ஓலா ஸ்கூட்டர் விலை வெறும் ரூ.39,999 மட்டுமே.. எங்கு தேடினாலும் கிடைக்காது
ஓலா எலக்ட்ரிக் நிறுவனம், டெலிவரி மற்றும் நகர்ப்புற பயணிகளை இலக்காகக் கொண்டு ரூ.39,999 முதல் தொடங்கும் குறைந்த விலை எலக்ட்ரிக் ஸ்கூட்டர் வரிசையை வைத்துள்ளது. இதன் விலை மற்றும் சிறப்பு அம்சங்களை பார்க்கலாம்.
குறைந்த விலை ஸ்கூட்டர்
பெங்களூரை மையமாகக் கொண்ட ஓலா எலக்ட்ரிக் நிறுவனம், இந்தியாவில் மின்சார வாகனங்களின் பயன்பாட்டை அதிகரிக்க புதிய குறைந்த விலை எலக்ட்ரிக் ஸ்கூட்டர் வரிசையை அறிமுகப்படுத்தியுள்ளது. “Ola Gig”, “Gig+”, “S1 Z” மற்றும் “S1 Z+” என நான்கு மாடல்களாக வெளியாகியுள்ள இந்த ஸ்கூட்டர்கள் ரூ.39,999 முதல் ரூ.64,999 வரை விலையில் கிடைக்கின்றன.
ரூ.39,999 மதிப்பில் கிடைக்கும் Ola Gig மாடல் முக்கியமாக டெலிவரி பணி செய்பவர்களுக்கு உகந்ததாக உள்ளது. இது 112 கி.மீ வரை மைலேஜ், 25 கி.மீ/மணிநேரம் உச்சம், மற்றும் 1.5 kWh அகற்றக்கூடிய பேட்டரி வசதி கொண்டது. இதன் மேம்பட்ட பதிப்பான Gig+, ரூ.49,999 விலையில் கிடைத்தது, 157 கி.மீ வரை ஓட்டச்சம்தம் மற்றும் 45 கி.மீ/மணி வேகத்துடன் நீண்ட தூரப் பயணிகளுக்கு ஏற்றதாக குறிப்பிடப்பட்டுள்ளது.
நகர்ப்புற பயணிகளுக்காக அறிமுகமான Ola S1 Z, ரூ.59,999 விலையில் கிடைக்கிறது. இது 146 கி.மீ வரை ரேஞ்ச், 70 கி.மீ/மணி வேகம் மற்றும் வேகமான துவக்கத்துடன் (வேகமான முடுக்கம்) இளம் தொழிலாளர்கள், மாணவர்கள் மற்றும் மூத்த நபர்களுக்கு ஏற்றதாகும். வேளை, S1 Z+ ரூ.64,999 விலையில் கிடைத்தது, தனிப்பட்ட பயன்பாட்டுடன் அதே வணிகத் தேவைகளுக்கும் தகுந்தது. இது கூடுதல் சக்தி மற்றும் பாரம் தாங்கும் திறனுடன் வருகிறது.
ஓலா எலக்ட்ரிக்
இதனுடன், ஓலா நிறுவனம் PowerPod எனப்படும் புதிய இன்பெர்ட்டர் சாதனத்தையும் ரூ.9,999 விலையில் வெளியிட்டுள்ளது. இது ஸ்கூட்டரில் உள்ள அகற்றக்கூடிய பேட்டரியைப் பயன்படுத்தி வீட்டு மின்சாதனங்களை (ஒளி, மின்விசிறி, டிவி) மூன்று மணிநேரம் வரை இயக்க உதவுகிறது.
மின்சாரம் அடிக்கடி துண்டிக்கப்படும் கிராமப்புற மற்றும் நகர்ப்புற பகுதிகளுக்கு இது பெரும் ஆதரவாக இருக்கும். இதனால், ஓலா எலக்ட்ரிக் தற்போது பல விலைப் பிரிவுகளில் வாகனங்களை வழங்குகிறது. உயர் தர வரிசையில் S1 Pro (ரூ.1,34,999) மற்றும் S1 Air (ரூ.1,07,499) ஆகியவை உள்ளன.
பொதுமக்களுக்கான S1 X சீரிஸ் ரூ.74,999 முதல் ரூ.1,01,999 வரை கிடைக்கிறது. மேலும், Roadster எனும் மோட்டார் சைக்கிள் வரிசை ரூ.74,999 முதல் ரூ.1,99,999 வரை விலை உள்ளது, இதில் 2.5 kWh முதல் 16 kWh வரை பேட்டரி திறன் கொண்ட மாடல்கள் இடம்பெற்றுள்ளன. மேற்கண்ட விவரங்கள் தகவல்களுக்காக கொடுக்கப்பட்டுள்ளது. அருகில் உள்ள டீலரிடம் விலை மற்றும் பிற விவரங்களை சரிபார்ப்பது அவசியம்.