அதிக மைலேஜ், அசத்தலான LED தோற்றம்: புதிய 2026 டி.வி.எஸ் ரேடியான் பைக்கின் விலை & சிறப்பம்சங்கள் இதோ!

டிவிஎஸ் நிறுவனம் தனது பிரபலமான 110cc கம்யூட்டர் பைக்கான ரேடியானை 2026ஆம் ஆண்டிற்கான புதிய அப்டேட்களுடன் அறிமுகப்படுத்தி உள்ளது. புதிய LED ஹெட்லைட், DRL விளக்குகள், LED டெயில் லைட் மற்றும் கவர்ச்சிகரமான புதிய வண்ணக் கலவைகளுடன் வெளிவந்துள்ளது.

Image Credit : TVS

புதிய பொலிவுடன் களமிறங்கும் 2026 TVS ரேடியான்

இந்தியாவில் அன்றாட அலுவலகப் பயன்பாடு மற்றும் குடும்பத் தேவைகளுக்கான 100cc - 110cc கம்யூட்டர் பைக் பிரிவில், டிவிஎஸ் மோட்டார் நிறுவனம் தனது பிரதான மாடலான ரேடியானை (Radeon) 2026ஆம் ஆண்டிற்கான புதிய அப்டேட்களுடன் புதுப்பித்துள்ளது.

குறைந்த விலை, எளிய பராமரிப்பு மற்றும் சிறந்த மைலேஜ் விரும்பும் வாடிக்கையாளர்களைக் கவரும் வகையில், இதன் ஆரம்ப எக்ஸ்-ஷோரூம் விலை ரூ. 67,100 என நிர்ணயிக்கப்பட்டுள்ளது.

Image Credit : TVS

நவீன LED வெளிச்சம் & ஸ்டைலான தோற்றம்

புதிய 2026 டிவிஎஸ் ரேடியான் பைக்கின் தோற்றத்தில் பல நவீன மாற்றங்கள் கொண்டுவரப்பட்டு உள்ளன. பகல்நேர விளக்குகளுடன் (DRL) கூடிய புதிய LED ஹெட்லைட், 6 செங்குத்தான ஒளிப் பகுதிகளைக் கொண்ட தனித்துவமான LED டெயில் லைட் மற்றும் முன்பின் இருபுறமும் புதிய LED இண்டிகேட்டர்கள் வழங்கப்பட்டுள்ளன.

கருப்பு-சிவப்பு, கருப்பு-நீலம் மற்றும் கருப்பு-ஆரஞ்சு ஆகிய மூன்று புதிய வண்ணக் கலவைகளில் பைக் கிடைக்கிறது (தேர்வு செய்யும் வேரியண்ட்டைப் பொறுத்து வண்ணங்கள் மாறுபடும்). பெட்ரோல் டேங்க், முகப்பு விளக்குக் கவர் மற்றும் பக்கவாட்டுப் பேனல்களில் புதிய கிராபிக்ஸ் சேர்க்கப்பட்டுள்ளன. இவற்றுடன் வழக்கமான நீளமான ஒற்றை இருக்கை, பின்புற லக்கேஜ் ரேக் மற்றும் 18 அங்குல அலாய் சக்கரங்கள் தொடர்கின்றன.

Image Credit : TVS

பரிச்சயமான எஞ்சின் & டிரைவிங் தொழில்நுட்பம்

செயல்திறனைப் பொறுத்தவரை, ரேடியானின் நம்பகமான எஞ்சின் அமைப்பில் எந்த மாற்றமும் செய்யப்படவில்லை. 109.7cc ஒற்றை சிலிண்டர் எஞ்சின், அதிகபட்சமாக 8.08 bhp பவரையும் 8.7 Nm டார்க்கையும் வெளிப்படுத்துகிறது. இது 4-ஸ்பீடு மேனுவல் கியர்பாக்ஸுடன் இணைக்கப்பட்டு உள்ளது.

நகரப் போக்குவரத்தில் அடிக்கடி கிளட்ச் மற்றும் ஆக்ஸிலரேட்டர் கொடுக்காமல் மெதுவாக நகர உதவும் Glide Through Technology (GTT) மற்றும் எந்த கியரிலும் பைக்கை இயக்கும் ஸ்டார்ட் வசதியும் உள்ளன. சின்க்ரனைஸ்டு பிரேக்கிங் சிஸ்டம் (Synchronised Braking Technology) மற்றும் 5 நிலைகளில் சரிசெய்யக்கூடிய பின்புற டூயல் ஷாக் அப்சார்பர்கள் தினசரிப் பயணத்தை மேலும் சொகுசாக்குகின்றன.

Image Credit : TVS

2026 டிவிஎஸ் ரேடியான்: வேரியண்ட்கள் & விலை விவரங்கள்

பட்ஜெட் விலையில் சிறந்த பைக் விரும்புபவர்களுக்கு அடிப்படை மாடல் ரூ. 67,100-க்கு கிடைக்கிறது. கூடுதல் டிஜிட்டல் வசதிகளை எதிர்பார்ப்பவர்களுக்கு டிஜி டிரம் மாடல் ரூ. 70,100-க்கு கிடைக்கிறது. சிறந்த பிரேக்கிங் பாதுகாப்பிற்கு டிஸ்க் பிரேக் தேவைப்படுபவர்களுக்கு டிஜி டிஸ்க் மாடல் ரூ. 73,100-க்கு கிடைக்கிறது.

(குறிப்பு: இவை எக்ஸ்-ஷோரூம் விலைகள் மட்டுமே. காப்பீடு, பதிவு மற்றும் சாலை வரிகள் சேரும்போது ஆன்-ரோடு விலை சற்று மாறுபடும்).

Image Credit : TVS

ரூ.67,100 விலையில் புதிய அவதாரம்!

எஞ்சினில் மாற்றங்கள் இல்லை என்றாலும், புதிய LED விளக்குகள், கவர்ச்சிகரமான கிராபிக்ஸ் மற்றும் வண்ணங்கள் மூலம் 2026 டிவிஎஸ் ரேடியான் புத்தம் புதிய கம்பீரத்துடன் காட்சி அளிக்கிறது. பண்டிகைக் காலத்தில் பட்ஜெட் விலையில் ஒரு சிறந்த அன்றாட பயன்பாட்டு பைக்கை எதிர்பார்க்கும் வாடிக்கையாளர்களுக்கு இது சரியான தேர்வாக இருக்கும்.