Government Schemes : பாதுகாப்பான முதலீடு தேடுறீங்களா? அதிக வட்டி தரும் 9 அரசு திட்டங்கள்.! 100% பாதுகாப்பு, பணத்துக்கு முழு உத்தரவாதம்.!

9 Safe Government Investment Schemes With High Returns : எதிர்காலத்துக்காக பணம் சேமிக்க நினைக்கிறீங்களா? மத்திய அரசின் 9 சூப்பரான, பாதுகாப்பான சேமிப்புத் திட்டங்கள் இருக்கு. அதுபற்றி இங்கே விரிவாகப் பார்க்கலாம். 

Image Credit : Gemini AI

அதிக வட்டி தரும் 9 அரசு திட்டங்கள்

எதிர்காலத்துக்காக சேமிக்கணும்னு எல்லோருக்கும் ஆசை இருக்கும். ஆனா, அதிக வட்டி தர்றதா சொல்ற தனியார் நிறுவனங்களை நம்ப முடியாது. அவங்க கிட்ட பணத்தைக் கொடுத்து ஏமாறவும் வாய்ப்பு இருக்கு. அதனால, மத்திய அரசே கொண்டு வந்த 9 பாதுகாப்பான சேமிப்புத் திட்டங்கள் பத்தி இங்க பார்க்கலாம்.

Image Credit : Getty

பொது வருங்கால வைப்பு நிதி (PPF):

இது மத்திய அரசின் நீண்டகால, வரி இல்லாத சேமிப்புத் திட்டம். 15 வருஷ திட்டம் இது. வருஷத்துக்கு அதிகபட்சமா ₹1.5 லட்சம் வரை முதலீடு செய்யலாம். 7.1% வட்டி கிடைக்குது. பிரிவு 80C-யின் கீழ் வரி விலக்கும் உண்டு. பாதுகாப்பானது என்பதால் இது ரொம்ப பிரபலம்.

Image Credit : Money\Twitter

சுகன்யா சம்ரிதி யோஜனா (SSY):

பெண் குழந்தைகளின் படிப்பு, கல்யாணத்துக்காக மத்திய அரசு கொண்டு வந்த திட்டம் இது. 10 வயதுக்குட்பட்ட பெண் குழந்தை பேர்ல பெற்றோர் கணக்கு தொடங்கலாம். வருஷத்துக்கு ₹250 முதல் ₹1.5 லட்சம் வரை முதலீடு செய்யலாம். இதுக்கு 8.2% வட்டியும், 80C வரி விலக்கும் கிடைக்குது.

Image Credit : Money\Twitter

மூத்த குடிமக்கள் சேமிப்புத் திட்டம் (SCSS):

60 வயசுக்கு மேலான ஓய்வு பெற்றவங்களுக்கு இது ஒரு பாதுகாப்பான முதலீட்டுத் திட்டம். இப்போதைக்கு 8.2% வட்டி தராங்க (காலாண்டுக்கு ஒருமுறை). 5 வருஷ திட்டம் இதுல அதிகபட்சமா ₹30 லட்சம் வரை முதலீடு பண்ணலாம். வரிச் சலுகையும், உறுதியான வருமானமும் கிடைக்கும்.

Image Credit : Google

தேசிய சேமிப்புச் சான்றிதழ் (NSC)

போஸ்ட் ஆபீஸ் மூலமா மத்திய அரசு வழங்கும் பாதுகாப்பான சேமிப்புத் திட்டம் இது. 5 வருஷத்துல முதிர்வு ஆகும். இப்போதைக்கு வருஷத்துக்கு 7.7% வட்டி கிடைக்குது. இதுல முதலீடு பண்ற தொகைக்கு 80C பிரிவின் கீழ் வரி விலக்கு உண்டு.

Image Credit : Getty

தேசிய ஓய்வூதியத் திட்டம் (NPS)

ஓய்வுக்குப் பிறகு மாதம் மாதம் வருமானம் வர்றதுக்கு இந்திய அரசு கொண்டு வந்த திட்டம் இது. 18-70 வயசுள்ள யார் வேணும்னாலும் இதுல முதலீடு செய்யலாம். வரிச் சேமிப்பு, நீண்டகாலத்துல நல்ல வருமானம்னு பல நன்மைகள் இருக்கு.

Image Credit : Getty

கிசான் விகாஸ் பத்திரம் (KVP)

நீங்க போடுற பணத்தை இரட்டிப்பாக்கித் தரும் ஒரு சூப்பர் திட்டம் இது. இப்போதைய கணக்குப்படி, 115 மாசத்துல (9 வருஷம் 7 மாசம்) உங்க பணம் டபுள் ஆகிடும். 18 வயசுக்கு மேல இருக்கிறவங்க இதுல சேரலாம். ஆனா, இதுக்கு 80C வரி விலக்கு கிடையாது.

Image Credit : Getty

அஞ்சலக மாத வருமானத் திட்டம் (POMIS)

மாதம் மாதம் ஒரு நிலையான வருமானம் வேணுங்கிறவங்களுக்கு இது சரியான திட்டம். 5 வருஷ காலத்துக்கு 7.4% வட்டியில மாதாந்திர வருமானம் கிடைக்கும். ஒருத்தர் அதிகபட்சமா ₹9 லட்சம் வரை முதலீடு செய்யலாம். 10 வயசுக்கு மேல இருக்கிறவங்க கூட கணக்கு தொடங்கலாம்.

Image Credit : Getty

சாவரின் கோல்டு பாண்டுகள் (SGB)

தங்கம் வாங்காமலேயே தங்கத்துல முதலீடு செய்ய RBI வழங்கும் திட்டம் இது. 8 வருஷ திட்டம். வருஷத்துக்கு 2.5% வட்டியும், தங்கத்தோட விலை ஏறுறதால வர்ற லாபமும் கிடைக்கும். குறைஞ்சது 1 கிராம்ல இருந்து அதிகபட்சம் 4 கிலோ வரை முதலீடு பண்ணலாம்.

Image Credit : Gemini AI

அடல் பென்ஷன் யோஜனா (APY)

அமைப்புசாரா தொழிலாளர்களுக்காக மத்திய அரசு கொண்டு வந்த பென்ஷன் திட்டம் இது. 18-40 வயசுள்ளவங்க இதுல சேரலாம். 60 வயசுக்குப் பிறகு, மாசம் ₹1,000-ல இருந்து ₹5,000 வரைக்கும் உறுதியான பென்ஷன் கிடைக்கும்.