- Home
- Business
- 100 ரூபாய் எடுத்துச் சென்றால் எந்த நாட்டில் லாபம்? ஈரான், இஸ்ரேல் கணக்கு.. பணக்காரன் ஆகலாம் போலயே
100 ரூபாய் எடுத்துச் சென்றால் எந்த நாட்டில் லாபம்? ஈரான், இஸ்ரேல் கணக்கு.. பணக்காரன் ஆகலாம் போலயே
மத்திய கிழக்கில் நிலவும் பதற்றங்களுக்கு மத்தியில், இந்திய ரூபாயின் மதிப்பு மற்ற நாடுகளுடன் ஒப்பிடுகையில் பெரிதும் மாறுபடுகிறது. இது நாணயங்களின் எண்ணிக்கைக்கும் அதன் உண்மையான வாங்கும் திறனுக்கும் உள்ள வித்தியாசத்தை எடுத்துக்காட்டுகிறது.
இந்திய ரூபாய் மதிப்பு
மத்திய கிழக்கில் நிலவும் பதற்றம் உலக பொருளாதாரத்தை மட்டுமல்ல, இந்தியர்களின் தினசரி செலவுகளையும் தாக்கக்கூடியது. அமெரிக்கா மற்றும் இஸ்ரேல் நடத்திய தாக்குதல்களுக்கு பதிலாக ஈரான் மேற்கொண்ட நடவடிக்கைகள் காரணமாக அந்த பகுதி தீவிரமாக பதற்றமடைந்துள்ளது. குறிப்பாக உலக கச்சா எண்ணெய் போக்குவரத்துக்கு முக்கிய வாயிலாக உள்ள ஹோர்முஸ் நீரிணை பாதிக்கப்படுமா என்ற அச்சம் அதிகரித்துள்ளது. இந்த நிலை நீடித்தால், அதன் அதிர்வு இந்திய சந்தைகளிலும் உணரப்படும்.
மத்திய கிழக்கு போர் பதற்றம்
இந்தியா தனது எண்ணெய் தேவையின் பெரும்பகுதியை மத்திய கிழக்கு நாடுகளிலிருந்து இறக்குமதி செய்கிறது. ஆகவே சர்வதேச சந்தையில் கச்சா எண்ணெய் விலை உயர்ந்தால், பெட்ரோல் மற்றும் டீசல் விலையும் நேரடியாக அதிகரிக்கும். அதன் பின்னர் போக்குவரத்து செலவுகள் உயரும். இதன் விளைவாக காய்கறி முதல் மின்னணு சாதனங்கள் வரை பல பொருட்களின் விலையும் ஏற்றமடையும். இதனால் பொதுமக்களின் செலவுத்திட்டம் சிரமப்பட வாய்ப்புள்ளது.
ஈரான் நாணய மதிப்பு
இந்நிலையில், இந்திய ரூபாய் மதிப்பு மற்ற நாடுகளின் நாணயத்துடன் ஒப்பிடும்போது எப்படி இருக்கிறது என்பது கவனிக்க வேண்டிய விஷயம். ஈரானின் அதிகாரப்பூர்வ நாணயம் ‘இரானிய ரியல்’. சர்வதேச அளவில் அதன் மதிப்பு மிகவும் குறைவாக உள்ளது. தற்போதைய மதிப்பீட்டின்படி, 1 இந்திய ரூபாய்க்கு சுமார் 463 இரானிய ரியல் கிடைக்கிறது. அதாவது, 100 ரூபாய் மாற்றினால் 46,300 ரியல் கிடைக்கும். 1,000 ரூபாய் மாற்றினால் அது 4,63,000 ரியாலாக மாறும். எண்ணிக்கையில் பெரிய தொகை போல தெரிந்தாலும், அதன் வாங்கும் திறன் அதற்கேற்றபடி குறைவாக இருக்கும்.
இஸ்ரேல் நாணய மதிப்பு
மறுபுறம், இஸ்ரேலின் நாணயம் 'நியூ ஷெகல்' மிகவும் வலுவானது. 1 நியூ ஷெகல் பெற சுமார் 29 இந்திய ரூபாய் செலவாகிறது. அதனால் 100 ரூபாய் மாற்றினால் வெறும் 3.44 ஷெகல் மட்டுமே கிடைக்கும். 1,000 ரூபாய் மாற்றினாலும் சுமார் 34.48 ஷெகல் தான் கிடைக்கும். இது இந்திய ரூபாய் மற்றும் இஸ்ரேல் நாணயத்தின் வலிமை வேறுபாட்டைக் காட்டுகிறது.
ரூபாய் மாற்று விகிதம்
ஒரே 100 ரூபாய் ஈரானில் வெறும் ரியலாக மாற, இஸ்ரேலில் சில ஷெகல்களாக மட்டுமே மாறுகிறது. ஆனால் எண்ணிக்கை பெரியது என்றாலே அது சக்திவாய்ந்தது என்பதல்ல. அந்த நாட்டின் பொருளாதார நிலை, பணவீக்கம், வாங்கும் திறன் ஆகியவை தான் உண்மையான அளவுகோல். உலக அரசியல் சூழ்நிலைகள் மாற்றமடையும் போதெல்லாம், நாணயங்களின் மதிப்பும் அதனுடன் ஆடுகின்றன என்பது நினைவில் கொள்ள வேண்டியது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
