3 லட்சம் கடந்து விற்பனை.. இந்தியாவில் No.1 ஸ்கூட்டர் எது? ஓலா, ஏதர் எல்லாம் இல்லை
இந்தியாவில் மின்சார இருசக்கர வாகன சந்தை வேகமாக வளர்ந்து வரும் நிலையில், டிவிஎஸ் மோட்டார் நிறுவனம் 2025-26 நிதியாண்டில் 3 லட்சத்திற்கும் அதிகமான இ-ஸ்கூட்டர்களை விற்பனை செய்து சாதனை படைத்துள்ளது.
3 லட்சம் கடந்து விற்பனை
இந்தியாவில் மின்சார வாகனங்களுக்கான தேவை மெதுவாகவே உயர்ந்துள்ளது. குறிப்பாக இ-ஸ்கூட்டர் பிரிவு வேகமாக வளர்ந்து வருகிறது. இந்த நிலையில், டிவிஎஸ் மோட்டார் நிறுவனம் கடந்த சில ஆண்டுகளில் இந்த சந்தையில் வலுவான இடத்தை பிடித்து, நிறுவனமாக உருவெடுத்துள்ளது.
அதிக ஸ்கூட்டர்கள் விற்பனை செய்யும் நிறுவனம்
ஏறக்குறைய 5 ஆண்டுகளுக்கு முன்பு இவி சந்தையில் நுழைந்த டிவிஎஸ், இப்போது நாட்டில் அதிக இ-ஸ்கூட்டர்கள் விற்பனை செய்யும் நிறுவனமாக மாறியுள்ளது. 2025-26 நிதியாண்டில் மட்டும் 3 லட்சத்திற்கும் அதிகமான ஸ்கூட்டர்களை விற்பனை செய்துள்ளது. இந்த சாதனை, மின்சார இருசக்கர வாகன துறையில் டிவிஎஸ்-க்கு முக்கிய மைல்கல்லாக பார்க்கப்படுகிறது.
டிவிஎஸ் விற்பனை நிலவரம்
ஏப்ரல் 1, 2025 முதல் மார்ச் 17, 2026 வரை, டிவிஎஸ் சுமார் 3,09,984 இ-ஸ்கூட்டர்கள் வாடிக்கையாளர்களுக்கு வழங்கப்பட்டுள்ளது. எஸ்ஐஏஎம் தரவுகளின்படி, முதல் 11 மாதங்களில் 3,28,744 யூனிட்கள் மொத்த விற்பனை ஆக விற்பனை செய்யப்பட்டுள்ளது. இது கடந்த ஆண்டை விட சுமார் 33% வளர்ச்சியைக் காட்டுகிறது. குறிப்பாக ஏப்ரல் முதல் செப்டம்பர் 2025 வரை தொடர்ந்து முதலிடத்தில் இருந்த டிவிஎஸ், சில மாத இடைவெளிக்குப் பிறகு மீண்டும் முன்னணியில் நிற்கிறது.
மற்ற நிறுவனங்கள் பின்னடைவு
போட்டியில் பஜாஜ் ஆட்டோ, ஏதர் எனர்ஜி, ஓலா எலக்ட்ரிக் மற்றும் ஹீரோ மோட்டோகார்ப் போன்ற நிறுவனங்கள் இருந்தாலும், யாரும் இன்னும் 3 லட்சம் விற்பனையை எட்டவில்லை. பஜாஜ் சுமார் 2.5 லட்சம், ஏதர் 2.15 லட்சம், ஓலா 1.57 லட்சம், ஹீரோ 1.3 லட்சம் யூனிட்களை மட்டுமே விற்றுள்ளன.
பட்ஜெட் விலையில் டிவிஎஸ் ஸ்கூட்டர்
இந்த வெற்றிக்கு முக்கிய காரணம் டிவிஎஸ் ஐகியூப் மாடலின் மிகப்பெரிய வரவேற்பே. இதனுடன், 2025 ஆகஸ்டில் அறிமுகமான ஆர்பிட்டர் மாடலும் வேகமாக பிரபலமடைந்து வருகிறது. மேலும், Battery-as-a-Service (BaaS) மாடல் மூலம் குறைந்த ஆரம்ப விலையில் வாகனம் வாங்கும் வசதி வழங்கப்பட்டுள்ளது. புதிய ஆர்பிட்டர் வி1 மாடல் ரூ.84,500 (எக்ஸ்-ஷோரூம்) விலையில் கிடைக்கிறது, BaaS திட்டத்தில் ரூ.49,999 முதல் தொடங்குவது வாடிக்கையாளர்களுக்கு கூடுதல் ஈர்ப்பாக உள்ளது.
