LIC Joint Life Plan: கணவன் - மனைவிக்கு LIC-யின் சூப்பர் கிஃப்ட்: ஒரே பிரீமியத்தில் டபுள் லாபம் தரும் புதிய பிளான்.!

LIC Joint Life Plan: இந்திய ஆயுள் காப்பீட்டுக் கழகம் (LIC) தம்பதிகளுக்காக 'நியூ ஜீவன் சாத்தி' என்ற பெயரில் இரண்டு புதிய ஜாயின்ட் லைஃப் இன்சூரன்ஸ் திட்டங்களை (பிளான் 888 மற்றும் 889) அறிமுகப்படுத்தியுள்ளது. இது குறித்து இங்கு விரிவாகப் பார்க்கலாம். 

Image Credit : Gemini

LIC Joint Life Plan - LIC நியூ ஜீவன் சாத்தி

இந்திய ஆயுள் காப்பீட்டுக் கழகம் (LIC of India) தனது வாடிக்கையாளர்களுக்கு ஒரு சூப்பரான செய்தியை அறிவித்துள்ளது. LIC-யின் சிஇஓ மற்றும் எம்.டி., புதன்கிழமை மும்பையில் நடந்த ஒரு நிகழ்ச்சியில் ‘LIC நியூ ஜீவன் சாத்தி - சிங்கிள் பிரீமியம்’ (பிளான் 888) மற்றும் ‘LIC நியூ ஜீவன் சாத்தி - லிமிடெட் பிரீமியம்’ (பிளான் 889) என்ற இரண்டு புதிய திட்டங்களை அதிகாரப்பூர்வமாக அறிமுகம் செய்து வைத்தார். இந்த இரண்டு திட்டங்களும் நான்-பார் (லாபத்தில் பங்கில்லாத), நான்-லிங்க்ட் (பங்குச் சந்தையுடன் தொடர்பில்லாத), தனிநபர் சேமிப்புத் திட்டங்களாகும். இதன் முக்கிய சிறப்பம்சமே, இது கணவன், மனைவி இருவருக்கும் ஒரே பாலிசியில் சேமிப்பு மற்றும் பாதுகாப்பு இரண்டையும் வழங்கும் ஒரு ஜாயின்ட் லைஃப் திட்டமாகும்.

Image Credit : Google

இரண்டு திட்டங்களின் பொதுவான சிறப்பம்சங்கள்

• ஜாயின்ட் லைஃப் பாலிசி: இது ஒரு ஜாயின்ட் லைஃப் இன்சூரன்ஸ் திட்டம். அதாவது, கணவன் மற்றும் மனைவி இருவரையும் ஒரே பாலிசியின் கீழ் இது கவர் செய்கிறது.
• குறைந்தபட்ச காப்பீட்டுத் தொகை (Basic Sum Assured): இந்தத் திட்டங்களில் குறைந்தபட்ச காப்பீட்டுத் தொகை ₹3,00,000 ஆகும். அதிகபட்ச காப்பீட்டுத் தொகைக்கு எந்த வரம்பும் இல்லை. இது LIC நிறுவனத்தின் விதிமுறைகளுக்கு உட்பட்டது.
• வயது வரம்பு: பாலிசி எடுப்பதற்கு குறைந்தபட்சம் 18 வயது பூர்த்தியடைந்திருக்க வேண்டும். அதிகபட்ச வயது வரம்பு, பாலிசிதாரர் தேர்ந்தெடுக்கும் ஆப்ஷன்களைப் பொறுத்து மாறும்.
• இறப்புப் பலன் தேர்வுகள்: வாடிக்கையாளர்கள் தங்கள் தேவைக்கு ஏற்ப இரண்டு விதமான 'டெத் பெனிஃபிட் ஆப்ஷன்களில்' இருந்து தங்களுக்குப் பொருத்தமான ரிஸ்க் கவரைத் தேர்ந்தெடுக்கும் வசதி இதில் உள்ளது.
• கடன் வசதி மற்றும் ரைடர்ஸ்: அவசர பணத் தேவைகளுக்கு இந்த பாலிசிகளின் மீது கடன் பெறும் வசதி உண்டு. இதனுடன், கூடுதல் பிரீமியம் செலுத்தி ஆப்ஷனல் ரைடர்களைப் பெற்று, காப்பீட்டுப் பாதுகாப்பை மேலும் அதிகரித்துக்கொள்ளலாம்.
• சிறப்பு தள்ளுபடி (Rebate): ஏற்கெனவே LIC பாலிசி வைத்திருப்பவர்கள் மற்றும் இறந்த பாலிசிதாரர்களின் நாமினிகள்/பயனாளிகளுக்கு பிரீமியத்தில் சிறப்பு தள்ளுபடி வழங்கப்படும்.

