- Home
- Business
- Business Idea : வெயில் காலம் வந்தாச்சு.! இந்த பிசினஸ் ஆரம்பியுங்க.! மாதம் லாபம் மட்டும் எவ்வளவு கிடைக்கும் தெரியுமா?
Business Idea : வெயில் காலம் வந்தாச்சு.! இந்த பிசினஸ் ஆரம்பியுங்க.! மாதம் லாபம் மட்டும் எவ்வளவு கிடைக்கும் தெரியுமா?
சொந்தமாக தொழில் தொடங்க வேண்டும் என்ற ஆசை இருந்தாலும், நஷ்டம் வந்துவிடுமோ என்ற பயத்தில் பலர் பின்வாங்குகிறார்கள். ஆனால், சந்தையின் தேவையை அறிந்து தொழில் தொடங்கினால் லாபம் நிச்சயம். அப்படியான ஒரு சிறந்த பிசினஸ் ஐடியாதான் ஐஸ் க்யூப் தயாரிப்பு.
ஐஸ் க்யூப் தயாரிப்பு பிசினஸ்
வெயில் காலம் வந்தாலே ஐஸ் கட்டிகளுக்கு டிமாண்ட் அதிகமாகிவிடும். ஜூஸ் கடைகள், கூல் டிரிங்க்ஸ் ஷாப்கள், பார்கள், ஹோட்டல்கள், கேட்டரிங் என பல இடங்களில் ஐஸ் தேவைப்படும். அதனால், சின்ன அளவில் இந்தத் தொழிலை ஆரம்பித்தாலும் நல்ல வருமானம் பார்க்கலாம். உங்கள் ஏரியாவில் இருக்கும் ஜூஸ் கடைகள் அல்லது பார்களுடன் ஒப்பந்தம் செய்துகொண்டால், ரெகுலராக ஆர்டர் கிடைக்கும். இதனால், வருமானம் நிற்காமல் வந்துகொண்டே இருக்கும்.
தேவையான மெஷின்கள் என்னென்ன?
இந்த பிசினஸுக்கு முக்கியமே ஐஸ் தயாரிக்கும் மெஷின்தான். நல்ல தரமான மெஷின் வாங்கினால், உற்பத்தி சுலபமாக இருக்கும். இதற்கு ஐஸ் க்யூப் மெஷின், டீப் ஃபிரீசர், RO வாட்டர் பிளான்ட், ஸ்டோரேஜ் பாக்ஸ்கள், பேக்கிங் மெஷின் போன்றவை தேவைப்படும். ஐஸ் க்யூப் மெஷின்கள் ஒரு நாளைக்கு 100 கிலோ முதல் 1 டன் வரை ஐஸ் தயாரிக்கும் திறன் கொண்டவை. உங்கள் சந்தை தேவையைப் பொறுத்து மெஷினை தேர்ந்தெடுக்கலாம். RO தண்ணீரில் ஐஸ் தயாரித்தால், வாடிக்கையாளர் நம்பிக்கையும் அதிகமாகும்.
சட்ட அனுமதிகள் மற்றும் லைசென்ஸ்கள்
ஐஸ் க்யூப்களை நாம் சாப்பிடும் பொருட்களில் பயன்படுத்துவதால், சில லைசென்ஸ்கள் கண்டிப்பாக வேண்டும். முக்கியமாக, MSME பதிவு, FSSAI லைசென்ஸ், டிரேட் லைசென்ஸ், GST பதிவு (பிசினஸ் வளர்ந்த பிறகு) தேவைப்படும். இந்த அனுமதிகள் இருந்தால், உங்கள் பிசினஸ் சட்டப்படி சரியாக நடக்கும். பெரிய ஹோட்டல்கள், பார்கள் கூட உங்களிடமிருந்து ஐஸ் வாங்க ஆர்வம் காட்டுவார்கள்.
எவ்வளவு முதலீடு தேவைப்படும்?
ஐஸ் க்யூப் தொழிலை சிறிய அளவில் தொடங்க சுமார் ரூ.2 லட்சம் முதல் ரூ.6 லட்சம் வரை முதலீடு தேவைப்படும். செலவுகள் இப்படி இருக்கலாம்:
- ஐஸ் க்யூப் மெஷின் – ரூ.1.5 லட்சம் முதல் ரூ.3 லட்சம்
- RO வாட்டர் சிஸ்டம் – ரூ.30,000 முதல் ரூ.60,000
- டீப் ஃபிரீசர் – ரூ.40,000 முதல் ரூ.80,000 ஷெட் அல்லது ரூம் அமைக்க – ரூ.50,000 வரை
- மற்ற செலவுகள் – ரூ.20,000 முதல் ரூ.50,000 வரை.
தேவைப்பட்டால், அரசாங்கத்தின் MSME கடன் திட்டங்கள் மூலமாகவும் கடன் பெறலாம்.
லாபம் எப்படி இருக்கும்?
ஐஸ் க்யூப் பிசினஸில் லாபம் உங்கள் சந்தை தேவையைப் பொறுத்து அமையும். பொதுவாக, 1 கிலோ ஐஸ் தயாரிக்க ரூ.3 முதல் ரூ.4 வரை செலவாகும். இதை சந்தையில் ரூ.8 முதல் ரூ.15 வரை விற்கலாம். மாதத்திற்கு மொத்தமாக ரூ.60,000 முதல் ரூ.1 லட்சம் வரை வருமானம் வர வாய்ப்புள்ளது. எல்லா செலவுகளும் போக, மாதம் ரூ.30,000 முதல் ரூ.40,000 வரை லாபம் பார்க்கலாம்.
கவனத்திற்கு: மேலே உள்ள தகவல்கள் ஒரு தோராயமான மதிப்பீடு மட்டுமே. இந்தத் தொழிலைத் தொடங்கும் முன், இந்தத் துறையில் அனுபவம் உள்ளவர்களிடம் ஆலோசனை பெறுவது நல்லது.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
