Reels, Shorts மூலம் வருமானம்? அப்போ வருமானவரி தாக்கல் கட்டாயம்! இல்லையேல் 200% அபராதம்! ஜாக்கிரதை!

இன்ஃப்ளூயன்சர்கள் தங்கள் வருமானத்தை எவ்வாறு கணக்கிடுவது மற்றும் வரி செலுத்துவது என்பது குறித்த வழிகாட்டி. பரிசுகள், பரிமாற்றங்கள், பிராண்ட் ஒப்பந்தங்கள் உள்ளிட்ட அனைத்து வருமானங்களும் வரிக்கு உட்பட்டவை என்பதை விளக்குகிறது.

Image Credit : iStock

வருமானம் வந்தால் வரி கட்டியே ஆக வேண்டும்

இன்று இந்தியாவில் யூடியூப், இன்ஸ்டாகிராம், ஃபேஸ்புக் போன்ற சமூக ஊடக தளங்களில் செயல்படும் இளைய தலைமுறை, பல லட்சம் பின்தொடர்பவர்களை கொண்டிருக்கின்றனர். Reels, Shorts மூலம் அவர்கள் உருவாக்கும் வீடியோக்கள், பிராண்ட் ப்ரொமோஷன்கள், அஃபிலியேட் லிங்குகள், இலவச பரிசுகள் உள்ளிட்ட பலவகையான ஆதாயங்கள் மூலம் பணம் சம்பாதிக்கின்றனர். ஆனால் இந்த வருமானம் அனைத்தும் வருமான வரித்துறையின் கண்களில் இருந்து ஒளியாது.

Image Credit : freepik

இலவசமாக வாங்கினாலும் வரி கட்டவேண்டும்

“ஒருவருக்கு ரூ.50,000க்கு மேல் மதிப்புள்ள பரிசுகள் அல்லது பரிமாற்ற அடிப்படையிலான சாமான்கள் (barter collaborations) கிடைத்தால் கூட அது ‘வணிகம் மற்றும் தொழில் வருமானம்’ (Income from Business or Profession) என கணிக்கப்படுகிறது. இது ITR-ல் பதிவு செய்யப்பட வேண்டும். இதில் முக்கியமாக, இலவசமாக கிடைக்கும் மொபைல்கள், ஹோட்டல் தங்கும் வாய்ப்புகள், கமெரா, லேப்டாப் போன்றவை அனைத்தும் வரிக்குட்பட்டவை. Section 194R படி, ரூ.20,000க்கு மேல் மதிப்புள்ள பரிசுகளை வழங்கும் பிராண்டுகள் 10% TDS பிடித்துவைக்க வேண்டும் என்பதும் குறிப்பிடத்தக்கது.

Image Credit : iSTOCK

என்னென்ன வருமானத்தை குறிப்பிட வேண்டும்?

• சாதாரண ஊழியர்களைப் போல அல்லாமல், இன்ஃப்ளூயன்சர்கள் ‘தொழில்முனைவோர்’ எனப் பார்க்கப்படுகிறார்கள்.
• பிராண்ட் ப்ரொமோஷன்கள்
• அஃபிலியேட் லிங்குகளிலிருந்து வரும் கமிஷன்கள்
• ஆன்லைன் மற்றும் நிகழ்ச்சி பேச்சாளராக பங்கேற்பதில் கிடைக்கும் பணம்
• பொருட்கள் விற்பனை வருமானம்
• செலவுகளை கழித்துவிட்டு வரி கட்டலாம்

Image Credit : iSTOCK

தொழில் சார்ந்த செலவுகளை குறிப்பிடவும்

தொழில் சார்ந்த செலவுகள் — ஸ்டுடியோ வாடகை, இன்டர்நெட் பில்ல்கள், கமெரா, மென்பொருள் சாஃப்ட்வேர், பயணச் செலவுகள் — அனைத்தும் கழிவாகக் கணக்கில் கொள்ளலாம். மேலும், வீடியோ எடிட்டர், உதவியாளர் ஆகியோருக்குத் தரும் சம்பளங்கள் செலவாகக் காட்டலாம். ஆனால் லேப்டாப், லைட்டிங் உபகரணங்கள் போன்றவற்றுக்குப் நேரடி கழிவுக்கு பதிலாக Section 32 கீழ் மதிப்பீடு (depreciation) மட்டுமே அனுமதிக்கப்படும்.

