ரூ.1299-க்கு விமானத்தில் பறக்கலாம்.. ஏர் இந்தியா எக்ஸ்பிரஸ் சலுகை.. உடனே முந்துங்க
ஏர் இந்தியா எக்ஸ்பிரஸ் நிறுவனம் 'பெ டே சேல்' என்ற பெயரில் சிறப்பு சலுகையை அறிவித்துள்ளது. செப்டம்பர் 1 வரை நடைபெறும் இந்த சலுகையில், ரூ.1299-இல் தொடங்கி விமான டிக்கெட்டுகள் கிடைக்கும்.
ரூ.1299 விமான டிக்கெட்
விமானத்தில் பறக்க வேண்டும் என்பது பலருடைய கனவு. ஆனால், டிக்கெட் விலை அதிகமாக இருப்பதால் நடுத்தர வர்க்க மக்கள் கூட பயணம் செய்ய தயக்கம் காட்டுவார்கள். ரயில், பஸ், கார் போன்ற வசதிகள் குறைந்த செலவில் கிடைப்பதால், விமானப் பயணம் பலருக்கு கைவிட முடியாத கனவாகவே இருக்கும். இதை மனதில் கொண்டு, விமான நிறுவனங்கள் சிறப்பு சலுகைகளை அறிவித்து வருவது வழக்கம். தற்போது, ஏர் இந்தியா எக்ஸ்பிரஸ் ஒரு அதிரடி சலுகையை அறிவித்துள்ளது.
செப்டம்பர் 1 வரை மட்டுமே
'பெ டே சேல்' என்ற பெயரில் அறிவிக்கப்பட்டுள்ள இந்த சலுகை, தற்போது தொடங்கப்பட்டுள்ளது. வரும் செப்டம்பர் 1 வரை பயணிகள் இந்த சலுகையில் டிக்கெட் பதிவு செய்யலாம். 'எக்ஸ்பிரஸ் லைட் ஃபேர்' ரூ.1299-இல் தொடங்குகிறது. 'எக்ஸ்பிரஸ் வால்யூ ஃபேர்' ரூ.1349-இல் கிடைக்கிறது. சாதாரண பஸ் கட்டணத்துக்கு சமமான விலையில் விமானப் பயணம் கிடைப்பது பலரையும் கவரும் வகையில் உள்ளது.
ஏர் இந்தியா எக்ஸ்பிரஸ் சலுகை
இந்த சலுகையின் கீழ் முன்பதிவு செய்யப்பட்ட டிக்கெட்டுகள், வரும் செப்டம்பர் 3, 2025 முதல் மார்ச் 31, 2026 வரை பயணிக்க பயன்படுத்தலாம். இவை ஒருதிசை (ஒரு வழி) டிக்கெட்டுகளாகும் என்பதை குறிப்பிட வேண்டும். ஆனால், எல்லா நாட்களிலும், எல்லா விமானங்களிலும், எல்லா வழித்தடங்களிலும் இந்த சலுகை பொருந்தாது. 'முதல் வருபவருக்கு முதலிடம்' என்ற அடிப்படையில் இருக்கைகள் வழங்கப்படும்.
விமான டிக்கெட் சலுகை
உள்நாட்டு விமானங்களுக்கு மட்டும் அல்ல, சர்வதேச டிக்கெட்டுகளும் தள்ளுபடி விலையில் கிடைக்கின்றன. 'இண்டர்நேஷனல் லைட் ஃபேர்' ரூ.4876-இல் தொடங்குகிறது. அதேசமயம் 'வால்யூ ஃபேர்' ரூ.5403-இல் தொடங்குகிறது. இந்த டிக்கெட்டுகள் ஆகஸ்ட் 28, 2025 முதல் மார்ச் 31, 2026 வரை செல்லுபடியாகும்.
ஏர் இந்தியா எக்ஸ்பிரஸ்
இந்த சலுகையை பெற, பயணிகள் ஏர் இந்தியா எக்ஸ்பிரஸ் இணையதளம் அல்லது அதிகாரபூர்வ மொபைல் ஆப்ஸ் மூலம் மட்டுமே டிக்கெட் முன்பதிவு செய்ய வேண்டும். குறுகிய காலத்திற்கான இந்த சலுகையை தவறவிடாமல், உடனடியாக பதிவு செய்வது சிறந்தது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
