புதிய 20 ரூபாய் நோட்டுகள்! ஆளுநர் கையொப்பம் மாற்றம்
புதிய ரூ.20 நோட்டுகள் ரிசர்வ் வங்கி ஆளுநர் சஞ்சய் மல்ஹோத்ராவின் கையொப்பத்துடன் வெளியிடப்படும். பழைய ரூ.20 நோட்டுகளும் தொடர்ந்து புழக்கத்தில் இருக்கும். வடிவமைப்பில் வேறு மாற்றங்கள் இல்லை.
இந்திய ரிசர்வ் வங்கி அறிவித்தபடி, புதிய ரூ.20 நோட்டுகள் விரைவில் வெளியிடப்படும். இந்த ரூபாய் நோட்டுகளில் புதிதாக நியமிக்கப்பட்ட ரிசர்வ் வங்கி ஆளுநர் சஞ்சய் மல்ஹோத்ராவின் கையொப்பம் இருக்கும்.
இந்திய ரிசர்வ் வங்கியின் ஆளுநர் சஞ்சய் மல்ஹோத்ரா டிசம்பர் 11, 2024 முதல் ஆளுநராகப் பொறுப்பேற்றார்.
தற்போது 20 ரூபாயில் எல்லோரா குகைகளின் படம் பச்சை-மஞ்சள் நிறத்தில் இடம்பெற்றுள்ளது. புதிய 20 ரூபாய் நோட்டு வெளியான பின்பும் பழைய 20 ரூபாய் நோட்டுகள் தொடர்ந்து புழக்கத்தில் இருக்கும்.
புதிய 20 ரூபாய் நோட்டின் வடிவமைப்பு மற்றும் அம்சங்கள் தற்போது புழக்கத்தில் உள்ள 20 ரூபாய் நோட்டைப் போலவே இருக்கும். ஒரே வித்தியாசம் ஆர்பிஐ ஆளுநரின் கையொப்பம் மட்டும்தான்.
ரிசர்வ் வங்கி சட்டத்தின் பிரிவு 26(2) இன் படி, ரிசர்வ் வங்கியால் வெளியிடப்படும் ஒவ்வொரு நாணயம் மற்றும் நோட்டையும் அனைத்து மக்களும் ஏற்க வேண்டும். இது செல்லாது என்று யாரும் கூற முடியாது. இதைத்தான் ரிசர்வ் வங்கி சட்டம் சொல்கிறது.
ரிசர்வ் வங்கியின் கூற்றுப்படி, சட்டப்பூர்வ புழக்கத்தில் உள்ள ஒவ்வொரு நோட்டையும் நாட்டில் எங்கும் பயன்படுத்தலாம். இவை மத்திய அரசின் உத்தரவாதத்துடன் வழங்கப்படுகின்றன.
நாட்டின் ரூபாய் நோட்டுகள் நான்கு நாணய அச்சகங்களில் அச்சிடப்படுகின்றன. அவற்றில் இரண்டு, செக்யூரிட்டி பிரிண்டிங் அண்ட் மிண்டிங் கார்ப்பரேஷன் ஆஃப் இந்தியா லிமிடெட் (SPMCIL) இன் கீழ், நாசிக் (மேற்கு இந்தியா) மற்றும் தேவாஸ் (மத்திய இந்தியா) ஆகிய இடங்களில் உள்ளன.
மேலும் இரண்டு இந்திய ரிசஉர்வ் வங்கி நோட்டு அச்சிடும் பிரைவேட் லிமிடெட் (BRBNMPL) இன் கீழ், மைசூரில் (தென்னிந்தியா) மற்றும் சல்போனியில் (கிழக்கு இந்தியா) உள்ளன.
இந்த நாணயங்கள் மும்பை, ஹைதராபாத், கொல்கத்தா மற்றும் நொய்டாவில் உள்ள நான்கு நாணயச் சாலைகளில் தயாரிக்கப்படுகின்றன. இவை அனைத்தும் இந்திய அரசு நிறுவனமான SPMCIL-க்கு சொந்தமானவை.
புதிய ரூ. 20 நோட்டுகள் விரைவில் சந்தைக்கு வரும். பழைய ரூபாய் நோட்டுகளும் புழக்கத்தில் இருக்கும் என்பதால் மக்கள் கவலைப்படத் தேவையில்லை.