டெலிவரி பாய் கொண்டு வரும் சிலிண்டர் சரியா? வாங்கும் முன் இதை பண்ணுங்க.. உஷார்.!!

உலகளாவிய பதற்றங்களுக்கு மத்தியில், சமையல் எரிவாயு விநியோகத்தில் முறைகேடுகள் நடப்பதாக புகார்கள் எழுந்துள்ளன. உங்கள் கேஸ் சிலிண்டர் சரியான எடையில் உள்ளதா என்பதை சரிபார்ப்பது அவசியம்.

Image Credit : X

கேஸ் சிலிண்டர் திருட்டை தவிர்ப்பது எப்படி?

மேற்கு ஆசியாவில் ஈரான், அமெரிக்கா மற்றும் இஸ்ரேல் இடையே உருவான பதற்றம் உலகளாவிய எரிசக்தி சந்தைகளில் அதிர்வுகளை ஏற்படுத்தியது. குறிப்பாக கச்சா எண்ணெய் கடத்தலுக்கான முக்கியமான ஹார்மஸ் கடல்சந்தியை ஈரான் மூடியதாக தகவல்கள் வெளியாகியுள்ள நிலையில், அதன் தாக்கம் இந்தியாவையும் பாதிக்கக்கூடும் என்ற அச்சம் நிலவுகிறது. இதன் பின்னணியில் சமையல் எரிவாயு விநியோகத்தில் தடை ஏற்படும் வாய்ப்பு குறித்து மக்கள் மத்தியில் கவலை அதிகரித்து வருகிறது.

Image Credit : X

கேஸ் டெலிவரி வந்தால் என்ன செய்ய வேண்டும்?

இந்த சூழ்நிலையை பயன்படுத்தி சில இடங்களில் கேஸ் சிலிண்டர் விநியோகத்தில் முறைகேடுகள் நடக்கலாம் என்ற புகார்களும் அதிகரித்துள்ளதாக கூறப்படுகிறது. குறிப்பாக சில வாடிக்கையாளர்கள், வீட்டிற்கு வரும் சிலிண்டர்கள் முழு எடையில் இல்லை என்று புகார் தெரிவிக்கின்றனர். எனவே, கேஸ் சிலிண்டரை வாங்கும்போது அதன் சரியான எடையை சரிபார்ப்பது மிகவும் அவசியம் என நிபுணர்கள் கூறுகின்றனர்.

Image Credit : Social Media

எல்பிஜி சிலிண்டரின் எடை

ஒரு சாதாரண வீட்டு உபயோகத்திற்கான எல்பிஜி சிலிண்டரின் மொத்த எடை சுமார் 29.7 கிலோ இருக்கும். இதில் உள்ள எரிவாயுவின் எடை 14.2 கிலோ ஆகும். காலியான சிலிண்டரின் சராசரி எடை சுமார் 15.5 கிலோ இருக்கும். எனவே, சிலிண்டரின் மொத்த எடை 29.7 கிலோவிற்கு குறைவாக இருந்தால் அதில் இருக்கும் எரிவாயு அளவு குறைவாக இருக்கலாம் என்பதை புரிந்து கொள்ளலாம்.

Image Credit : Social Media

சிலிண்டரை வாங்கும் முன் கவனிக்க வேண்டியது

இதனை தவிர்க்க, சிலிண்டரை வாங்கும் முன் டெலிவரி பணியாளரிடம் எடை போட்டு காட்டுமாறு கேட்கலாம். பொதுவாக கேஸ் டெலிவரி வாகனங்களில் எடை பார்க்கும் கருவி இருக்கும். மேலும் வீட்டில் பயன்படுத்தப்படும் சிறிய ஹுக் வகை டிஜிட்டல் எடை கருவிகளும் கிடைக்கின்றன. இவை ரூ.200 முதல் ரூ.300 வரை விலையில் கிடைக்கும்.

Image Credit : X

கேஸ் சிலிண்டர் சரிபார்க்கும் வழி

மேலும், ஒவ்வொரு சிலிண்டரிலும் ‘டேர் வெயிட்’ எனப்படும் காலி சிலிண்டரின் எடை இரும்புக் கம்பியில் குறிப்பிடப்பட்டிருக்கும். அந்த எண்ணை மொத்த எடையிலிருந்து கழித்தால் உள்ளே இருக்கும் கேஸ் அளவை தெரிந்து கொள்ளலாம். சிலிண்டரில் சீல் இருந்தாலும் கூட எரிவாயு திருட்டு நடந்திருக்க வாய்ப்பு உள்ளது, எடை சரிபார்ப்பதுடன் வால்வு பகுதியில் கசிவு உள்ளது ஈரமான கை அல்லது சோப்பு நீர் மூலம் பரிசோதிக்க வேண்டும் என நிபுணர்கள் அறிவுறுத்துகின்றனர்.