தங்க நகை வாங்குவதில் புதிய மாற்றம்... இனி இது கட்டாயம்.!
இந்தியாவில் தங்கம் வாங்கும் பாதுகாப்பை அதிகரிக்க, ஒவ்வொரு நகைக்கும் தனித்துவமான, மீண்டும் பயன்படுத்த முடியாத HUID எண் கட்டாயமாக்கப்பட உள்ளது. இந்த புதிய திட்டம், வாடிக்கையாளர்களுக்கு வெளிப்படைத்தன்மையை உறுதி செய்யும்.
தங்க ஹால்மார்க் விதிகள்
இந்தியாவில் தங்கம் வாங்கும் விதிகளில் விரைவில் முக்கிய மாற்றங்கள் உள்ளன. வாடிக்கையாளர்களுக்கு பாதுகாப்பும் நம்பிக்கையும் அதிகரிக்க, மத்திய அரசு புதிய திட்டத்தை கொண்டு வரத் திட்டமிட்டுள்ளது. இந்த மாற்றங்கள் நாடு முழுவதும் நடைமுறைக்கு வரும் வகையில் ஆலோசனைகள் நடைபெற்று வருகின்றன. நகைக்கடைகள் உள்ளிட்ட துறையினரின் ஒத்துழைப்பும் கிடைத்துள்ளதாக தகவல்கள் தெரிவிக்கின்றன.
தங்கம் வாங்கும் விதிகள்
புதிய திட்டத்தின் முக்கிய அம்சமாக, ஒவ்வொரு தங்க நகைக்கும் தனித்துவமான HUID (Hallmark Unique Identification) எண் கட்டாயமாக்கப்பட உள்ளது. இந்த எண் நகையின் வடிவம், அளவு போன்ற தனிச்சிறப்புகளின் அடிப்படையில் வழங்கப்படும். இதன் மூலம் போலி நகைகள் விற்பனை செய்யப்படுவது தடுக்கப்படும். மேலும், ஒரு முறை வழங்கப்பட்ட HUID எண்ணை மீண்டும் பயன்படுத்த முடியாது என்பதும் முக்கியமான விதியாகும்.
மோசடி தடுக்கப்படும்
ஒரு நகை உருக்கப்பட்டாலும் அதற்கான HUID எண்ணை மீண்டும் வேறு நகைக்கு பயன்படுத்த அனுமதி இருக்காது. இதனால், ஒரே எண் பல நகைகளுக்கு பயன்படுத்தப்படும் மோசடி முறைகள் முழுமையாக கட்டுப்படுத்தப்படும். இதன் மூலம் வாடிக்கையாளர்கள் வாங்கும் தங்கத்தின் தூய்மையை உறுதி செய்ய முடியும்.
தங்க தூய்மை விதிகள்
இந்த முடிவு எடுக்கப்பட்டதற்கான முக்கிய காரணம், கடந்த காலங்களில் வந்த புகார்கள் தான். சிலர் வாங்கிய நகையின் ஹால்மார்க் எண் இருந்தாலும், அதன் தூய்மை வேறுபட்டதாக கண்டறியப்பட்டுள்ளது. மேலும், ஒரே HUID எண் பல பொருட்களுக்கு பயன்படுத்தப்பட்டதாகவும் தகவல்கள் வெளியாகியுள்ளன. இதை தடுக்கவே அரசு இந்த கடுமையான விதிகளை கொண்டு வர முடிவு செய்துள்ளது.
தங்க சான்றிதழ் விதிகள்
இத்திட்டத்திற்கு நகைத் துறை நிறுவனங்களும் ஆதரவு தெரிவித்துள்ளன. எதிர்காலத்தில், ஹால்மார்க் விவரங்கள், படங்கள் மற்றும் எடை போன்ற தகவல்கள் அனைத்தும் டிஜிட்டல் முறையில் பதிவு செய்யப்படும். செயற்கை நுண்ணறிவு (AI) உதவியுடன் போலி ஹால்மார்க் கண்டறியப்படும். 2025-ல் சில மாவட்டங்களில் இந்த திட்டம் சோதனை முறையில் செயல்படுத்தப்பட்டு, நல்ல பலன் கிடைத்துள்ளது. இதனால், தங்கம் வாங்கும் முறையில் அதிக வெளிப்படைத்தன்மை உருவாகும் என்று எதிர்பார்க்கப்படுகிறது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
