பெட்ரோல் விலைக்கு குட்பை.. அதிக ரேஞ்ச் தரும் டாப் 5 பட்ஜெட் எலெக்ட்ரிக் கார்கள்.. முழு லிஸ்ட் இதோ!

Top 5 Budget Electric Cars: இந்தியாவில் எலெக்ட்ரிக் கார்களுக்கு மவுசு அதிகரித்து வரும் நிலையில், அதிக ரேஞ்ச கொடுக்கும் டாப் 5 எலெக்ட்ரிக் கார்கள் குறித்து இந்த செய்தியில் பார்ப்போம். 

Image Credit : AI

அதிக ரேஞ்ச் தரும் டாப் 5 எலெக்ட்ரிக் கார்கள்

பெட்ரோல், டீசல் விலை தொடர்ந்து ராக்கெட் வேகத்தில் உச்சத்தில் சென்று வருகிறது. இதனால் நடுத்தர வர்க்கத்தினர் பலரும் எலெக்ட்ரிக் வாகனங்களின் (EV) பக்கம் திரும்பத் தொடங்கியுள்ளனர். பராமரிப்பு செலவு குறைவு, சத்தமில்லாத பயணம் மற்றும் சுற்றுச்சூழலுக்கு பாதிப்பு இல்லாதது என்பதால் மின்சார கார்களுக்கு செல்வாக்கு கூடிக்கொண்டே செல்கிறது. இந்தியாவில் இப்போது அதிக ரேஞ்ச கொடுக்கும் டாப் 5 எலெக்ட்ரிக் கார்கள் குறித்து இந்த செய்தியில் விரிவாக பார்க்கலாம்.

Image Credit : Gemini

எம்ஜி கோமெட் இவி (MG Comet EV)

குறைவான விலையில் சூப்பரான எலெக்ட்ரிக் கார் வாங்க வேண்டும் என நினைப்பவர்களுக்கு எம்ஜி கோமெட் மாடல் சிறந்த தீர்வாகும். இந்த காரில் பொருத்தப்பட்டுள்ள 17.3kWh பேட்டரி கொண்ட இந்த கார் 41.43 bhp பவரையும், 110 Nm டார்க்கையும் வெளிப்படுத்தும். இந்த காரை முழுமையாக சார்ஜ் செய்தால் 230 கி.மீ வரை செல்லும் என்று ARAI சான்றளித்துள்ளது. இந்த மாடலின் விலை ரூ.7.62 லட்சத்திலிருந்து தொடங்குகிறது.: 'BaaS' (Battery as a Service) திட்டத்தின் கீழ் பேட்டரியை வாடகைக்கு எடுத்தால், வெறும் ரூ.4.99 லட்சத்திற்கே இந்த காரை வாங்கலாம் என்பது குறிப்பிடத்தக்கது.

Image Credit : our own

டாடா டியாகோ (Tata Tiago EV)

டாடா மோட்டார்ஸ் நிறுவனத்தில் டியாகோ எலெக்ட்ரிக் கார் நடுத்தர குடும்பங்களுக்கு ஒரு வரப்பிரசாதமாக அமைந்துள்ளது. இந்த மாடல் 19.2kWh மற்றும் 24kWh என இரண்டு விதமான பேட்டரி ஆப்ஷன்களில் கிடைக்கிறது. இந்த மாடல் அதிகப்பட்சமாக 315 கிமீ வரை ரேஞ்ச் கொடுக்கிறது. இந்த காரின் ஆரம்ப விலை ரூ.7.99 லட்சத்தில் இருந்து தொடங்குகிறது.

Image Credit : Tata Motors website

டாடா பன்ச் (Tata Punch EV)

பட்ஜெட் விலையில் ஒரு எஸ்யூவி கார் வாங்க வேண்டும் என நினைப்பவர்களுக்கு டாடா பன்ச் சரியான சாய்ஸ் ஆக இருக்கும். இந்த காரில் 30kWh மற்றும் 40kWh ஆகிய இரு பேட்டரி பேக் கொடுக்கப்பட்டுள்ளது. இதை ஒருமுறை சார்ஜ் செய்தால் சுமார் 420 முதல் 468 கிமீ வரை ரேஞ்ச் கொடுக்கிறது. இந்த மாடலின் விலை ஆரம்ப விலை ரூ.9.69 லட்சம் ஆகும். 'BaaS' மூலம் வாங்கினால் ரூ.6.49 லட்சத்துக்கே பெற முடியும்.

Image Credit : our own

சிட்ரோன் இசி3 (Citroen eC3)

சிட்ரோன் இசி3 கார் அதிக இடவசதி மற்றும் சொகுசுக்காக பெயர் பெற்றது. 29.2kWh அதிக அடர்த்தி கொண்ட லித்தியம்-இரும்பு பேட்டரி பேக் பொருத்தப்பட்டுள்ளதால் 320 கி.மீ வரை செல்லும் என கூறப்பட்டுள்ளது. இந்த காரின் தொடக்க விலை ரூ.11.99 லட்சத்திலிருந்து தொடங்குகிறது.

Image Credit : Google

மஹிந்திரா எக்ஸ்யூவி 3எக்ஸ்ஓ இவி (Mahindra XUV 3XO EV)

மாடர்ன் லுக் மற்றும் அதிரடி பெர்ஃபார்மென்ஸ் விரும்புபவர்களுக்கு மஹிந்திரா எக்ஸ்யூவி 3எக்ஸ்ஓ எலெக்ட்ரிக் கார் ஏற்றதாகும். 39.4kWh பெரிய பேட்டரி பேக் கொண்ட இந்த கார் ஒரு முழு சார்ஜில் 400 கி.மீ முதல் 450 கி.மீ வரை ரேஞ்ச் கொடுக்கிறது. இந்த மாடலின் விலை ரூ.13.89 லட்சத்திலிருந்து தொடங்குகிறது என்பது குறிப்பிடத்தக்கது.