Image Credit : iSTOCK

தனி வங்கி கணக்கு வைத்திருக்கவும்

“தொழில் மற்றும் தனிப்பட்ட செலவுகளை கலக்காமல் வைத்துக்கொள்வது மிகவும் அவசியம். தனி வங்கி கணக்கை வைத்தால், கணக்கியல் எளிமையாகிறது மற்றும் வரி ஆய்வின்போது ஆதாரமாக இருக்கும். Reels, Shorts உள்ளிட்டவை மூலம் வருமானம் ஈட்டுபவர்கள் தனி வங்கி கணக்கை தொடங்கினால் வருமான வரி தாக்கல் செய்யும் போது ஏற்படும் பிரிச்சினைகளில் இருந்து தப்பிக்கலாம்.

Image Credit : iSTOCK

எந்த ITR படிவத்தை தேர்வு செய்ய வேண்டும்?

தொழில்முனைவோராக, இன்ஃப்ளூயன்சர்கள் ITR-3 அல்லது ITR-4 இவற்றில் ஒன்றைத் தேர்வு செய்ய வேண்டும். நீங்கள் Section 44AA கீழ் உள்ள நுண்ணறிவு தொழில்களில் (படைத்திறன்கள், கலை சார்ந்த) ஒருவர் என வகைப்படுத்தப்படுகிறீர்கள் மற்றும் வருட வருமானம் ₹75 லட்சத்திற்கு கீழ் என்றால், presumptive tax முறையில் ITR-4 தாக்கல் செய்யலாம். இல்லையெனில் ITR-3 பாவித்து முறையான புத்தக கணக்குகள் (books of accounts) பராமரிக்க வேண்டிய கட்டாயம் உண்டு.

Image Credit : iSTOCK

தவறான தகவல் கொடுத்தால் அபராதம்

பிராண்டுகள், வங்கிகள், யூடியூப், இன்ஸ்டா போன்ற தளங்களிலிருந்து வரும் தகவல்கள் அனைத்தும் Form 26AS மற்றும் AIS என்ற ஆவணங்களில் வருமான வரித்துறைக்கு சென்றுவிடுகிறது. சிறிய தவறுகளும் 200% வரை அபராதம் ஏற்படுத்தக்கூடும். மேலும், முன்னதாகவே வரி செலுத்த வேண்டும் – அதாவது Advance Tax கட்டவில்லையெனில், Section 234B, 234C கீழ் வட்டி கட்டப்படலாம்.

Image Credit : iSTOCK

சட்டப்படி செயல்பட்டால் மகிழ்ச்சி கிடைக்கும்

இன்ஃப்ளூயன்சராக செயல்படுவது சுதந்திரமாகவும் சுவாரசியமாகவும் இருக்கலாம். ஆனால் வருமான வரி கணக்கீட்டில் அது மிகுந்த கவனத்தையும் சீர்திருத்தத்தையும்  காண்பிக்க வேண்டியது கட்டாயம். தங்கள் முதல் சப்ளையரிடமிருந்து கிடைக்கும் பரிசுகளிலிருந்து, கடைசி சுவைப்-அப் லிங்க் வரையிலும், ஒவ்வொரு ரூபாயும் கணக்கில் இருக்க வேண்டும். சரியாக தாக்கல் செய்யுங்கள், சட்டப்படி செயற்படுங்கள், கவலையின்றி உங்கள் கனவுகளை உருவாக்குங்கள்!