Tata Motors Offers: டாடா கார்களுக்கு ரூ.3.5 லட்சம் வரை அதிரடி தள்ளுபடி.. முழு விவரம் உள்ளே!
Tata Motors Offers: டாடா மோட்டார்ஸ் நிறுவனம் தங்கள் மாடல் கார்களுக்கு ரூ.3.5 லட்சம் வரை அதிரடி தள்ளுபடி வழங்குகிறது. எந்தெந்த கார்களுக்கு தள்ளுபடி? என விரிவாக பார்ப்போம்.
டாடா கார்களுக்கு அதிரடி தள்ளுபடி
புதிய கார் வாங்க திட்டமிட்டுக் கொண்டிருக்கிறீர்களா? அப்படியென்றால், டாடா மோட்டார்ஸ் (Tata Motors) நிறுவனம் உங்களுக்கு ஒரு நல்ல செய்தியை அறிவித்துள்ளது. செப்டம்பர் மாதத்தில், டாடா நிறுவனம் தனது முக்கிய கார்களுக்கு பெருமளவு தள்ளுபடிகள் மற்றும் சலுகைகளை வழங்கி வருகிறது. Curvv EV காரினுடைய சில வேரியண்ட்களுக்கு ரூ.3.5 லட்சத்திற்கும் மேல் தள்ளுபடி கிடைக்கிறது.
Harrier EV, Tiago EV, Punch EV கார்களுக்கும் சிறந்த சலுகைகள் உள்ளன. டாடா நிறுவனம் தனது பெட்ரோல்/டீசல், சிஎன்ஜி மற்றும் எலெக்ட்ரிக் கார்களுக்கு வழங்கும் இந்த தள்ளுபடிகள் பற்றிய முழுமையான விவரங்களை பார்ப்போம். இந்தச் சலுகைகளில் ரொக்கத் தள்ளுபடி, எக்ஸ்சேஞ்ச் போனஸ், பழைய காரை கழிவு செய்வதற்கான பலன்கள், லாயல்டி ரிவார்ட்ஸ் மற்றும் 'ஃபிரீடம் செலிபிரேஷன்' சலுகைகள் ஆகிய அனைத்தும் அடங்கும்.
எந்தெந்த கார்களுக்கு எவ்வளவு தள்ளுபடி?
டாடா டியாகோ மற்றும் டிகோர் (Tata Tiago & Tigor)
புதிய 'டியாகோ ஃபேஸ்லிஃப்ட்' காருக்கு தற்போதைக்கு எந்தவித அதிகாரப்பூர்வ தள்ளுபடியும் இல்லை. ஆனால், பழைய மாடல் டியாகோ மற்றும் டிகோர் (Pre-facelift) கார்களின் சில வேரியண்ட்களுக்கு (XE வேரியண்ட் தவிர) டீலர்கள் சலுகைகளை வழங்கி வருகின்றனர்.
ரூ.15,000 வரை ரொக்கத் தள்ளுபடி, ரூ.10,000 எக்ஸ்சேஞ்ச் போனஸ் அல்லது ரூ.15,000 வரை ஸ்கிராப்பேஜ் பலன் கிடைக்கும். சில பழைய டியாகோ யூனிட்களுக்கு ரூ.5,000 'ஃபிரீடம் செலிபிரேஷன்' போனஸும் உண்டு. பழைய இருப்பில் உள்ள டியாகோ EV காருக்கு, மொத்தமாக ₹1.45 லட்சம் வரை பலன்களைப் பெறலாம்.
டாடா அல்ட்ராஸ் (Tata Altroz)
அல்ட்ராஸ் கார் வாங்குபவர்களுக்கு இந்த மாதத்தில் ரூ.35,000 வரை ரொக்கத் தள்ளுபடி, ரூ.15,000 வரை எக்ஸ்சேஞ்ச் ஆதரவு மற்றும் ரூ.20,000 வரை ஸ்கிராப்பேஜ் பலன்கள் கிடைக்கும்.
டாடா பஞ்ச் மற்றும் பஞ்ச் EV (Tata Punch & Punch EV)
டாடா பஞ்ச் பெட்ரோல்/CNG மாடல்களுக்கு தற்போதைக்கு எந்தவித அதிகாரப்பூர்வ சலுகையும் இல்லை. ஆனால், பஞ்ச் EV காரின் தற்போதைய இருப்பின் மீது நிறுவனமும் டீலர்களும் ரூ.1.45 லட்சம் வரை பலன்களை வழங்குகின்றனர்.
