டிவி, ரேடியோவில் வேலை பார்க்க ஆசையா? மாசம் 50,000 வரை சம்பளம்.. சென்னையிலேயே சூப்பர் சான்ஸ்!

இந்தியாவின் பொதுச் சேவை ஒளிபரப்பு நிறுவனமான பிரசார் பாரதி, 14 மார்க்கெட்டிங் எக்ஸிகியூட்டிவ் பணியிடங்களை நிரப்ப விண்ணப்பங்களை வரவேற்கிறது. ஜனவரி 21, 2026-க்குள் ஆன்லைனில் விண்ணப்பிக்கலாம்.

Image Credit : X

மத்திய அரசு வேலைவாய்ப்பு

இந்தியாவின் பொதுச் சேவை ஒளிபரப்பு நிறுவனமான பிரசார் பாரதி (Prasar Bharati), தூர்தர்ஷன் (DD) மற்றும் ஆகாஷ்வாணி (AIR) ஆகியவற்றின் வளர்ச்சிக்கு பங்களிக்க ஆர்வமுள்ள மார்க்கெட்டிங் நிபுணர்களிடமிருந்து விண்ணப்பங்களை வரவேற்கிறது. 2026-ஆம் ஆண்டிற்கான இந்த ஆட்சேர்ப்பு மூலம் மொத்தம் 14 மார்க்கெட்டிங் எக்ஸிகியூட்டிவ் (Marketing Executive) பணியிடங்கள் நிரப்பப்பட உள்ளன.

Image Credit : Getty

முக்கிய விவரங்கள்

• மொத்த காலியிடங்கள்: 14 பணியிடங்கள்.

• பணியின் தன்மை: இது முழுநேர ஒப்பந்த அடிப்படையிலான பணி (ஆரம்பத்தில் 2 ஆண்டுகள்). செயல்பாடுகளின் அடிப்படையில் பணிக்காலம் நீட்டிக்கப்படலாம்.

• விண்ணப்பிக்கத் தொடங்கும் நாள்: ஜனவரி 6, 2026.

• விண்ணப்பிக்க கடைசி நாள்: ஜனவரி 21, 2026.

Image Credit : Getty

கல்வித்தகுதி மற்றும் அனுபவம்

விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் பின்வரும் தகுதிகளைப் பெற்றிருக்க வேண்டும்:

• கல்வி: எம்பிஏ (MBA - General/Marketing) அல்லது மார்க்கெட்டிங்/மேனேஜ்மென்ட் துறையில் முதுகலை டிப்ளமோ (PG Diploma) பெற்றிருக்க வேண்டும்.

• அனுப்புவம்: மார்க்கெட்டிங் துறையில் குறைந்தபட்சம் ஓராண்டு அனுபவம் அவசியம். ஊடக நிறுவனங்களில் நேரடி விற்பனை (Direct Selling) அனுபவம் உள்ளவர்களுக்கு முன்னுரிமை அளிக்கப்படும்.

• வயது வரம்பு: விண்ணப்பதாரர்கள் 35 வயதிற்கு உட்பட்டவராக இருக்க வேண்டும்.

Image Credit : Getty

சம்பள விவரம்

பணி அமர்த்தப்படும் நகரத்தைப் பொறுத்து மாதச் சம்பளம் மாறுபடும்:

• சென்னை, ஹைதராபாத், மும்பை, கொல்கத்தா (Metro Cities): மாதம் ₹35,000 முதல் ₹50,000 வரை.

• இதர நகரங்கள்: மாதம் ₹35,000 முதல் ₹42,000 வரை.

• திறமையான வேட்பாளர்களுக்குச் சம்பளம் குறித்து பேச்சுவார்த்தை நடத்தப்படலாம்.

Image Credit : Getty

விண்ணப்பிக்கும் முறை

தகுதியுள்ள விண்ணப்பதாரர்கள் பிரசார் பாரதியின் அதிகாரப்பூர்வ இணையதளமான https://avedan.prasarbharati.org மூலம் மட்டுமே ஆன்லைனில் விண்ணப்பிக்க வேண்டும். ஆஃப்லைன் விண்ணப்பங்கள் ஏற்றுக்கொள்ளப்படாது.

விண்ணப்பதாரர்கள் அவர்களின் தகுதியின் அடிப்படையில் சுருக்கப்பட்ட பட்டியலில் (Shortlist) சேர்க்கப்படுவர். அவர்களுக்கு எழுத்துத் தேர்வு அல்லது நேர்காணல் நடத்தப்பட வாய்ப்புள்ளது. தேர்வு செய்யப்பட்டவர்களுக்கு மின்னஞ்சல் மூலம் தகவல் தெரிவிக்கப்படும்.