டிகிரி முடித்தவர்களுக்கு வங்கியில் பயிற்சிப் பணி! மாசம் ரூ.12,300 சம்பளம்.. அப்ளை பண்ணி ரெடியா?

பேங்க் ஆஃப் மகாராஷ்டிரா (Bank Of Maharashtra), பட்டதாரிகளுக்காக 600 அப்ரண்டிஸ் பணியிடங்களை அறிவித்துள்ளது. ஜனவரி 15, 2026 முதல் ஆன்லைனில் விண்ணப்பிக்கலாம். ஓராண்டு பயிற்சி மற்றும் மாதந்தோறும் ரூ.12,300 உதவித்தொகை வழங்கப்படும்.

Image Credit : social media

வங்கி வேலைவாய்ப்பு

வங்கித் துறையில் நேரடிப் பயிற்சி பெற விரும்பும் இளைஞர்களுக்கு ஒரு சிறப்பான வாய்ப்பு கிடைத்துள்ளது. பேங்க் ஆஃப் மகாராஷ்டிரா (Bank of Maharashtra) நிறுவனம், 600 அப்ரண்டிஸ் (Apprentice) பணியிடங்களுக்கான விண்ணப்பப் பதிவை இன்று, ஜனவரி 15, 2026 முதல் தொடங்கியுள்ளது.

ஆர்வமுள்ள பட்டதாரிகள் வங்கியின் அதிகாரப்பூர்வ இணையதளமான bankofmaharashtra.in வாயிலாக ஆன்லைனில் விண்ணப்பிக்கலாம். விண்ணப்பங்களைச் சமர்ப்பிக்க ஜனவரி 25, 2026 கடைசி தேதியாகும்.

Image Credit : unsplash

முக்கிய விவரங்கள்

தேர்வு செய்யப்படும் விண்ணப்பதாரர்களுக்கு ஓராண்டு காலத்திற்குப் பயிற்சி அளிக்கப்படும். இந்தப் பயிற்சிக் காலத்தில் மாதந்தோறும் ரூ.12,300 உதவித்தொகையாக (Stipend) வழங்கப்படும்.

மொத்தமுள்ள 600 இடங்களில், பொதுப் பிரிவினருக்கு 302 இடங்களும், இதர பிற்படுத்தப்பட்ட வகுப்பினருக்கு (OBC) 133 இடங்களும் ஒதுக்கப்பட்டுள்ளது. மேலும், பட்டியல் சாதியினருக்கு (SC) 69 இடங்களும், பழங்குடியினருக்கு (ST) 46 இடங்களும், பொருளாதாரத்தில் நலிந்த பிரிவினருக்கு (EWS) 50 இடங்களும் ஒதுக்கப்பட்டுள்ளன.

Image Credit : Getty

யாரெல்லாம் விண்ணப்பிக்கலாம்?

விண்ணப்பதாரர்கள் 20 முதல் 28 வயதிற்குள் இருக்க வேண்டும். ஏதேனும் ஒரு துறையில் பட்டம் (Bachelor's Degree) பெற்றிருப்பது அவசியமாகும். மேலும், விண்ணப்பிக்கும் மாநிலத்தின் உள்ளூர் மொழியை எழுத, படிக்க மற்றும் பேசத் தெரிந்திருக்க வேண்டும். இது குறித்த விவரங்கள் உங்கள் 10 அல்லது 12-ஆம் வகுப்பு மதிப்பெண் பட்டியலில் இடம் பெற்றிருக்க வேண்டும்.

Image Credit : Getty

விண்ணப்பிக்கும் முறை

1. முதலில் வங்கியின் இணையதளமான bankofmaharashtra.in-க்குச் செல்லவும்.

2. அங்குள்ள "Current openings" என்ற பகுதிக்குச் செல்லவும்.

3. "Online application for Engagement of Apprentices" என்ற தலைப்பின் கீழ் உள்ள "Apply online" என்பதைத் தேர்ந்தெடுக்கவும்.

4. புதிய பயனர்கள் தங்களைப் பதிவு செய்துவிட்டு, பின்னர் விவரங்களைப் பூர்த்தி செய்து விண்ணப்பத்தைச் சமர்ப்பிக்கலாம்.

கூடுதல் விவரங்களை அறிய வங்கியின் அதிகாரப்பூர்வ இணையதளத்தில் உள்ள விரிவான அறிவிப்பைப் பார்க்கவும்.