டாடா நெக்ஸான் மற்றும் நெக்ஸான் EV (Tata Nexon & Nexon EV)
நெக்ஸான் காருக்கு ரூ.55,000 வரை ரொக்கத் தள்ளுபடி, ரூ.15,000 எக்ஸ்சேஞ்ச் ஆதரவு, மற்றும் ரூ.20,000 வரை ஸ்கிராப்பேஜ் பலன்கள் உள்ளன. எலக்ட்ரிக் நெக்ஸான் காருக்கு ரூ.45,000 வரை தள்ளுபடி கிடைக்கும்.
டாடா கர்வ் மற்றும் கர்வ் EV (Tata Curvv & Curvv EV)
கர்வ் காருக்கு ரூ.30,000 ரொக்கத் தள்ளுபடி, ரூ.40,000 எக்ஸ்சேஞ்ச் போனஸ், ரூ.45,000 ஸ்கிராப்பேஜ் பலன், மற்றும் ரூ.50,000 லாயல்டி போனஸ் வழங்கப்படுகிறது. MY2025 இருப்பில் உள்ள கர்வ் EV காருக்குத்தான் அதிகபட்ச தள்ளுபடி வழங்கப்படுகிறது. மொத்தமாக ரூ.3.5 லட்சத்திற்கும் மேல் லாபம் பெற முடியும்.
டாடா சியரா, ஹாரியர் மற்றும் சஃபாரி (Tata Sierra, Harrier & Safari)
சியரா காரின் சில வேரியண்ட்களுக்கு ரூ.30,000 ஸ்கிராப்பேஜ் பலன் மற்றும் லாயல்டி ஊக்கத்தொகை உண்டு (சியரா EV-க்கு தள்ளுபடி இல்லை). ஹாரியர் மற்றும் சஃபாரி கார்களுக்கு ரூ.10,000 ரொக்கத் தள்ளுபடி, ரூ.25,000 எக்ஸ்சேஞ்ச் போனஸ் மற்றும் ரூ.35,000 ஸ்கிராப்பேஜ் பலன்கள் கிடைக்கும்.
ஹாரியர் EV-க்கு ₹1 லட்சத்திற்கும் மேல் சலுகை!
ஹாரியர் EV காருக்கு சிறப்புச் சலுகை அறிவிக்கப்பட்டுள்ளது. ரூ.1,00,000 வரை ‘ஃபிரீடம் செலிபிரேஷன்’ சலுகை, ரூ.50,000 வரை எக்ஸ்சேஞ்ச் போனஸ், ரூ.75,000 வரை ஸ்கிராப்பேஜ் பலன் கிடைக்கும்.
சிறப்பு லாயல்டி மற்றும் கார்ப்பரேட் சலுகைகள்
ஏற்கனவே டாடா EV கார் வைத்துள்ள வாடிக்கையாளர்கள் புதிய கார் வாங்கினால் ரூ.1 லட்சம் வரை லாயல்டி பலன் பெறலாம். டாடா பெட்ரோல்/டீசல் கார் உரிமையாளர்களுக்கும் கூடுதல் லாயல்டி பலன்கள் உள்ளன. இதுமட்டுமல்லாமல், டாடா குழும ஊழியர்களுக்கு சில வேரியண்ட்கள் மீது சிறப்பு கார்ப்பரேட் தள்ளுபடிகளும் வழங்கப்படுகின்றன.
முக்கியக் குறிப்பு: மேலே குறிப்பிடப்பட்டுள்ள தள்ளுபடிகள் தோராயமான கணக்கீடே ஆகும். இறுதித் தள்ளுபடி நீங்கள் இருக்கும் இடம், டீலர்ஷிப், இருப்பு, மாடல் மற்றும் வாடிக்கையாளரின் தகுதியைப் பொறுத்து மாறுபடலாம். கார் வாங்குவதற்கு முன்பாக, உங்கள் அருகில் உள்ள டாடா மோட்டார்ஸ் ஷோரூமிற்குச் சென்று முழு விவரங்களையும் கேட்டுத் தெரிந்துகொள்ளுங்கள்.
