BEL Recruitment 2026: மத்திய அரசு வேலை தேடுபவரா?! மாதம் ரூ.40,000 வரை சம்பளம்.! BEL நிறுவனத்தில் இன்ஜினியர் வேலை.!

இந்திய அரசின் பொதுத்துறை நிறுவனமான பாரத் எலக்ட்ரானிக்ஸ்  2026-ஆம் ஆண்டிற்காக 51 பயிற்சி பொறியாளர் மற்றும் பயிற்சி அலுவலர் பணியிடங்களை அறிவித்துள்ளது. முன் அனுபவம் இல்லாத புதிய பட்டதாரிகள் இந்தப் பணியிடங்களுக்கு ஆன்லைனில் விண்ணப்பிக்கலாம். 

Image Credit : X/BHEL_India

இந்தியா முழுவதும் பணி செய்யலாம்.!

இந்திய அரசின் பொதுத்துறை நிறுவனமான பாரத் எலக்ட்ரானிக்ஸ் லிமிடெட் 2026-ஆம் ஆண்டிற்கான புதிய வேலைவாய்ப்பு அறிவிப்பை வெளியிட்டுள்ளது. இந்த அறிவிப்பின்  வாயிலாக மொத்தம் 51 பயிற்சி பொறியாளர் மற்றும் பயிற்சி அலுவலர் பணியிடங்கள் தற்காலிக அடிப்படையில் நிரப்பப்பட உள்ளன. தேர்ந்தெடுக்கப்படும் விண்ணப்பதாரர்கள் கொத்துவாரா அல்லது இந்தியாவின் தேவைப்படும் பிற பகுதிகளில் பணியமர்த்தப்படுவார்கள்.

Image Credit : Getty

பணியிடங்களின் விவரம்

இந்த வேலைவாய்ப்பில் பல்வேறு பொறியியல் துறைகளுக்கு முக்கியத்துவம் அளிக்கப்பட்டுள்ளது. மொத்தமுள்ள 51 இடங்களில், எலக்ட்ரானிக்ஸ் துறைக்கு 30 இடங்களும், மெக்கானிக்கல் துறைக்கு 17 இடங்களும் ஒதுக்கப்பட்டுள்ளன. மேலும் சிவில் துறைக்கு 2 இடங்களும், எலக்ட்ரிக்கல் மற்றும் நிதித்துறை சார்ந்த அதிகாரி பணிக்கு தலா ஒரு இடமும் காலியாக உள்ளன. இந்த ஒப்பந்தப் பணியானது மூன்று ஆண்டுகள் வரை நீடிக்கும்.

Image Credit : our own

கல்வித் தகுதி மற்றும் அனுபவம்

விண்ணப்பதாரர்கள் அங்கீகரிக்கப்பட்ட கல்வி நிறுவனத்தில் தொடர்புடைய பொறியியல் துறைகளில் நான்கு ஆண்டு கால முழுநேர பி.இ, பி.டெக் அல்லது பி.எஸ்சி இன்ஜினியரிங் படிப்பை முடித்திருக்க வேண்டும். நிதித்துறை சார்ந்த அதிகாரி பணிக்கு எம்.பி.ஏ அல்லது எம்.காம் முடித்திருக்க வேண்டும். ஒரு முக்கியமான விஷயம் என்னவென்றால், இந்தப் பணிகளுக்கு விண்ணப்பிக்க எந்தவித முன் அனுபவமும் தேவையில்லை; தகுதியுள்ள புதிய பட்டதாரிகள் (Freshers) தாராளமாக விண்ணப்பிக்கலாம்.

Image Credit : our own

வயது வரம்பு மற்றும் சம்பளம்

01.01.2026 தேதியின்படி விண்ணப்பதாரர்கள் 28 வயதிற்கு மிகாமல் இருக்க வேண்டும். இருப்பினும், ஓபிசி பிரிவினருக்கு 3 ஆண்டுகளும், எஸ்சி/எஸ்டி பிரிவினருக்கு 5 ஆண்டுகளும், மாற்றுத்திறனாளிகளுக்கு 10 முதல் 15 ஆண்டுகள் வரையிலும் வயது தளர்வு உண்டு. தேர்வாகும் பணியாளர்களுக்கு முதல் ஆண்டில் ரூ. 30,000, இரண்டாம் ஆண்டில் ரூ. 35,000 மற்றும் மூன்றாம் ஆண்டில் ரூ. 40,000 என மாத ஊதியம் உயர்த்தி வழங்கப்படும்.

Image Credit : our own

தேர்வு முறை மற்றும் விண்ணப்பிக்கும் விதம்

விண்ணப்பதாரர்கள் எழுத்துத் தேர்வு மற்றும் நேர்காணல் மூலம் தேர்ந்தெடுக்கப்படுவார்கள். இதற்கான எழுத்துத் தேர்வு 2026 ஜனவரி 25 அன்று நடைபெறும். தகுதியுள்ளவர்கள் 2026 ஜனவரி 1 முதல் ஜனவரி 15 வரை www.bel-india.in என்ற இணையதளத்தில் ஆன்லைன் மூலம் விண்ணப்பிக்க வேண்டும். பொதுப்பிரிவினர் விண்ணப்பக் கட்டணமாக ரூ. 177 செலுத்த வேண்டும், எஸ்சி/எஸ்டி மற்றும் மாற்றுத்திறனாளிகளுக்குக் கட்டணம் கிடையாது.