கோட்டா ஸ்ரீனிவாச ராவ் இறந்து ஒரு மாதத்திற்கு பிறகு அவரது மனைவி மரணம்!
Kota Srinivasa Rao Wife Rukmini Passed Away : நடிகர் கோட்டா ஸ்ரீனிவாச ராவ் மனைவி ருக்மிணி காலமானார். கடந்த மாதம் கோட்டா ஸ்ரீனிவாச ராவ் மரணமடைந்த நிலையில், தற்போது அவரது மனைவியும் காலமாகி இருப்பது தெலுங்கு திரையுலகில் சோகத்தை ஏற்படுத்தியுள்ளது.
கோட்டா ஸ்ரீனிவாச ராவ் மனைவி மரணம்
Kota Srinivasa Rao Wife Rukmini Passed Away : பிரபல நடிகர் கோட்டா ஸ்ரீனிவாச ராவ் கடந்த மாதம் காலமானார். அவரது குடும்பத்தில் மேலும் ஒரு சோகம் ஏற்பட்டுள்ளது. கோட்டா மரணமடைந்து ஒரு மாதத்திற்குள்ளாகவே அவரது மனைவியும் காலமாகி இருப்பது மிகுந்த சோகத்தை ஏற்படுத்தியுள்ளது. கோட்டா ஸ்ரீனிவாச ராவ் மனைவி ருக்மிணி திங்கட்கிழமை மதியம் காலமானார். கடந்த சில நாட்களாக உடல்நலக்குறைவால் அவதிப்பட்டு வந்த அவர், ஹைதராபாத்தில் உள்ள தனது இல்லத்தில் காலமானார். ஒரு மாதத்திற்குள் கோட்டா தம்பதியினர் மரணமடைந்தது தெலுங்கு திரையுலகில் சோகத்தை ஏற்படுத்தியுள்ளது.
உடல்நலக்குறைவால் ருக்மிணி மரணம்
ருக்மிணி பல்வேறு உடல்நலப் பிரச்சினைகளால் அவதிப்பட்டு வந்தார். இந்நிலையில், சமீபத்தில் அவரது கணவர் கோட்டா ஸ்ரீனிவாச ராவ் காலமானார். இதனால் அவர் மிகவும் பாதிக்கப்பட்டார். கணவர் மரணத்தைத் தாங்கிக் கொள்ள முடியாமல், அவரது உடல்நிலை மேலும் மோசமடைந்ததாகத் தெரிகிறது. அவரது மரணம் குறித்து தெலுங்கு திரையுலக பிரபலங்கள் அதிர்ச்சியும், வருத்தமும் தெரிவித்துள்ளனர்.
ஒரு மாதத்தில் கோட்டா குடும்பத்தில் இரண்டு இழப்புகள்
தெலுங்கு திரையுலகின் பிரபல நடிகரான கோட்டா ஸ்ரீனிவாச ராவ், உடல்நலக்குறைவால் கடந்த மாதம் 13 ஆம் தேதி காலமானார். இந்நிலையில், அவரது மனைவியும் மரணமடைந்தது தெலுங்கு திரையுலகை சோகத்தில் ஆழ்த்தியுள்ளது. ஒரு மாதத்திற்குள் கோட்டா குடும்பத்தில் இரண்டு இழப்புகள் ஏற்பட்டுள்ளன.
கோட்டா ஸ்ரீனிவாச ராவ் - ருக்மிணி
கோட்டா ஸ்ரீனிவாச ராவ் - ருக்மிணி தம்பதியினருக்கு ஒரு மகனும், இரண்டு மகள்களும் உள்ளனர். மகன் வெங்கட ஆஞ்சநேய பிரசாத் 2010 ஆம் ஆண்டு சாலை விபத்தில் காலமானார். தற்போது இரண்டு மகள்கள் உள்ளனர்.
வங்கி வேலையை விட்டுவிட்டு சினிமாவிற்கு வந்த கோட்டா
கோட்டா ஸ்ரீனிவாச ராவ் கிருஷ்ணா மாவட்டத்தில் 1942 ஜூலை 10 ஆம் தேதி பிறந்தார். அவரது தந்தை சீதாராமன்ஜநேயலு ஆயுர்வேத மருத்துவர். கோட்டாவை அவரது தந்தை நன்கு படிக்க வைத்தார். மருத்துவராக வேண்டும் என்று நினைத்த கோட்டா ஸ்ரீனிவாச ராவ் பட்டப்படிப்பு முடித்ததும் வங்கியில் அரசு வேலை கிடைத்தது. ஏற்கனவே நாடகங்களில் நடித்து வந்த அவருக்கு நடிப்புத் திறமை இருந்ததால், வேலைக்கு விடுப்பு எடுத்துக்கொண்டு நாடகங்களில் நடித்து வந்தார். சினிமா வாய்ப்புகளும் வரத் தொடங்கியதால், வெள்ளித்திரையில் பிஸியானார். வேலையும், சினிமாவையும் சமாளிக்க முடியாமல், சினிமாவிற்காக அரசு வேலையை விட்டுவிட்டார் கோட்டா ஸ்ரீனிவாச ராவ். தெலுங்கு, தமிழ், இந்தி, கன்னடம், மலையாளம் ஆகிய மொழிப் படங்களில் நடித்துள்ளார்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
