மத்திய அரசு ஊழியர்களுக்கு ஷாக்... 18 மாத டிஏ நிலுவை குறித்து வெளியான முக்கிய அறிவிப்பு!

கோவிட் காலத்தில் நிறுத்திவைக்கப்பட்ட 18 மாத DA நிலுவைத் தொகை குறித்து மத்திய அரசு நாடாளுமன்றத்தில் முக்கிய விளக்கத்தை அளித்துள்ளது. இதனால் அரசு ஊழியர்களின் எதிர்பார்ப்புக்கு என்ன பதில் கிடைத்துள்ளது?

Image Credit : Asianet News

18 மாத டிஏ நிலுவை

கோவிட் காலத்தில் நிறுத்தி வைக்கப்பட்ட அகவிலைப்படி நிலுவைத் தொகையை மத்திய அரசு ஊழியர்களுக்கு வழங்குவது குறித்து, மத்திய நிதி அமைச்சகம் தற்போது தெளிவான பதிலை அளித்துள்ளது. பொருளாதார நெருக்கடியைக் காரணம் காட்டி, மத்திய அரசு அகவிலைப்படியின் மூன்று தவணைகளை நிறுத்தி வைத்தது. இது லட்சக்கணக்கான ஊழியர்களைப் பாதித்தது. இந்த நிலுவைத் தொகையை வழங்க வேண்டும் என மத்திய அரசு ஊழியர்கள் தொடர்ந்து கோரிக்கை விடுத்து வருகின்றனர். மொத்தமாக 18 மாதங்களுக்கான அகவிலைப்படி அப்போது நிலுவையில் இருந்தது.

Image Credit : Asianet News

டிஏ நிலுவை

2020 ஜனவரி 1 முதல் ஜூன் 30 வரையிலான காலத்திற்கான அகவிலைப்படி, நிறுத்தி வைக்கப்பட்ட முதல் தவணையாகக் கருதப்படுகிறது. 2020 ஜூலை 1 முதல் டிசம்பர் 31 வரையிலான காலத்திற்கான அகவிலைப்படி, இரண்டாவது தவணையாக நிறுத்தி வைக்கப்பட்டது. 2021 ஜனவரி 1 முதல் ஜூன் 30 வரையிலான காலத்திற்கான அகவிலைப்படி, மூன்றாவது மற்றும் கடைசி தவணையாக நிறுத்தி வைக்கப்பட்டது.

Image Credit : Getty

அகவிலைப்படி நிலுவை

 இந்த 18 மாதங்களில் அகவிலைப்படியை நிறுத்தி வைத்ததன் மூலம், மோடி அரசு ₹34,402.32 கோடியைச் சேமித்தது. 2020-21ல் பெருந்தொற்று காரணமாக, நாடு முழுவதும் கிட்டத்தட்ட முடங்கிப் போயிருந்தது. இவ்வாறு சேமிக்கப்பட்ட பெரும் தொகை, பல்வேறு மக்கள் நலத் திட்டங்களுக்காகப் பயன்படுத்தப்பட்டதாக அரசு தெரிவித்துள்ளது. அந்த நேரத்தில், மோடி அரசு ஏழைகளுக்கான ரேஷன் அளவையும் அதிகரித்தது. பல புதிய மக்கள் நலத் திட்டங்களையும் அறிமுகப்படுத்தியது.

Image Credit : stockPhoto

மத்திய அரசு ஊழியர்கள்

நிலுவையில் உள்ள அகவிலைப்படியை வழங்கக் கோரி, ஊழியர் சங்கங்கள் நீண்ட காலமாக மத்திய அரசிடம் தொடர்ந்து கோரிக்கை விடுத்து வருகின்றன. எட்டாவது ஊதியக் குழு அமல்படுத்துவதற்கு முன்பாகவும், அரசு ஊழியர்கள் இந்தக் கோரிக்கையை மீண்டும் எழுப்பியுள்ளனர்.

Image Credit : Pixabay

நாடாளுமன்றத்தில் தகவல்

பெருந்தொற்று ஏற்படுத்திய நிதி நெருக்கடியைச் சமாளிக்கவே மூன்று தவணை DA/DR தற்காலிகமாக நிறுத்தி வைக்கப்பட்டதாக மத்திய அரசு நாடாளுமன்றத்தில் தெரிவித்துள்ளது. தற்போது அந்த நிலுவைத் தொகையை வழங்கும் திட்டம் எதுவும் இல்லை என்றும் நிதி அமைச்சகம் திட்டவட்டமாகத் தெரிவித்துள்ளது.

Image Credit : our own

நிதி அமைச்சகம்

பட்ஜெட் நெருக்கடிகளைக் கருத்தில் கொண்டு, நிலுவையில் உள்ள DA/DR தொகையை வழங்குவது தொடர்பான எந்தவொரு திட்டமும் தற்போது பரிசீலனையில் இல்லை என்றும், அது நிதி ரீதியாக சாத்தியமில்லை என்றும் நிதி அமைச்சகம் கூறியுள்ளது. அதாவது, அந்த 18 மாத நிலுவைத் தொகை இப்போதைக்கு மத்திய அரசு ஊழியர்களுக்குக் கிடைக்காது.