Image Credit : Asianet News

பணம் செலுத்துதல் மற்றும் பலன்கள்

• மெச்சூரிட்டி பலன் (பாலிசி முதிர்வுப் பலன்): பாலிசி நடைமுறையில் இருக்கும்போது, பாலிசி காலத்தின் முடிவில் தம்பதியரில் குறைந்தபட்சம் ஒருவர் உயிருடன் இருந்தாலும், அடிப்படை காப்பீட்டுத் தொகையுடன் (Basic Sum Assured) அதுவரை சேர்ந்திருக்கும் உத்திரவாதக் கூடுதல் தொகையும் (Accrued Guaranteed Additions) சேர்த்து வழங்கப்படும்.
• இறப்புப் பலன் (Death Benefit): பாலிசி காலத்தில் தம்பதியரில் ஒருவர் முதலில் இறந்தால், 'இறப்புப் பலனுக்கான காப்பீட்டுத் தொகை' வழங்கப்படும். அதே பாலிசி காலத்தில் இரண்டாவது நபரும் இறந்துவிட்டால், மீண்டும் ஒருமுறை 'இறப்புப் பலனுக்கான காப்பீட்டுத் தொகை'யுடன், அதுவரை சேர்ந்திருக்கும் உத்திரவாதக் கூடுதல் தொகையும் சேர்த்து வழங்கப்படும்.
• தவணை முறையில் பணம் பெறும் வசதி: பாலிசிதாரர்கள் தங்களது மெச்சூரிட்டி அல்லது இறப்புப் பலன் தொகையை மொத்தமாகப் பெறுவதற்குப் பதிலாக, தவணை முறையிலும் (Instalments) பெற்றுக்கொள்ளும் வசதியும் உள்ளது.

Image Credit : stockPhoto

LIC நியூ ஜீவன் சாத்தி - சிங்கிள் பிரீமியம் (பிளான் 888) சிறப்பம்சங்கள்

• ஒரே முறை பிரீமியம்: இந்தத் திட்டத்தின் கீழ், பிரீமியத்தை ஒரே ஒரு முறை மட்டும் செலுத்தினால் போதும் (Single Premium).
• நிலையான உத்திரவாதக் கூடுதல் தொகை: பாலிசியின் முழு காலத்திற்கும், ஒவ்வொரு ஆண்டும், ஒவ்வொரு ₹1,000 அடிப்படை காப்பீட்டுத் தொகைக்கும் ₹70 என்ற விகிதத்தில் உத்திரவாதக் கூடுதல் தொகை (Guaranteed Additions) வழங்கப்படும்.
• Policy Term: பாலிசி காலத்தை (Policy Term) தேர்ந்தெடுப்பதற்கு வாடிக்கையாளர்களுக்குப் பல ஆப்ஷன்கள் உள்ளன.

Image Credit : google

LIC நியூ ஜீவன் சாத்தி - லிமிடெட் பிரீமியம் (பிளான் 889) சிறப்பம்சங்கள்

• குறுகிய கால பிரீமியம்: இந்தத் திட்டத்தில், பாலிசிதாரர்கள் குறுகிய காலத்திற்கு மட்டும் பிரீமியம் செலுத்தினால் போதும். வாடிக்கையாளர்கள் தேர்ந்தெடுக்கும் 10, 15, 20 மற்றும் 25 வருட பாலிசி காலத்திற்கு ஏற்ப, பிரீமியம் செலுத்தும் காலம் (Premium Paying Term) 5, 10 அல்லது 15 ஆண்டுகளாக இருக்கும்.
• 7% உத்திரவாதக் கூடுதல் தொகை: பாலிசியின் முழு காலத்திற்கும், ஒவ்வொரு ஆண்டும், செலுத்தப்பட்ட மொத்த வருடாந்திர பிரீமியத்தில் (Total Tabular Annual Premium) 7% என்ற விகிதத்தில் உத்திரவாதக் கூடுதல் தொகை வழங்கப்படும்.
• பிரீமியம் தள்ளுபடி வசதி: பிரீமியம் செலுத்தும் காலத்தில் தம்பதியரில் ஒருவர் முதலில் இறந்துவிட்டால், மீதமுள்ள காலத்திற்கான பிரீமியத்தை முழுவதுமாகத் தள்ளுபடி (Premium Waiver Benefit) செய்துவிடுவார்கள்.

Image Credit : Twitter

எப்படி வாங்குவது?

இந்தத் திட்டங்கள் குறித்த கூடுதல் விவரங்களுக்கு, வாடிக்கையாளர்கள் திட்டத்தின் கையேடுகளைப் பார்க்கலாம் அல்லது LIC-யின் அதிகாரப்பூர்வ இணையதளமான www.licindia.in-க்குச் சென்று தெரிந்துகொள்ளலாம். இந்தத் திட்டங்களை LIC உரிமம் பெற்ற முகவர்கள், கார்ப்பரேட் ஏஜென்ட்கள், புரோக்கர்கள், இன்சூரன்ஸ் மார்க்கெட்டிங் நிறுவனங்கள் மூலம் ஆஃப்லைனிலும், LIC இணையதளம் மூலம் நேரடியாக ஆன்லைனிலும் வாங்கலாம். இந்த இரண்டு புதிய ‘நியூ ஜீவன் சாத்தி’ திட்டங்களும் வரும் 2026, ஜூன் 1 முதல் வாங்குவதற்குக் கிடைக்கும் என்று LIC தெரிவித்துள்ளது.