பைக் வாங்க தேவையில்லை.. டவுன்ஷிப்ட் பட்டனுடன் வரும் யமஹா NMax 155 ஸ்கூட்டர்
யமஹா தனது 2026 NMax 155 Tech Max ஸ்கூட்டரை புதிய YECVT கியர் பாக்ஸுடன் அறிமுகப்படுத்தியுள்ளது. இதன் முக்கிய சிறப்பம்சம், பைக்கில் இருப்பது போன்ற 'டவுன்ஷிப்ட் பட்டன்' சேர்க்கப்பட்டிருப்பதுதான்.
யமஹா NMax 155 ஸ்கூட்டர்
புதிய ஸ்கூட்டர் வாங்க வேண்டும் என்று நினைப்பவர்களுக்கான செய்தி இது. யமஹா நிறுவனம் தனது ஸ்கூட்டர் மாடலான 2026 Yamaha NMax 155 Tech Max மாடலை அறிமுகப்படுத்தியுள்ளது. இதில் புதிய YECVT (Yamaha மேம்படுத்தப்பட்ட தொடர் மாறக்கூடிய பரிமாற்றம்) கியர் பாக்ஸ் வழங்கப்பட்டுள்ளது. இதன் முக்கிய சிறப்பம்சம் பைக்கில் மட்டுமே காணப்படும் “டவுன்ஷிப்ட் பட்டன்” இப்போது இந்த ஸ்கூட்டரிலும் சேர்க்கப்பட்டுள்ளது. இதன் மூலம் ரைடிங் அனுபவம் இன்று சுவாரஸ்யமாகிறது.
புதிய YECVT கியர்பாக்ஸ்
புதிய YECVT கியர் பாக்ஸ் வழக்கமான CVT-யிலிருந்து மாறுபட்டது. இதில் இடது பக்க சுவிட்சில் ஒரு டவுன்ஷிப்ட் டாகில் பட்டன் வழங்கப்பட்டுள்ளது. இந்த பட்டனை அழுத்தும் போது ஸ்கூட்டர் உடனடியாக ஸ்போர்ட் மோட்-க்கு மாறி, எஞ்சின் வேகமாக ரெவ் ஆகும். இது ஒரு மோட்டார்சைக்கிளில் கியர் டவுன் செய்வது போல உணர்ச்சியைத் தருகிறது. இதோடு இரண்டு ரைடிங் மோடுகள் டவுன் மற்றும் Sport வழங்கப்பட்டுள்ளன. டவுன் மோடில் மைலேஜ் மற்றும் சுகமான ரைடிங் கிடைக்கிறது.
டவுன்ஷிப்ட் பட்டன்
இந்த NMax 155 மாடலில் 155cc லிக்விட் கூல்டு 4V எஞ்சின், முன் மற்றும் பின்புற டிஸ்க் பிரேக், மற்றும் 4.2 அங்குல TFT டிஜிட்டல் இன்ஸ்ட்ரூமென்ட் கன்சோல் ஆகியவை உள்ளன. சாதாரண CVT ஸ்கூட்டர்களில் கியர் ரேஷியோ எப்போதும் மாறிக்கொண்டே இருக்கும்; ஆனால் யமஹா YECVT சிஸ்டம் எலக்ட்ரானிக் மற்றும் ஹைட்ராலிக் கட்டுப்பாட்டின் மூலம் இரண்டு நிலைகளில் லாக் செய்யும் வசதி வழங்குகிறது. இதனால் ரைடிங் சமயத்தில் ஸ்மூத் டவுன்ஷிப்ட், சிறந்த எஞ்சின் பிரேக்கிங் அனுபவம் கிடைக்கிறது.
ஸ்போர்ட் மோட் ஸ்கூட்டர்
இந்த புதிய யமஹா NMax 155 இந்தியாவில் நவம்பர் 11-ஆம் தேதி அறிமுகமாகும் என எதிர்பார்க்கப்படுகிறது. 2024 பிப்ரவரியில் யமஹா இந்த மாடலை டீஸ் செய்திருந்தது. ஆனால், இந்தியாவுக்கு வரும் மாடலில் YECVT டவுன்ஷிப்ட் வசதி இருக்கும் என்கிற தகவல் தற்போது உறுதி செய்யப்படவில்லை.