ரூ.10 லட்சத்திற்குள் கிடைக்கும் சீப் அண்ட் பெஸ்ட் 7-சீட்டர் கார்கள் என்னென்ன?
உங்க குடும்பம் பெருசா இருந்தா, 10 லட்ச ரூபாய்க்கு குறைவான விலையில நிறைய 7-சீட்டர் கார்கள் இந்திய மார்க்கெட்ல இருக்கு. அவற்றைப் பற்றி இந்த தொகுப்பில் பார்க்கலாம்.
Cheap and Best 7 Seater Cars
உங்க குடும்பம் பெருசு, ஆனா பட்ஜெட்ல ஒரு 7-சீட்டர் கார் வாங்கணும்னு ஆசைப்பட்டா, இந்திய ஆட்டோமொபைல் மார்க்கெட்ல பல சூப்பரான ஆப்ஷன்கள் இருக்கு. 10 லட்ச ரூபாய்க்கும் குறைவான விலையில, நல்ல இடவசதி, மைலேஜ், மற்றும் நீடித்து உழைக்கக்கூடிய கார்கள் இப்போ கிடைக்குது. ரெனோ டிரைபர்ல இருந்து மஹிந்திரா பொலிரோ நியோ, மாருதி எர்டிகா வரைக்கும், எல்லா தேவைகளுக்கும் ஏத்த மாதிரி மாடல்கள் இருக்கு. சில கார்கள் சிட்டிக்குள்ள ஓட்ட நல்லா இருக்கும், சிலது கரடுமுரடான ரோட்ல கூட அசால்ட்டா போகும். பெரிய குடும்பங்களுக்கு ஏத்த இந்த கார்களைப் பத்தி விரிவா பார்க்கலாம்.
மஹிந்திரா பொலிரோ
மஹிந்திரா பொலிரோ, அதோட வலிமைக்கும், நீடித்து உழைக்கிற தன்மைக்கும் இந்தியா முழுக்க பேர் போன வண்டி. தோராயமா ரூ.8 லட்சம் ஆரம்ப விலையில கிடைக்கிற இந்த கார், கரடுமுரடான சாலைகளுக்கும், கிராமப்புறங்களுக்கும் ஒரு சிறந்த தேர்வு.
மாருதி எர்டிகா
உங்களுக்கு நல்ல சௌகரியம், சூப்பர் மைலேஜ், ஒரு நம்பிக்கையான பிராண்ட் வேணும்னா, மாருதி எர்டிகா ஒரு சரியான சாய்ஸ். இதோட விலை ரூ.8.80 லட்சத்துல இருந்து ரூ.12.94 லட்சம் வரைக்கும் இருக்கு. இதுல 1.5 லிட்டர் பெட்ரோல் இன்ஜின் இருக்கு, கூடவே CNG ஆப்ஷனும் கிடைக்குது. CNG மாடல் ஒரு கிலோவுக்கு 26.11 கிலோமீட்டர் மைலேஜ் தருது. இதோட கேபின் ரொம்ப வசதியா இருக்கறதால, லாங் டிராவல் போனாலும் சோர்வே தெரியாது. இதனாலதான் இந்திய குடும்பங்கள் மத்தியில இது ரொம்ப பாப்புலரா இருக்கு.
ரெனோ டிரைபர்
பட்ஜெட் 7-சீட்டர் செக்மென்ட்ல ரெனோ டிரைபர் ரொம்ப நாளா ஒரு பாப்புலர் கார். இதோட ஆரம்ப விலை வெறும் ரூ.5.76 லட்சம்தான். டெய்லி யூஸ்க்கு ஏத்த 1.0 லிட்டர் பெட்ரோல் இன்ஜின் இதுல இருக்கு. இதோட பெரிய ஹைலைட்டே, தேவைக்கு ஏத்த மாதிரி சீட்களை மாத்திக்க முடியுறதுதான். மூணாவது வரிசை சீட்டை முழுசா எடுத்துட்டா, பெரிய பூட் ஸ்பேஸ் கிடைக்கும். பெரிய குடும்பங்களுக்கும், லாங் டிராவல் போறவங்களுக்கும் இந்த கார் ரொம்ப யூஸ்ஃபுல்லா இருக்கும். குறைஞ்ச விலையில கிடைக்கிற சிறந்த கார்கள்ல இதுவும் ஒண்ணு.
மஹிந்திரா பொலிரோ நியோ
பொலிரோ நியோ, பொலிரோவின் நவீன மற்றும் அதிக அம்சங்கள் கொண்ட ஒரு மாடல். இதோட விலை ரூ.8.84 லட்சத்துல இருந்து தொடங்குது. இதுல ஒரு நல்ல இன்டீரியர், மாடர்ன் வசதிகள், மற்றும் சாலையில் ஒரு கம்பீரமான தோற்றம் கிடைக்குது. சிட்டி, கிராமம்னு ரெண்டு இடத்துலயும் இது நல்லா பெர்ஃபார்ம் பண்ணும். இதோட உறுதியான பாடி மற்றும் பவர்ஃபுல்லான டீசல் இன்ஜின்தான் இதோட பெரிய பலம்.
நிஸான் கிராவிட்
நிஸான் கிராவிட், சமீபத்துல இந்திய மார்க்கெட்ல அறிமுகமான ஒரு புது 7-சீட்டர் கார். இதோட எக்ஸ்-ஷோரூம் விலை தோராயமா ரூ.5.65 லட்சம். இது ரெனோ டிரைபர் காரை அடிப்படையாகக் கொண்டதுதான், ஆனா சில கூடுதல் வசதிகள் இதுல இருக்கு. வயர்லெஸ் சார்ஜிங், ஆம்பியன்ட் லைட்டிங், மற்றும் ஒரு அட்டகாசமான டிசைன் இதை தனித்துவமா காட்டுது. பட்ஜெட்ல 7-சீட்டர் மற்றும் மாடர்ன் வசதிகள் வேணும்னு நினைக்கிறவங்களுக்கு இது ஒரு சூப்பர் சாய்ஸ். சிட்டி மற்றும் ஹைவே பயன்பாட்டுக்கு இது ரொம்பவே பொருத்தமானது.
