இது உண்மையா? வாக்களிக்க வந்த விஜய், அஜித் பற்றி தீயாய் பரவும் செய்தி... வைரல் போட்டோவால் பதறும் ரசிகர்கள்!
தல அஜித் வாக்களித்த போட்டோஸ் மற்றும் வீடியோக்கள் சோசியல் மீடியாவில் வேற லெவலுக்கு வைரலாகி வருகிறது
தமிழக சட்டமன்ற தேர்தலுக்கான வாக்குப்பதிவு காலை 7 மணி முதலே தீவிரமாக நடைபெற்று வருகிறது. கொரோனா பரவலைக் கருத்தில் கொண்டு வாக்காளர்கள் அனைவரும் கட்டாயம் முகக்கவசம் அணிந்து வர வேண்டுமென வலியுறுத்தப்பட்டுள்ளனர். அதுமட்டுமின்றி வாக்களிக்க வரும் வாக்காளர்கள் சமூக இடைவெளியை கடைபிடிக்கவும், வாக்குச்சாவடிக்கு முன்பு உள்ள சானிடைசர் மற்றும் கையுறைகளை பயன்படுத்தி வாக்களிக்கவும் தேர்தல் ஆணையம் சிறப்பு ஏற்பாடுகளை செய்துள்ளது.
கொரோனா பரவல், கடும் வெயிலின் தாக்கம் காரணமாக காலை முதலே வரிசையில் காத்திருந்து மக்கள் வாக்களித்து வருகின்றனர். திரைப்பிரபலங்கள், அரசியல் கட்சி தலைவர்கள் ஆகியோரும் தங்களது தொகுதிக்குட்பட்ட வாக்குச்சாவடிகளில் வாக்களித்து வருகின்றனர்.
சூப்பர் ஸ்டார் ரஜினிகாந்த் ஸ்டெல்லா மேரிஸ் கல்லூரியிலும், தல அஜித் தனது மனைவி ஷாலினியுடன் திருவான்மியூரிலும், சிவகார்த்திகேயன் வளசரவாக்கத்திலும், நடிகர்கள் பிரபு, விக்ரம் பிரபு ஆகியோர் குடும்பத்துடன் தியாகராய நகரிலும் வாக்களித்தனர்.
தல அஜித் வாக்களித்த போட்டோஸ் மற்றும் வீடியோக்கள் சோசியல் மீடியாவில் வேற லெவலுக்கு வைரலாகி வருகிறது. வாக்குப்பதிவு தொடங்குவதற்கு 20 நிமிடம் முன்னதாகவே மனைவியுடன் வரிசையில் காத்திருந்து வாக்களித்தார்.
அதிலும் அவர் அணிந்துள்ள கருப்பு, சிவப்பு மாஸ்கை வைத்து குறிப்பிட்ட கட்சிக்கு அஜித் ஆதரவு தெரிவிப்பதாக அக்கட்சியினர் சோசியல் மீடியாவில் பரப்பி வருகின்றனர்.
மற்றொருபுறம் தளபதி விஜய் பனையூரில் உள்ள தன்னுடைய இல்லத்தில் இருந்து நீலாங்கரையில் உள்ள வாக்குச்சாவடிக்கு சைக்கிளில் வந்து வாக்களித்தார். விஜய் வாக்களிக்க வருவதை அறிந்த ரசிகர்கள் அவரை சூழ்ந்து கொண்டதால், காவல்துறையினர் பாதுகாப்புடன் விஜய்யை அழைத்துச் சென்று வாக்களிக்க வைத்தனர்.
இதில் விஜய் ஓட்டி வந்த சைக்கிளின் நிறம் கருப்பு, சிகப்பு வண்ணத்தில் இருக்கும் புகைப்படங்களும் குறிப்பிட்ட கட்சியை ஆதரிப்பதாக சோசியல் மீடியாவில் பரப்பப்பட்டு வருகிறது.
விஜய் ரசிகர்கள் சிலரோ பெட்ரோல், டீசல் விலை உயர்வைக் கண்டிக்கும் விதமாக நடிகர் விஜய் சைக்கிளில் வந்து வாக்களித்ததாக பரப்பிவருகின்றனர்.