நடிகர் ஆர்.கே.சுரேஷுக்கு குழந்தை பிறந்தாச்சு..! புகைப்படத்துடன் வெளியிட்ட தகவல்..!
பிரபல நடிகரும், தயாரிப்பாளருமான ஆர்.கே.சுரேஷின் மனைவி மாதவி கர்ப்பமாக இருந்த நிலையில், இவருக்கு குழந்தை பிறந்த தகவலை ஆர்.கே.சுரேஷ் தற்போது புகைப்படத்துடன் வெளியிட்டு, தன்னுடைய மகிழ்ச்சியை வெளிப்படுத்தியுள்ளார்.
சலீம், தர்மதுரை, அட்டு ஆகிய படங்களை தயாரித்தான் மூலமும் பல படங்களுக்கு விநியோகஸ்தராக இருந்ததாலும் சினிமா வட்டாரத்தில் பிரபலமானவர் ஆர்.கே.சுரேஷ்.
பின் தேசிய விருது இயக்குனர், பாலா இயக்கத்தில் வெளியான 'தாரதப்பட்டை' படத்தின் மூலம் முரட்டு வில்லனாக அறிமுகமானார்.
முதல் படத்திலேயே ரசிகர்கள் மத்தியில் இவருடைய நடிப்புக்கு நல்ல வரவேற்ப்பு கிடைத்தால் தொடர்ந்து பல படங்களில் தற்போது கதாநாயகனாகவும் நடித்து வருகிறார். விரைவில் இவர் கதாநாயகனாக நடித்த படங்கள் அடுத்தடுத்து வெளியாகும் என எதிர்பார்க்கபாடகிறது.
திரைத்துறையில் நடிகராக சாதித்துவிட்ட ஆர்.கே.சுரேஷ், கடந்த ஆண்டு... லாக் டவுன் சமயத்தில் மாதவி என்கிற பெண்ணை ரகசியமாக திருமணம் செய்து கொண்டதாக கூறப்பட்டது. பின்னர் கொரோனா பாதுகாப்பு கருதி, யாருக்கும் அழைப்பு விடுக்க முடியவில்லை என்றும், திருமணத்தில் குடும்பத்தினர் மட்டுமே கலந்து கொண்டதாக தெரிவித்தார்.
இந்நிலையில் இவரது மனைவி மாதவி, கர்ப்பமாக இருக்கும் நிலையில்... தடபுடலாக சீமந்தத்தை செய்து அழகு பார்த்துள்ளார்.
இந்நிலையில் ஆர்.கே.சுரேஷின் மனைவி மாதவிக்கு, சென்னையில் உள்ள பிரபல தனியார் மருத்துவமனையில், குழந்தை பிறந்த தகவலை புகைப்படம் வெளியிட்டு தெரிவித்துள்ளார். தாய் - குழந்தை இருவருமே நலமாக உள்ளதாகவும், தங்களுடைய குடும்பத்தில் குட்டி தேவதை பிறந்ததையும் தெரிவித்துள்ளார்.
இதை தொடர்ந்து, நடிகரும் தயாரிப்பாளருமான ஆர்.கே.சுரேஷ் - மாதவி தம்பதிகளுக்கு பலர் வாழ்த்துக்களை தெரிவித்து வருகிறார்கள்.