Pushpa Movie Box-office collection: அட்ராசக்க.. முதல் நாளே வசூலில் அடித்து நொறுக்கிய 'புஷ்பா'! இத்தனை கோடியா?

நடிகர் அல்லு அர்ஜுன் (Allu Arjun) நடிப்பில், மிகப்பெரிய எதிர்பார்ப்புக்கு மத்தியில் வெளியான புஷ்பா திரைப்படம் (Pushpa movie Collection) வசூலில் அவரது முந்தைய படத்தின் வசூலை விஞ்சி கெத்துக்காட்டியுள்ளது. 

அல்லு அர்ஜுன் நடித்த ‘புஷ்பா: தி ரைஸ்’ திரைப்படம் இந்தியா முழுவதும் சுமார் 5 மொழிகளில் டிசம்பர் 17 வெள்ளிக்கிழமை அதாவது நேற்றைய தினம் வெளியானது.

ஓமிக்ரான் தொற்றின் பரபரப்புக்கு மத்தியில் இப்படம் வெளியானாலும், வசூலில் வேற லெவலுக்கு கெத்து காட்டியுள்ளது. தெலுங்கு இயக்குனர் சுகுமார் இயக்கிய இந்தப் படம் உலகம் முழுவதும் பாக்ஸ் ஆபிஸில் முதல் நாளில் மட்டும் 40 கோடி ரூபாய் வசூல் செய்துள்ளதாக கூறப்படுகிறது.

அல்லு அர்ஜுனின் ‘புஷ்பா’ திரைப்படம் அவரது முந்தைய படமான ‘ஆல வைகுந்தபுரமுலு’ படத்தின் வசூலை முறியடித்துள்ளதாக தகவல்கள் வெளியாகியுள்ளது. இதற்க்கு முன் இவர் நடித்த இப்படம் தான் அல்லு அர்ஜுன் நடிப்பில் வெளியாகி முதல் நாளில் 36.83 கோடி ரூபாய் வசூல் செய்து அதிக வசூல் செய்த படமாக பார்க்கப்பட்டது.

ஆனால் நேற்று வெளியான இதன் 'புஷ்பா' படம் இதனை முறியடிக்கும் அளவுக்கு அதிகமாக வசூல் செய்துள்ளதால், அல்லு அர்ஜுன் கேரியரில் இன்று வரை அதிக வசூல் செய்த படம் என்ற பெருமையை ‘புஷ்பா’ பெற்றுள்ளது.

தெலுங்கானா மற்றும் ஆந்திர திரையரங்குகளில் 'புஷ்பா' திரைப்படம் ரூ.30 கோடி வசூலித்துள்ளது. மலையாளம், இந்தி, கன்னடம் மற்றும் தமிழ் என பல மொழிகளிலும் டப் வெளியிடப்பட்டதில் இருந்து ரூ. 5 கோடி வசூலித்துள்ளதாக கூறப்படுகிறது.

மொத்தத்தில் ரூ.40 கோடி வசூலை முதல் நாளே அள்ளியுள்ளது புஷ்பா திரைப்படம். அதே போல்  இப்படம்  நிஜாம் பகுதியில் 11.44 கோடி ரூபாய் வசூல் செய்து மற்றொரு சாதனையை படைத்துள்ளது.

முதல் நாளிலேயே அமோக வரவேற்பை பெற்றுள்ளதாலும் வார இறுதி நாட்களில் இப்படம் பாக்ஸ் ஆபிஸில் எதிர்பாராத வசூலை குவிக்கும் என தகவல்கள் வெளியாகியுள்ளது.

புஷ்பா படத்திற்கு சில நெகடிவ் விமர்சனங்கள் கிடைத்தாலும் அல்லு அர்ஜுன் நடிப்பு மிகப்பெரிய அளவில் பேசப்பட்டு வருகிறது.  அதே போல் மற்ற நடிகர் - நடிகைகளான ராஷ்மிகா மந்தனா, சுனில், மலையாள நடிகர் ஃபஹத் பாசில், பிரகாஷ் ராஜ், தனஞ்சய், ஜெகபதி பாபு மற்றும் அனசுயா பரத்வாஜ் ஆகியோரின் நடிப்புக்கும் நல்ல வரவேற்பு கிடைத்துள்ளது.