பப்ளி பேபியாக இருந்த ஹன்சிகா... ஆபரேஷன் செய்து தான் சட்டென உடல் எடையை குறைத்தாரா? அவரே சொன்ன ஷாக்கிங் தகவல்

நடிகை ஹன்சிகா ஆபரேஷன் செய்து தான் உடல் எடையை குறைத்துக் கொண்டதாக நெட்டிசன் ஒருவர் கூறிய நிலையில், அதற்கு அவரே விளக்கம் அளித்துள்ளார்.

hansika

தமிழ் திரையுலகில் முன்னணி நடிகையாக வலம் வந்தவர் ஹன்சிகா. இவருக்கு கடந்தாண்டு திருமணம் நடைபெற்றது. இவர் சோஹைல் கதூரியா என்கிற தொழிலதிபரை காதலித்து திருமணம் செய்துகொண்டார். சோஹைல் கதூரியா ஏற்கனவே திருமணமாகி விவாகரத்து பெற்றவர் ஆவார். அவர் ஹன்சிகாவை இரண்டாவது திருமணம் செய்துகொண்டார். இவர்களது திருமணம் ஜெய்ப்பூரில் உள்ள 400 ஆண்டுகள் பழமை வாய்ந்த அரண்மனையில் பிரம்மாண்டமாக நடைபெற்றது.

நடிகை ஹன்சிகா திருமணத்துக்கு பின்னரும் சினிமாவில் தொடர்ந்து பிசியாக நடித்து வருகிறார். சினிமாவில் அறிமுகமான புதிதில் கொழுகொழுவென இருந்த ஹன்சிகா, அதன்பின் திடீரென உடல் எடையை குறைத்து ஸ்லிம்மான தோற்றத்துக்கு மாறினார். ஒல்லியான பின்னர் பிகினி உடையில் போட்டோஷூட் எல்லாம் நடத்தி அதகளப்படுத்தி இருந்தார் ஹன்சிகா. இருப்பினும் தான் எப்படி உடல் எடையை குறைத்தேன் என்கிற சீக்ரெட்டை வெளியிடாமல் இருந்தார் ஹன்சிகா.

இதையும் படியுங்கள்... வயசுக்கு மரியாதை வேண்டாமா? பரியேறும் பெருமாள் படத்தில்.. வசனம் மறந்ததால் நெல்லை தங்கராஜை அறைந்த மாரி செல்வராஜ்

இந்த நிலையில், சர்வதேச யோகா தினம் அண்மையில் கொண்டாடப்பட்டது. அப்போது யோகா செய்தபடி இருக்கும் புகைப்படம் ஒன்றை தனது இன்ஸ்டாகிராம் பக்கத்தில் பதிவிட்டு இருந்த ஹன்சிகா, தான் உடல் எடையை குறைத்ததற்கு யோகாவும் உதவியதாக கூறி இருந்தார். இதைப் பார்த்த நெட்டிசன் ஒருவர், அறுவை சிகிச்சை செய்து உடல் எடையை குறைத்துவிட்டு யோகா மூலம் இப்படி ஆனதாக கூறுகிறீர்களே என கமெண்ட் செய்திருந்தார்.

அந்த நெட்டிசனின் கமெண்ட் பார்த்து கடுப்பான நடிகை ஹன்சிகா, அதற்கு ரிப்ளை செய்துள்ளார். அதில், நான் இப்போது இருக்கும் தோற்றத்திற்கு வர நிறைய கடின உழைப்பு தேவைப்பட்டது. நிறைய யோகா பயிற்சி செய்ததும் ஒரு காரணம் தான். இதில் காமெடி என்னவென்றால் யோகா பாசிடிவிட்டியை பரப்புவதோடு வெறுப்பை குறைக்கும் என பதிவிட்டு அந்த நெட்டிசனுக்கு தரமான பதிலடி கொடுத்திருந்தார்.

இதையும் படியுங்கள்... நடிகை பூஜா ஹெக்டே உடன் புட்ட பொம்மா டான்ஸ் ஆடிய தளபதி விஜய்.... வைரலாகும் ஷூட்டிங் ஸ்பாட் வீடியோ