நிலையில், பின்னர் வாணி கணபதியை (Vani Ganapathy) விவாகரத்து செய்த, அதே ஆண்டு 1988 - ல் சரிகாவை திருமணம் செய்து கொண்டார். பின்னர் கருத்து வேறுபாடு காரணமாக இருவரும் விவாகரத்து பெற்று பிரிந்தனர்.

பின்னர் நடிகை கௌதமியுடன் (gowthami) லிவிங் டூ கெதர் வாழ்க்கையில் இணைந்தார் கமல்ஹாசன். 2004 ஆம் ஆண்டு இருவரும் இணைந்து திருமணம் செய்து கொள்ளாமல் ஒரே வீட்டில் வாழ்ந்த நிலையில், 2016 ஆம் ஆண்டு, தன்னுடைய மகள் எதிர்காலம் கருதி கமல்ஹாசனை விட்டு பிரிவதாக அறிவித்தார் கௌதமி.

லேடி சூப்பர் ஸ்டார் நயன்தாராவின் (Nayanthara) காதலும் அவருடைய லிவிங் டூ கெதர் வாழ்க்கை முறையும் மிகவும் சுவாரஸ்யமானது. ஒரு சில காதல் தோல்விகளை சந்தித்த பின், இயக்குனர் விக்னேஷ் சிவன் (vignesh Shivan) இயக்கத்தில் 'நானும் ரவுடி தான்' படத்தில் நடிக்க துவங்கிய போது, இருவருக்கும் இடையே காதல் தீ பற்றி கொண்டது.

சுமார் 6 வருடங்களாக ஊரே அறியும்படி லிவிங் டூ வாழ்க்கை முறையில் வாழ்ந்து வரும் இவர்களுக்கு திருமண நிச்சயதார்த்தம் மிகவும் எளிமையான முறையில் நடந்து முடிந்துவிட்டதாக, சமீபத்தில் விஜய் டிவி நிகழ்ச்சி ஒன்றில் கலந்து கொண்ட நயன்தாரா தெரிவித்தார். எனவே விரைவில் இருவரும் திருமண உறவிலும் இணைவார்கள் என எதிர்பார்க்கப்படுகிறது.

சமந்தா (Samantha)  - நாக சைதன்யா (Naga Chaitanya) ஜோடியும், கடந்த 2010 Ye Maaya Chesave  என்கிற படத்தில் ஒன்றாக இணைந்து நடிக்கும் போது காதலில் விழுந்தனர். பல ஆண்டுகள் இவரகளது உறவை சாம் மற்றும் சைதன்யா ஜோடி ரகசியமாகவே வைத்திருந்த நிலையில், அவ்வப்போது டேட்டிங் செய்ய துவங்கியதால் இவர்களது காதல் விவகாரம் வெளியே கசிந்தது.

எனவே கடந்த 2017 ஆம் ஆண்டு, இரு வீட்டு பெற்றோர் சம்மதத்துடன் திருமணம் செய்து கொண்டனர். சுமார் 4 ஆண்டுகளுக்கு மேல் எந்த பிரச்னையும் இல்லாமல் இவர்களது திருமண வாழ்க்கை சென்று கொண்டிருந்தாலும், தற்போது எழுந்துள்ள விவாகரத்து வதந்தி ரசிகர்களை கவலையடைய செய்துள்ளது.

நடிகை ஸ்ருதிஹாசன் (Sruthihassan) , siddharth, Michael கர்சலே, போன்றவர்களுடன் காதலில் இருந்ததாக கிசுகிசுக்கப்பட்டது தற்போது பிரபல டூடூள் கலைஞர் சாந்தனுவுடன் (Shanthanu), காதலில் உள்ளார். மும்பையில் அவருடன் லிவிங் டூ வாழ்க்கை முறையிலும் இருந்து வரும் ஸ்ருதிஹாசன் புகைப்படங்களும் வெளியாகி வைரலாகிறது.

திருமணம் நடக்கும் வரை தன்னுடைய காதலை ரகசியமாக வைத்திருந்தவர் பிரபல நடிகை ஷ்ரேயா(Shriya), Andrei Koscheev என்பவரை இவர் காதலித்து வந்த நிலையில், இவருடன் ரகசியமாக பல முறை டேட்டிங் செய்துள்ளார். பின்னர் பட வாய்ப்புகள் குறைய துவங்கியதும் கடந்த 2018 ஆம் ஆண்டு ரகசியமாக திருமணம் செய்து கொண்டு செட்டில் ஆனார்.