தங்கத்தை விடுங்க.. செம்பு கொடுத்த லாபம் எவ்வளவு தெரியுமா?

பாரம்பரிய முதலீடுகளைத் தாண்டி, செம்பு தற்போது முதலீட்டாளர்களின் கவனத்தை ஈர்த்துள்ளது. எலக்ட்ரிக் வாகனங்கள் மற்றும் பசுமை ஆற்றல் திட்டங்களால் தேவை அதிகரித்து, 2025-ல் செம்பின் விலை 50% உயர்ந்துள்ளது.

Image Credit : Gemini AI

செம்பு முதலீடு

தங்கம், வெள்ளி என்ற பாரம்பரிய முதலீடுகளைத் தாண்டி, முதலீட்டாளர்கள் தற்போது செம்பு மீது கவனம் செலுத்தத் தொடங்கியுள்ளனர். 2025-ஆம் ஆண்டு கமாடிட்டி சந்தையில் அமைதியாக ஆனால் வலுவாக முன்னேறிய செம்பு, 2026-லும் தனது பயணத்தைத் தொடரும் என சந்தை வல்லுநர்கள் கணிக்கின்றனர். குறிப்பாக எலக்ட்ரிக் வாகனங்கள், செயற்கை நுண்ணறிவு மற்றும் பசுமை ஆற்றல் திட்டங்கள் அதிகரிக்கும் சூழலில், செம்புக்கான தேவை தொடர்ந்து உயர்ந்து வருகிறது.

கடந்த ஆண்டு முதலீட்டாளர்களுக்கு செம்பு குறிப்பிடத்தக்க லாபத்தை அளித்துள்ளது. Multi Commodity Exchange of India-ல் 2025-ல் மட்டும் செம்பின் விலை சுமார் 50 சதவீதம் உயர்ந்தது. கிலோவுக்கு ரூ.796 என்ற நிலையில் இருந்த விலை ரூ.1,197 வரை சென்றது. இந்த செயல்திறன், பங்குச்சந்தையின் முக்கிய குறியீடான NIFTY 50-யை விட சிறந்ததாக பார்க்கப்படுகிறது. சர்வதேச சந்தையிலும் 2026 ஜனவரி முதல் வாரத்தில் ஒரு டன்னின் விலை சுமார் 13,000 டாலர் அளவில் நிலவி வருகிறது.

Image Credit : Gemini

காப்பர் விலை உயர்வு

எலக்ட்ரிக் வாகனங்கள், சோலார் மின் நிலையங்கள், பவர் கிரிட்கள், டேட்டா சென்டர்கள் போன்ற துறைகளில் செம்பு அத்தியாவசியமாக இருப்பதே இந்த விலை உயர்வுக்கு காரணமாகும். அதே நேரத்தில், உலகளவில் உற்பத்தி குறைந்து, தேவையோ அதிகரித்து வரும் சூழல், எதிர்காலத்திலும் செம்பின் விலையை ஆதரிக்கும் என எதிர்பார்க்கப்படுகிறது.

இந்திய முதலீட்டாளர்கள் செம்பில் நேரடியாக முதலீடு செய்வது எளிதல்ல. ஆனால் மாற்று வழிகள் உள்ளன. LRS திட்டத்தின் மூலம் வெளிநாட்டு காப்பர் ETF-களில் முதலீடு செய்யலாம். மேலும், வெளிநாட்டு காப்பாளர் நிதிகளில் முதலீடு செய்யும் இந்திய ‘ஃபண்ட் ஆஃப் ஃபண்ட்ஸ்’ திட்டங்களும் எளிய தேர்வாகும். மொத்த முதலீட்டில் 5–7 சதவீதம் வரை மட்டுமே செம்புக்கு ஒதுக்குவது பாதுகாப்பானது. சந்தை ஏற்ற இறக்கங்களை கவனித்து, அளவோடு முதலீடு செய்வதே நல்ல முடிவாகும்.