Smart Scooters: காரில் உள்ள அனைத்து வசதிகளும் ஸ்கூட்டரில்.. அசத்தும் டாப் 5 எலக்ட்ரிக் ஸ்கூட்டர்கள்

இந்தியாவில் எலக்ட்ரிக் ஸ்கூட்டர்களின் எண்ணிக்கை அதிகரித்து வருகிறது. இப்போது வரும் பல மாடல்களில், கார்களில் இருப்பது போன்ற டச் ஸ்கிரீன், நேவிகேஷன் போன்ற அசத்தலான வசதிகள் வழங்கப்பட்டுள்ளன. அப்படிப்பட்ட சில டாப் ஸ்கூட்டர்களைப் பற்றி இங்கே பார்க்கலாம்.

Image Credit : Ather

ஏத்தர் ரிஸ்டா (Ather Rizta)

ஏத்தர் நிறுவனம், குடும்ப வாடிக்கையாளர்களுக்காக இந்த ரிஸ்டா மாடலை வடிவமைத்துள்ளது. இதில் 7-இன்ச் டச் ஸ்கிரீன் டிஸ்ப்ளே, நேவிகேஷன், க்ராஷ் அலெர்ட், ஃபால் சேஃப்டி போன்ற பாதுகாப்பு அம்சங்கள் உள்ளன. பெரிய இருக்கை மற்றும் 56 லிட்டர் ஸ்டோரேஜ் வசதி இதன் சிறப்பம்சம். இதன் ஆரம்ப விலை சுமார் ரூ.1.30 லட்சம்.

Image Credit : Google

ஓலா எஸ்1 ப்ரோ ஜென்3

ஓலாவின் இந்த பிரீமியம் மாடலில் MoveOS 5 இயங்குதளத்துடன் கூடிய 7-இன்ச் டச் ஸ்கிரீன் உள்ளது. இதில் ரோட் ட்ரிப் மோட், SOS அலெர்ட், டிராக்‌ஷன் கண்ட்ரோல் போன்ற வசதிகள் இருக்கின்றன. ஹைப்பர், ஸ்போர்ட், நார்மல், எக்கோ என பல ரைடிங் மோடுகள் சிறந்த ஓட்டுநர் அனுபவத்தைத் தருகின்றன. இதன் ஆரம்ப விலை சுமார் ரூ.1.54 லட்சம்.

Image Credit : Google

டிவிஎஸ் ஐக்யூப் எஸ்டி

டிவிஎஸ் நிறுவனத்தின் இந்த மாடலில் 17.78 செ.மீ (7-இன்ச்) டச் ஸ்கிரீன் கொடுக்கப்பட்டுள்ளது. ஜியோஃபென்சிங், திருட்டைத் தடுக்கும் அலர்ட், மியூசிக் கண்ட்ரோல் போன்ற அம்சங்கள் இதில் உள்ளன. ஹில் ஹோல்ட் அசிஸ்ட் வசதியும் கிடைக்கிறது. ஒருமுறை சார்ஜ் செய்தால் 200 கி.மீ. வரை செல்லும் என்பது இதன் தனிச்சிறப்பு. இதன் விலை சுமார் ரூ.1.58 லட்சம்.

Image Credit : Google

சிம்பிள் ஒன்

சிறந்த செயல்திறனை விரும்புவோருக்கு சிம்பிள் ஒன் ஒரு நல்ல தேர்வாக இருக்கும். இதில் 7-இன்ச் டச் ஸ்கிரீன், க்ரூஸ் கண்ட்ரோல், டிராக்‌ஷன் கண்ட்ரோல் மற்றும் ஸ்மார்ட் கனெக்டிவிட்டி அம்சங்கள் உள்ளன. ஒருமுறை சார்ஜ் செய்தால் அதிகபட்சமாக 265 கி.மீ. வரை ரேஞ்ச் தரும் என நிறுவனம் கூறுகிறது. இதன் ஆரம்ப விலை சுமார் ரூ.1.69 லட்சம்.

Image Credit : Ather Energy

ஏத்தர் 450 எக்ஸ்

ஸ்மார்ட் அம்சங்களில் இந்த ஸ்கூட்டர் ஒரு முன்னோடி. இதன் 7-இன்ச் டச் ஸ்கிரீன் மிகவும் மென்மையாக செயல்படும். கூகுள் மேப்ஸ், அலெக்ஸா சப்போர்ட், பார்க் அசிஸ்ட் போன்ற நவீன வசதிகள் இதில் உள்ளன. இதன் அதிகபட்ச வேகம் மணிக்கு 90 கி.மீ. மற்றும் ரேஞ்ச் 150 கி.மீ. ஆகும். இதன் ஆரம்ப விலை ரூ.1.46 லட்சம்.