Electric Cars: 10 ஆண்டுகள் பேட்டரி வாரண்டி.. மிரளவிடும் டாப் 5 எலெக்ட்ரிக் கார்கள்.. முழு லிஸ்ட் இதோ!

Top 5 Electric Cars in India: இந்தியாவில் 10 ஆண்டுகள் பேட்டரி வாரண்டி வழங்கும் மிரள வைக்கும் டாப் 5 எலெக்ட்ரிக் கார்கள் குறித்து இந்த செய்தியில் விரிவாக பார்க்கலாம்.

Image Credit : AI

10 ஆண்டுகள் பேட்டரி வாரண்டி கொடுக்கும் எலெக்ட்ரிக் கார்கள்

இந்தியாவில் பெட்ரோல், டீசல் விலை உச்சத்துக்கு சென்று வருவதால் பலரும் எலெக்ட்ரிக் கார்களை வாங்கி வருகின்றனர். இதனால் பல்வேறு நிறுவனங்கள் போட்டி போட்டு எலெக்ட்ரிக் கார்களை விற்பனை செய்து வருகின்றன. எலெக்ட்ரிக் கார் வாங்க நினைப்பவர்களின் மனதில் இருக்கும் மிகப்பெரிய கேள்வி, 'பேட்டரி எத்தனை ஆண்டுகள் உழைக்கும்?' என்பதுதான். ஏனெனில் காரின் விலையில் பெரும் பகுதி பேட்டரிக்கே செலவிடப்படுவதால் அதன் பாதுகாப்பு மற்றும் வாரண்டியை மக்கள் எதிர்பார்க்கின்றனர். அந்த வகையில் 10 ஆண்டுகள் வாரண்டி வழங்கும் எலெக்ட்ரிக் கார்கள் குறித்து பார்க்கலாம்.

Image Credit : Google

எம்ஜி வின்ட்சர் EV (MG Windsor EV)

இந்தியாவில் முதன்முறையாக எலெக்ட்ரிக் கார் பேட்டரிக்கு வாழ்நாள் வாரண்டி (Lifetime Warranty) அறிவித்தது எம்ஜி மோட்டார்ஸ் நிறுவனம் தான். அதாவது வின்ட்சர் EV காரை வாங்கும் முதல் உரிமையாளருக்கு பேட்டரிக்கு வாழ்நாள் வாரண்டி வழங்கி வருகிறது. இந்த காரில் பேட்டரி வாடகைத் திட்டம் (BaaS) இருப்பதால், ஆரம்ப விலை குறைவாக இருக்கிறது. 15 ஆண்டுகளுக்கும் மேலாக பேட்டரி உழைக்கும் என்ற நம்பிக்கையை இது வாடிக்கையாளர்களுக்கு அளிக்கிறது.

Image Credit : Google

டாடா பஞ்ச் EV (Tata Punch EV)

டாடா மோட்டார்ஸ் நிறுவனம் வாடிக்கையாளர்களை ஈர்க்க 15 ஆண்டுகள் வரை பேட்டரி வாரண்டி கொடுக்கிறது. அந்த வகையில் டாடா பஞ்ச் EV காரின் புதிய மாடலுக்கு பிரீமியம் பேக்கேஜ் மூலம் 10 முதல் 15 ஆண்டுகள் வரை பேட்டரி வாரண்டியை வழங்குகிறது. டாடா பஞ்ச் நடுத்தர மக்களின் தேர்வாக உள்ளது. இந்த காரை முழுமையாக சார்ஜ் செய்தால் 400 கிமீ தடையின்றி பயணம் செய்ய முடியும்.

Image Credit : Google

டாடா நெக்ஸான் EV (Tata Nexon EV)

இந்தியாவின் நம்பர் 1 எலெக்ட்ரிக் காரான டாடா நெக்ஸான் EV வாடிக்கையாளர்களின் நற்மதிப்பை பெற்றுள்ளது. இந்த காருக்கு பொதுவாக 8 ஆண்டுகள் வாரண்டி வழங்கப்பட்டாலும், டாடா நிறுவனத்தின் சிறப்பு நீட்டிக்கப்பட்ட வாரண்டி (Extended Warranty) திட்டத்தின் மூலம் இதை 10 ஆண்டுகள் அல்லது 1,60,000 கிமீ வரை உயர்த்திக்கொள்ளலாம் என்பது குறிப்பிடத்தக்கது. டாடா நெக்ஸான் இந்தியாவில் அதிக சார்ஜிங் நிலையங்களைக் கொண்ட நிறுவனம் ஆகும்.

Image Credit : BYD website

பிஒய்யுடி ஆட்டோ 3 (BYD Atto 3)

சீனாவின் பிஒய்யுடி நிறுவனம் இந்தியாவில் 8 ஆண்டுகள் ஸ்டாண்டர்ட் வாரண்டி வழங்குகிறது. மேலும் கூடுதல் சந்தா திட்டங்கள் மூலம் 10 ஆண்டுகள் வரை பேட்டரி பாதுகாப்பை உறுதி செய்கிறது.

ஹூண்டாய் கிரெட்டா EV (Hyundai Creta Electric)

இந்திய சாலைகளின் ராஜா என்று அழைக்கப்படும் கிரெட்டா நிறுவனத்தின் ஹூண்டாய் கிரெட்டா EV கார் வாடிக்கையாளர்களிடம் அமோக ஆதரவை பெற்றுள்ளது. ஹூண்டாய் நிறுவனம் தனது வாடிக்கையாளர்களுக்கு 8 ஆண்டுகள் அல்லது 1.6 லட்சம் கிமீ வாரண்டியுடன், 10 ஆண்டுகள் வரை நீட்டிக்கக்கூடிய 'வொரி-ப்ரீ' (Worry-Free) பேக்கேஜை வழங்குகிறது என்பது குறிப்பிடத்தக்கது.